Amǝ Mishan 13:29 - Maləmce Məfele mala Ɓakuli: Kurcau Məbəshe

²⁹ Lang à lumsǝna gir mana kat à gilǝ amuri ama à nǝ̀ pakki wi ki ka, pǝlǝa à sulǝi nggun-gangndi, à kya ci a ɓembe.

Amǝ Mishan 13:29 ပူးပေါင်းရင်းမြစ်များ

Markus 15:42

Agir mǝnia ka, à yì pa a pwari Jumma, mǝnana nda pwari gilǝrǝu ace pwari Sabbat, pwari usǝlǝo ka, nǝ pwarikpǝre.

Luka 23:50

Ɓe kǝɓwa nakam lullǝi ama, Yisǝfu, ɓwa Arimatiya mala nzali Yahudi. Yì ka, nda aɓalǝ amǝ kurcau mala amǝ Yahudi, ɓwa mǝ'ɓealɓoarne na. Yì ka, gir mǝnana aɓwana-mǝgule mala amǝ Yahudi pak ka, earnǝ kǝ ɓe atea ɗang. Yì ka, ndarǝ kundǝ yiu mala Domurǝm mala Ɓakuli.

Luka 23:53

Pǝlǝa kya sulǝ lú, marǝki aɓa nggurbyau pwasǝa, sǝ ci a ɓembe mǝnana à tǝmǝni aɓa tali, yi mǝnana à malaká tsǝk kǝɓwa kam raka.

Luka 24:44

Pǝlǝa nea wia ama, “Mǝnia ka nda cau mǝnana ǝn bangga wun, mana sǝm nda a tarǝ sǝm ngga. Koya gir mǝnana à gilǝì a muram aɓa Nggurcau mala Musa andǝ amalǝmce mala Amǝ'ɓangna mala Ɓakuli andǝ Anggyal ka, dumǝna púp à nǝ̀ lumsǝo.”

Yohana 19:28

Yesu sǝlǝna ama ado ka agir mǝnana kat Ɓakuli turi ɓǝ̀ yi pea ka, malǝna pea, sǝ ace mǝnana ɓǝ̀ cau mala Malǝmce mala Ɓakuli ɓǝ̀ lumsǝ ka, bangŋa ama, “Ən nggǝ ok mǝsamur.”

Yohana 19:30

Lang Yesu sonzǝ mur anap nì ka, na ama, “Malǝna!” Pǝlǝa dili muri sǝ pa yilǝmi.

Amǝ Mishan 13:27

Aɓwana, mana nǝ́ do a Urǝshalima andǝ aɓwana-mǝgule amǝyalban malea ka, à surǝ Yesu ama yì nda Mǝ'amsǝban mǝnana amǝ'ɓangna mala Ɓakuli gilǝ cau amuri ka ɗang. A kun mani ka, à kasǝi wi ɓashi wal-lui, sǝ aɓa pě anggo ka à lumsǝna acau mala amǝ'ɓangna mala Ɓakuli mana à kǝ ɓalli a koya pwari Sabbat, sǝ a bwalte raka.

Amǝ Mishan 2:23

Ɓakuli surǝna rǝ gir mǝnana nǝ̀ kumban ngga, sǝ nǝ kani male, sǝ wu mak Yesu aban aɓwana mǝnana amǝ Yahudi na raka, amǝ ɗwanyi kpata Nggurcau, mǝnana à yì gballì amur nggun-gangndi, à wal-lui ka.

Amǝ Mishan 26:22

Sǝ ba yalung ngga, Ɓakuli ka bwalàm nggàm, nda gir mǝnana tsǝa ado sǝ ǝn kumo ǝn came akani, ǝn nggǝ nakunam aban aɓwana kat, ɓwa mǝkyauwe andǝ ɓwamǝgule. Sǝ gir mǝno ado ǝn nggǝ na ka nda kǝgir mǝnana amǝ'ɓangna mala Ɓakuli andǝ Musa bangŋa ama nǝ̀ yia pur ka.

Amǝ Mishan 4:28

Sǝ gir mǝnana yia à pak kat ka, nda gir mǝnana we, aɓa rǝcandǝa andǝ kane mo ka, a tsǝa ama anggo sǝ nǝ̀ yia pa.

Amǝ Mishan 5:30

Ɓakuli mala aká sǝm na loasǝ Yesu a ɓembe, anzǝm mǝnana wu gballì amur nggun-gangndi, wu wal-luí

1 Amǝ Korinti 15:4

À lumsǝi a ɓembe, sǝ à yì loasǝi nǝ yilǝmu aɓa tāruia nongŋo, kǝla mana Malǝmce na ka.