Amǝ Mishan 13:27 - Maləmce Məfele mala Ɓakuli: Kurcau Məbəshe

²⁷ Aɓwana, mana nǝ́ do a Urǝshalima andǝ aɓwana-mǝgule amǝyalban malea ka, à surǝ Yesu ama yì nda Mǝ'amsǝban mǝnana amǝ'ɓangna mala Ɓakuli gilǝ cau amuri ka ɗang. A kun mani ka, à kasǝi wi ɓashi wal-lui, sǝ aɓa pě anggo ka à lumsǝna acau mala amǝ'ɓangna mala Ɓakuli mana à kǝ ɓalli a koya pwari Sabbat, sǝ a bwalte raka.

Amǝ Mishan 13:27 ပူးပေါင်းရင်းမြစ်များ

Matiu 22:29

Yesu pǝlǝa earia wia ama, “Wu ɓwarkio ace ɗwanyi surǝ Malǝmce andǝ rǝcandǝa mala Ɓakuli.

Luka 22:34

Yesu pǝlǝi wi ama, “Ən nggǝ no we Bitǝrus, yalung mǝnia ka kaniama nggu nǝ̀ ɓua ka, a nǝ tǝmcem kusǝ tārú ama a surǝam ɗang!”

Luka 23:13

Bilatus tunǝ agbani pǝris, andǝ aɓwana-mǝgule, andǝ acilia aɓwana.

Luka 24:20

Agbani pǝris andǝ amurǝma ma'sǝm ramte ama ɓǝa kya kasǝi wi ɓashi lú, pǝlǝa à gballì a nggun.

Yohana 15:21

À nǝ̀ pakka wun amǝnia yì agir kat ka ata cau mem, acemǝnana à surǝ Tárram mǝnana tasǝam ngga ɗang.

Yohana 16:3

À nǝ̀ pakka wun amǝnia yì agir ka acemǝnana à malaká surǝ Tárram ɗang, sǝ à malaká surǝam gbal ɗang.

Yohana 5:39

Wu kǝ ɓalla andǝ mǝnggi ɓa Malǝmce, acemǝnana wu kǝ sǝni kǝla a ɓalǝi sǝ wu nǝ̀ kum yilǝmu mǝnana málá male pà kàm raka, sǝ aman yì acau wu ɓalkiyi ka, mǝ nda à nakiyi cau a muram ngga.

Yohana 8:28

Ace mǝno ka, Yesu nea wia ama, “A pwari mǝnana wu loasǝna Muna mala Ɓwa a kuli amur nggun-gangndi ka, akano sǝ wu nǝ̀ sǝlǝ ama Mǝ Nda ɓwa mǝnana ǝn na wun nǝma Mǝ Nda ka. A pwari mǝno sǝ wun nǝ̀ sǝlǝ gbal ama ǝn nggǝ pak kǝgir aɓa rǝcandǝa mem ɗang. Kǝ gir mǝnana Tárram kaniam ngga kǝ nda ǝn nggǝ na ka.

Amǝ Mishan 15:21

Ɓǝ̀ sǝm ɗenyi ama twal arǝ anza mana a pwaryan ngga, Nggurcau mala Musa ka, à hamǝna nǝi arǝ andakpapi mala amǝ Yahudi a koya nggeala ka, a koya Pwari Sabbat.

Amǝ Mishan 28:23

Pǝlǝa à tsǝk pwari mǝnana à nǝ̀ yia dum nǝi andǝa Bulǝs ka. Aɓwana pas yiu a pwari mǝno aban mǝnana Bulǝs duk kam ngga. Twal a dǝmbari yi bwal a pwarikpǝra, Bulǝs bǝlia wia ɓa cau male amur Domurǝm mala Ɓakuli. Bulǝs ɓariki nǝ̀ cia ɓǝa paɓamuria aban Yesu, nǝ̀ nun ɗenyicau malea arǝ acau mǝnana Nggurcau Mala Musa andǝ agir mǝnana amǝ'ɓangna mala Ɓakuli gilǝ ka.

Amǝ Mishan 3:17

Ado ka, wun amǝ'eamrǝarǝu, ǝn sǝlǝna ama gir mǝnana wun, wunǝa aɓwana-mǝgule ma'wun pakki Yesu ka, wu pe aɓa ɗwanyi sǝlǝe.

Amǝ Roma 11:25

Wun amǝ'eamrǝarǝu, Ən nggǝ earce ɓǝ̀ wu surǝ mǝnia yì cau mana nda ɓa sǝmbǝrǝa ɗiɗyal sǝ adyan ngga, Ɓakuli pusǝni a banfana ka, ace mǝnana wu kǝa dum nǝ twalɓamuru raka. Murcanda mǝnia yipi amǝ Isǝrayila ka, nǝ̀ ngga malâ, ɓǝ̀ lakki mala aɓwana mǝnana amǝ Isǝrayila na raka, mǝnana à nǝ̀ kum amsǝban mala Ɓakuli, yi lumsǝna ka.

1 Amǝ Korinti 2:8

Kǝɓwa pà kàm aɓalǝ amurǝma mala nza man mǝnana surǝ mǝnia yì sǝlǝe ka ɗang. Ɓǝa pǝlǝa ama à surǝni ka, ɓǝ́ à gballì ma Mǝtalabangŋo mǝnana nǝ gulo kat ka ɗang.

2 Amǝ Korinti 3:14

Sǝ amǝ Isǝrayila ka ɓabumia girkina, ba yalung ko aya pwari sǝ à ndarǝ ɓal amalǝmce mala kurcau mǝ'e ka, mǝno yì lagir ka nda kam piu a ɓamǝsǝia. Yì lagir ka, à kǝ gandǝ pusǝe ɗang, she ɓǝ̀ ɓwa pànà ɓamuri aban Kǝrǝsti ka.

2 Amǝ Korinti 4:4

Shetan, mǝnana ginggiyi nǝ nza man ngga songŋǝna pǝndǝa aɓa ɗenyicau mala amǝ ɗwanyi earnǝ Cau Amsǝban, ace mǝnana ɓǝa kǝa kum sǝn tǎlaban mala Cau Amsǝban amur ɓoarɓwa mala Kǝrǝsti, mana ndà purban mala Ɓakuli ka, ɗang.

1 Timoti 1:13

kat andǝ amani ama ɗiɗyal ka, ǝn zalǝki nǝ kunam, ǝn pe aɓwana male tanni, sǝ ǝn lǝmndǝì wi ɓeal ɓǝsǝkiban ngga. Sǝ Ɓakuli ka sǝn mǝsǝswatǝr mem, acemǝnana ǝn pe aɓa ɗwanyi sǝlǝe andǝ ɗwanyi paɓamuru abanì.