Amǝ Mishan 13:25 - Maləmce Məfele mala Ɓakuli: Kurcau Məbəshe

²⁵ Lang Yohana na rǝ mal turo mana Ɓakuli pe wi ɓǝ̀ pak ka, bangŋa ama, “Wu kǝ sǝni kǝla mǝ nda Kǝrǝsti, yì ɓwa mǝnana Ɓakuli tarrì ka le? Mim ngga mǝ nda yì ɗang. Yì ka, nda kǝ yiu atam tu ka, sǝ anggur ankura male ka ǝn kārǝa mǝ nǝ panzǝia ɗang.”

Amǝ Mishan 13:25 ပူးပေါင်းရင်းမြစ်များ

Matiu 3:11

“Ən nggǝ pakka wun batisǝma nǝ mur mǝnana nǝ̀ lǝmndǝ ama wu nyingŋǝna acauɓikea ma'wun. Nǝ nzǝmo ka, ɓeɓwa na nǝ̀ ngga yiu mǝnana kutiam nǝ bangŋo ka, mǝnana yale nkura kusǝì ka ǝn kārǝa mǝ bwali a buam ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Markus 1:7

Kǝ hama, kǝ bangŋa ama, “Ɓe ɓwa nà kǝ yiu a nzǝmam ngga. Gulo kutiam kǝrkǝr, ko anggur nkura kusǝì ka ǝn kārǝa mǝ nǝ kūndǝo mǝ nǝ panzǝia ɗang.

Yohana 1:29

Ɓe ban fana ka, Yohana sǝn Yesu aban yiu nǝ bani, sǝ pǝlǝa na ama, “Wu sǝn Mǝgam mala Ɓakuli, mǝnana twalkiyi cauɓikea mala ɓanza ka!

Yohana 1:34

Ən sǝni sǝ ǝn bangcau amuri ama, yì ka, nda Muna mala Ɓakuli.”

Yohana 1:36

Lang nǝ̀ sǝn Yesu aban kutio ka, na ama, “Wu sǝn Mǝgam mala Ɓakuli!”

Yohana 4:34

Yesu nea wia ama: Girlina mem nda ɓǝn pak gir mǝnana Tárram mana turam ngga earkiyi ce, sǝ ɓǝn masǝlǝta turo male mǝnana pam ɓǝn pe ka.

Yohana 7:18

Ɓwa mǝnana kǝ na cau aɓa ɓamuri ka, gulo mala ɓamuri na alkiyite ka, sǝ ɓwa mǝnana kǝ pak gir ace gulo mala ɓwa mǝnana turi ka, ɓwa mǝ'mǝsǝcau nì na, ɓe kǝgir nyir pa a ɓalǝi ɗang.

Amǝ Mishan 13:36

Mǝnia ka Dauda na à nakiyi cau amuri ka ɗang, acemǝnana anzǝm mana Dauda pangŋǝna gir mana kànì mala Ɓakuli na, a nza male ka, pǝlǝa wu, à ci a ɓembe ata ake, nggūrǝi ka rǝmbǝo.

Amǝ Mishan 19:4

Pǝlǝa Bulǝs banggia wia ama, “Batisǝma mǝnana Yohana pak ka nda ace aɓwana mana à pwanzali, à nying acauɓikea malea ka. Sǝ ne amǝ Isǝrayila ama ɓǝa paɓamuria aban ɓwa mǝnana kǝ yiu a nzǝmi ka, mǝnana à tunǝki ama, Yesu ka.”

Amǝ Mishan 20:24

Sǝ amur mani ka, ǝn twal yilǝmem a kun ɓe kǝgir ɗang. Mim ngga, gir mǝnana ǝn tsǝk muram a rǝì ka nda mǝnana ama ɓǝ̀ ǝn mal turo mǝnana Mǝtalabangŋo Yesu pam ɓǝ̀ ǝn pe ka, yì turo hamnǝ Cau Amsǝban mala ɓwamuru mala Ɓakuli.

2 Amǝ Korinti 4:5

Yì Yesu Kǝrǝsti Mǝtalabangŋo ka, nda mana sǝm nggǝ hamnǝi ka, ɓamur rǝ sǝm na sǝm nggǝ hamnǝi ka ɗang. Sǝm ngga, sǝm nda ka amǝturo ma'wun à kǝ ce Yesu.

2 Timoti 4:7

Ən munǝna munǝo mǝɓoarne, mire mem bwalǝna masǝlǝate, sǝ ǝn camǝna kàngkàng aɓa paɓamuru arǝ Kǝrǝsti māna à pam a buam ngga.

Sǝna 11:7

Anzǝm mǝnana ɓǝa malǝna nakun malea ka, nyamɓikea mǝnana nǝ̀ pur aɓa tuli-tàtǝkǝtè ka, nǝ̀ yiu nǝ lwa a rǝia, nǝ̀ gandǝia sǝ nǝ̀ wal-luia.