Amǝ Mishan 13:2 - Maləmce Məfele mala Ɓakuli: Kurcau Məbəshe

² A ɓe pwari lang à nǝ̀ nggǝ peri aban Mǝtalabangŋo andǝ gilmur ka, Bangŋo Mǝfele na ama, “Wu taram Barnabas andǝ Sawul wu cia ɗàng ace turo mǝnana ǝn tunǝia à nǝ̀ pakkam ngga.”

Amǝ Mishan 13:2 ပူးပေါင်းရင်းမြစ်များ

Matiu 17:21

[Sǝa ma ulang mǝnia yì kukwar ka kǝ ear puro ɗang she nǝ hiwi andǝ gilmur.]

Matiu 6:16

Ɓǝ̀ a nǝ gilmur ka, ce a kur ɓamǝsǝo kǝla pé mala amǝ'kunɓarina ɗang. Pak ka à kǝ kiɗiki ɓamǝsǝia ace mǝnana ɓǝa lǝmndǝì aɓwana ama à ndarǝ gilmur ka. Ən nggǝ na wun mǝsǝcau à angŋa dǝmbǝa à kumǝna tangnakusǝia.

Matiu 9:38

Wu zǝmbǝi Mǝtala-ɓaban ɓǝ̀ tasǝ amǝturo ɓǝa yiu a ɓaban male.”

Luka 10:1

Anzǝm mǝnia ka, Mǝtalabangŋo twal aɓea ɓwana lumi-tongno-nong-ɓari nǝ mǝsǝì ɓari ata amǝkpate, sǝ tasǝia ɓari-ɓari ɓǝa aki dǝmbǝa o arǝ ala andǝ aban mǝnana yì ka, nǝ̀ ká kam ngga.

Luka 2:37

Anggo sǝ do man-lú apǝlǝa lumi-tongno-nong-tārú nǝ mǝsǝì ine. Gapiyi tarǝia andǝ Ndàmǝgule mala Ɓakuli ɗang, du andǝ pwari nda aban peri aban Ɓakuli nǝ gilmur andǝ hiwi.

Amǝ Mishan 10:19

Sǝ lang Bitǝrus na piu aban pak ɗenyicau amur mǝnia yì gir Ɓakuli mǝn mǝsǝì sǝni ka, Bangŋo mala Ɓakuli ne wi ama, “Shiman, aɓwana tārú à nda kǝ sǝn banio ka.

Amǝ Mishan 10:30

Karnilus eare ama: Nongŋo tārú mǝno kuti ka, pwari na anggo kǝla mǝnia ka, a bu-pwari tārú mala pwarikpǝra, mǝ nda ban pak hiwi a ɓala mem, kara ɓeɓwa mana oasǝ agir-nggurǝu mǝlinzame ka, puro yi came a ɓadǝmbǝam.

Amǝ Mishan 13:3

Anzǝm gilmur andǝ hiwi ka, pǝlǝa à tsǝk abu amuria sǝ à tasǝia aban o a turo mishan.

Amǝ Mishan 13:4

Yia kǝm mana Bangŋo Mǝfele turia ka, à pur a Antiyok sǝ à wario a Selusiya, la a kun múr. Abanì ka à kutia waru aban ká a nggeala Salamis aɓa luran Sayipǝrus.

Amǝ Mishan 14:26

À nying Ataliya ka, à kutia waru sǝ à samsǝa aban ká a Antiyok mala bu-nzali Suriya, aban mǝnana à tita gya malea kam ngga, àkǝ̀ ban mǝnana à cia aɓata ɓwamuru mala Mǝtalabangŋo, ɓǝa kya turo mǝno ado à kǝ nyari pe ka.

Amǝ Mishan 20:28

Wu yal ɓamur rǝ wun andǝ aɓwana mala Ɓakuli mǝnana Bangŋo Mǝfele pa wun a bu wun ɓǝ̀ wu ɗenyi nǝia ka. Wu do kǝla ayalgir amur domwan mala Ɓakuli, yì ikǝlisiya male, amǝkpate mǝnana kúria nǝ nkila mala Muni, mǝnana sukki amur nggun-gangndi ace amsǝia ka.

Amǝ Mishan 22:21

Pǝlǝa Mǝtalabangŋo nam ama, “Kyane, acemǝnana mǝ nǝ turo kuko aban aɓwana mǝnana amǝ Yahudi na raka.”

Amǝ Mishan 4:36

Sǝm nǝ̀ gandǝ sǝn arǝ Yisǝfu, mǝnana amǝ'mishan pe wi ɓe lullǝu ama Barnabas ka (ɓa lullǝuî nda, Ɓwa mǝnana kǝ ɓakɓabum aɓwana ka). Yì ka, ɓwa tau mala Lawi na, mǝnana pur a Luran mana à tunǝki ama Sayipǝrus ka.

Amǝ Mishan 6:4

Sǝ sǝm ngga, sǝm nǝ̀ pa rǝcandǝa ma'sǝm arǝ pakki Ɓakuli turo nǝ hiwi andǝ hamnǝ cau.”

Amǝ Mishan 8:29

Pǝlǝa Bangŋo mala Ɓakuli ne Filip ama, “Kyane, bwalta mǝno yì waru ka.”

Amǝ Mishan 9:15

Mǝtalabangŋo ne Hananiya ama, “Kyane, mǝnia yì ɓwa ka, ǝn tarì girturo mem na, ɓǝ̀ kyan nǝ lullǝam aban aɓwana arǝ anzali, andǝ amurǝma, andǝ ban amǝ Isǝrayila.

Amǝ Roma 1:1

Mǝnia yì cautera ka pur nǝban Bulǝs, guro mala Kǝrǝsti Yesu, mǝnana Ɓakuli tunǝi ɓǝ̀ duk mǝ'mishan, sǝ tarrì ace turo hamnǝ bǝsa Cau Mǝɓoarne mala Ɓakuli ka.

Amǝ Roma 10:15

Sǝ lang sǝ aɓwana nǝ̀ hamnǝ cau, yi mǝnana Ɓakuli turia raka? Kǝla mǝnana à gilǝì ka: “Yiu mala aɓwana mǝnana à kǝ hamnǝ Cau Amsǝban ngga gir mǝɓoarne na kǝ̀rkǝ́r!”

Amǝ Roma 15:16

mǝ duk mǝturo mala Kǝrǝsti Yesu aban aɓwana mala acili anzali ka. Ɓakuli twalam ace mǝnana mǝ pak turo kǝla pǝris, aban hamnǝ bǝsa Cau Mǝɓoarne male. Sǝ aɓa mǝno anggo ka aɓwana mala acilia nzali ka ɓǝa duk ɓoro mǝnana gir-á na aban Ɓakuli, yia aɓwana mǝnana Bangŋo Mǝfele tarnia ace Ɓakuli ɓǝa duk amale ka.

1 Amǝ Korinti 12:11

Rǝcandǝa mala amǝnia yì aɓoro ka kǝ pur nǝ ban Bangŋo mǝnia mwashat ka, sǝ kǝ Bangŋo mǝ'mwashati na kǝ gaki amǝnia yì aɓoro ka kǝla mǝnana ɓabumi kànì ka, ace mǝnana koyana ka, ɓǝ̀ kum ɓoro mǝnana kum ngga.

1 Amǝ Korinti 7:5

Wu kǝa ɓinǝia rǝ wun nongŋo-nda ɗang, she ɓǝ̀ do ama nǝ eare ma'wun arǝarǝ wun, ace mǝnana ɓǝ̀ wu kum dǝmbǝu mala pak hiwi ka. Anzǝm mani ka, wu nǝ̀ nyare a tarǝ wun. Anggo ka pà wu nǝ̀ kpa aɓa karǝkiban mala Shetan ace ɗwanyi bwalrǝu ma'wun ɗang.

2 Amǝ Korinti 11:27

Ən do aɓa pak turo mǝkwane andǝ aulǝa, aɓa ɗwanyi ntulo arǝ adú pas, aɓa nzala andǝ mǝsamur. Kusǝ pas ǝn do aɓa tǝla girlina, aɓa ɗwal andǝ tǝla agir-nggurǝu.

2 Amǝ Korinti 6:5

À walki sǝm, à ramta sǝm a ndàkurban, aɓwabunda lo arǝ sǝm aɓa bumlulla; sǝm pak turo aɓa aulǝa, sǝm dum nǝ gandǝrǝu aɓa ɗwanyi ntulo andǝ nzala.

Amǝ Galati 1:15

Sǝ kani ama à nǝ̀ ɓǝlam ngga, Ɓakuli taram, sǝ tunǝam aɓata ɓwamuru male. Banɓoari wi

Amǝ Afisu 3:7

Paɓoro mala Ɓakuli na, a tarǝia andǝ ɓwamuru male sǝ à yì pǝlǝam ǝn duk mǝturo mala mǝnia yì Cau Amsǝban, nǝ rǝcandǝa male mana kǝ pak turo a ɓalǝam ngga.

Amǝ Kolosi 4:17

Sǝ wu banggi Arkipus mǝnia yì cau ka: “Tsǝkiro arǝ turo mǝnana Mǝtalabangŋo po ka, masǝlǝte.”

1 Timoti 2:7

Àkǝ̀ ce mani sǝ à taram kǝla mǝhama andǝ mǝ'mishan, mǝ kani aɓwana mala acili anzali gir, amur paɓamuru andǝ mǝsǝcau. Mǝnia ka nyir na ǝn nakiyi ka ɗang, nggearǝ mǝsǝcau na ǝn nggǝ na ka.

2 Timoti 1:11

Sǝ Ɓakuli twalam ɓǝn duk mǝ hamnǝ cau male, andǝ mǝ'mishan, andǝ mǝkanigir mala mǝnia yì Cau Amsǝban.

2 Timoti 2:2

Sǝ kanigir mǝnana a oe a kunam a ɓadǝmbǝ amǝnakun pas ka, twali, kani aɓwana amǝ'mǝsǝcau nì mǝnana à nǝ̀ gandǝ tasǝi aban ká aban aɓea aɓwana gbal ka.

2 Timoti 4:11

Kǝ Luka, nda mǝnana abanam ngga. Ɓǝ̀ a nǝ yiu ka, wu yiu wunǝ Markus, acemǝnana nǝ̀ yia bwalam nggam arǝ turo mem.

2 Timoti 4:5

Sǝ we ka, hami rǝo aɓa koya ulang ɓealǝu mala do, dumnǝ gandǝrǝu aɓa nutanni, pak turo mala Mǝhama, lumsǝ turo mǝnana a pakkiyi ace Ɓakuli ka.

Amǝ Ibǝru 5:4

Kǝ ɓwa pà nǝ̀ gandǝ pe ɓamuri mǝnia yì gulo mala Pǝris Mǝgule ɗang, she ɓǝ̀ Ɓakuli nǝ tunǝi, kǝla mǝnana tunǝ Haruna ka.