Amǝ Mishan 13:15 - Maləmce Məfele mala Ɓakuli: Kurcau Məbəshe

¹⁵ Anzǝm ɓalgir aɓa Nggurcau mala Musa andǝ malǝmce mala amǝ'ɓangna mala Ɓakuli ka, aɓwana-mǝgule mala ndakpapi tasǝ cau abania ama, “Wun amǝ'eamrǝarǝu, ɓǝ̀ wu ndanǝ kǝcau kwarkiru ace aɓwana ka, wu yiu, wu yi ne.”

Amǝ Mishan 13:15 ပူးပေါင်းရင်းမြစ်များ

Markus 5:22

Ɓe ɓwamǝgule mala ndakpapi, lullǝi ama Jarus, yiu abani. Nǝ̀ yia sǝn Yesu ka, pǝlǝa kpa a ɓadǝmbǝi,

Luka 16:16

Nggurcau mala Musa andǝ amalǝmce mala amǝ'ɓangna mala Ɓakuli ka à nǝ̀ bwalkiyia wun gara ba yiu mala Yohana Mǝbatisǝma. Lo arǝ abaku mǝno ka sǝ à camarǝ hamnǝ cau Mǝɓoarne mala Domurǝm mala Ɓakuli, sǝ ko yan ngga kǝ ɓariki kǝrkǝr nǝ kutio kam.

Amǝ Mishan 1:16

Wun amǝ'eambǝam, dumǝna púp ama à nǝ̀ lumsǝ cau Malǝmce mala Ɓakuli mǝnana Bangŋo Mǝfele bangŋi ɗiɗyal nǝ kun Murǝm Dauda amur Yahuda ka. Yahuda ka nda ɓwa mǝnana lǝmndǝ njar aban ká nǝ́ aɓwana mǝnana à bwal Yesu ka.

Amǝ Mishan 13:27

Aɓwana, mana nǝ́ do a Urǝshalima andǝ aɓwana-mǝgule amǝyalban malea ka, à surǝ Yesu ama yì nda Mǝ'amsǝban mǝnana amǝ'ɓangna mala Ɓakuli gilǝ cau amuri ka ɗang. A kun mani ka, à kasǝi wi ɓashi wal-lui, sǝ aɓa pě anggo ka à lumsǝna acau mala amǝ'ɓangna mala Ɓakuli mana à kǝ ɓalli a koya pwari Sabbat, sǝ a bwalte raka.

Amǝ Mishan 15:21

Ɓǝ̀ sǝm ɗenyi ama twal arǝ anza mana a pwaryan ngga, Nggurcau mala Musa ka, à hamǝna nǝi arǝ andakpapi mala amǝ Yahudi a koya nggeala ka, a koya Pwari Sabbat.

Amǝ Mishan 15:7

Anzǝm naki acau pas ka, Bitǝrus lo came, sǝ nea wia ama: Wun amǝ'eamrǝarǝu, wu sǝlǝna ama aɓea apwari mǝno a kuti ka, Ɓakuli twalam aɓalǝ wun mǝ hamnǝ Cau Amsǝban aban aɓwana mana amǝ Yahudi na raka. Ɓakuli tasǝam ace mǝnana yia gbal ka, ɓǝa o, ɓǝa paɓamuria aban Yesu.

Amǝ Mishan 18:17

Sǝ yia kat ka à pǝlǝ amur Sosǝtins, mǝyal mur ndakpapi, à bwali, à walki àkǝ̀ kun ndaɓashi. Sǝ ko kǝgir dǝurǝ Galiyo ɗang, ko bǝti.

Amǝ Mishan 18:8

Kǝrispus, ɓwamǝgule ndakpapi ka, paɓamuri aban Mǝtalabangŋo, yì andǝ amǝɓala male kat. Sǝ aɓwana pas a Korinti, mǝnana à ok cau mala Bulǝs ka, à paɓamuria aban Mǝtalabangŋo, pǝlǝa à pakkia wia batisǝma.

Amǝ Mishan 2:29

Wun amǝ'eambǝam, mǝ nǝ gandǝ na wun nǝ rǝcandǝa ama, kà-sǝm Dauda ka wú, sǝ à cì a ɓembe, sǝ ba yalung, ɓembe male nia aban sǝm ngga.

Amǝ Mishan 2:37

Lang amǝnia yia aɓwana ok anggo ka, cau tǝmia a ɓabumia kǝrkǝr, sǝ à ne Bitǝrus andǝ acilia amǝ'mishan ama, “Amǝ'eam sǝm, mana ɓoaro ɓǝ̀ sǝm pa?”

Amǝ Mishan 2:4

Aɓwana mǝnana kat abanì ka, à lumsǝia nǝ Bangŋo Mǝfele, sǝ à tita na cau nǝ aɓea kún ɗàngɗáng, mǝnana Bangŋo Mǝfele pea wia rǝcandǝa mala ne ka.

Amǝ Mishan 20:2

Lang gingna arǝ abumban aɓa mǝno yì bu-nzali aban ɓak ɓabum amǝkwaɗi nǝ cau mala Ɓakuli ka, pǝlǝa kutio wario a Gǝris mǝnana gbal à tunǝki ama bu-nzali Akaya ka.

Amǝ Mishan 22:1

Bulǝs na ama, “Wun amǝ'eambǝam amǝ Yahudi andǝ aɓwana-mǝgule ma'sǝm, wu kwaki kir wun wu ok cau mem!”

Amǝ Mishan 4:36

Sǝm nǝ̀ gandǝ sǝn arǝ Yisǝfu, mǝnana amǝ'mishan pe wi ɓe lullǝu ama Barnabas ka (ɓa lullǝuî nda, Ɓwa mǝnana kǝ ɓakɓabum aɓwana ka). Yì ka, ɓwa tau mala Lawi na, mǝnana pur a Luran mana à tunǝki ama Sayipǝrus ka.

Amǝ Mishan 7:2

Itǝfanu eare ama: Wun amǝ'eambǝam andǝ atarram, wu kwaki kir wun a rǝam! Ɓakuli mǝɓoarɓwe pusǝrǝi aban ká sǝm Ibǝrayim a nzali Mesopotamiya peatu, kaniama ɓǝ̀ o a dola a Haran.

Amǝ Roma 12:8

Ɓǝ̀ mo ka ɓakɓabum aɓwana na ka, wu kǝ pak turo ɓakɓabum. Ɓǝ̀ pabu nda mo yì ɓoro ka, wu kǝ pè nǝ ɓabumo mwashat. Ɓǝ̀ mo ka turo lidǝmbǝa nǝ aɓwana na ka, wu kǝ pe nǝ ɓabumpina. Sǝ ɓǝ̀ lǝmndǝ ɓwamuru nda mo ka, wu kǝ̀ lǝmndǝi nǝ banɓoarnado.

1 Amǝ Korinti 14:3

Sǝ ɓwa mǝnana kat kǝ na gi Ɓakuli ka, nda ban ne aɓwana ɓǝa kum ɓakban andǝ rǝcandǝa andǝ girikiban.

2 Amǝ Korinti 3:14

Sǝ amǝ Isǝrayila ka ɓabumia girkina, ba yalung ko aya pwari sǝ à ndarǝ ɓal amalǝmce mala kurcau mǝ'e ka, mǝno yì lagir ka nda kam piu a ɓamǝsǝia. Yì lagir ka, à kǝ gandǝ pusǝe ɗang, she ɓǝ̀ ɓwa pànà ɓamuri aban Kǝrǝsti ka.

1 Amǝ Tasalonika 2:3

Cau kwarkiru mǝnana sǝm yinǝi aban wun ngga, pur aɓa ɓwarkio ɗang, ko nǝ ɓe a ɓalǝi ɗang, sǝ sǝm pà aban swarki wun gbal ɗang.

Amǝ Ibǝru 13:22

Ən nggǝ zǝmbǝa wun, wun amǝ'eamrǝarǝu, wu tsǝk ɓalǝ wun arǝ mǝnia yì gbǝlǝm cau ɓakɓabum ǝn gilǝa wun ngga.