Amǝ Mishan 12:4 - Maləmce Məfele mala Ɓakuli: Kurcau Məbəshe

⁴ Lang bwalǝna Bitǝrus ka pǝlǝa tsǝa à kya oasǝi a ndàkurban. Tamsǝ asoje arǝ abanì ine ɓǝa yallí, sǝ koya banì ka ndanǝ asoje ine. Kànì mala Hirǝdus ka nda mǝnana ama nǝ̀ pakki Bitǝrus ɓashi lú a ɓamǝsǝ ɓwapǝndǝa anzǝm Lamsan Yalimuru.

Amǝ Mishan 12:4 ပူးပေါင်းရင်းမြစ်များ

Matiu 24:9

À nǝ̀ yia bwalki wun, à nǝ̀ ká nǝ wun aban aɓwana mǝnana à nǝ̀ pa wun tanni sǝ à nǝ̀ wal lú wun ngga. Aɓwana arǝ anzali kat à nǝ̀ ɓinǝ mǝsǝ wun acemǝnana wu ndaka amǝ kpatam ngga.

Matiu 26:5

Pǝlǝa à nea rǝia ama, “Ɓǝ̀ sǝm ká pak gir man a pwari Lamsan Yalimuru ɗang, ɓǝ̀ sǝm pa anggo ka aɓwana nǝ̀ loasǝ munǝo a la.”

Markus 14:1

Anongŋo ɓari a dǝm Lamsan mala Yalimuru andǝ Lamsan mala Bǝredi mǝnana Yis pa a rǝì raka, agbani pǝris andǝ amalǝm Nggurcau mala Musa ka, à nda ban alta njar aɓa sǝmbǝrǝa, mǝnana à nǝ̀ bwalǝna Yesu nǝi à nǝ̀ wal-luí ka.

Luka 21:12

Sǝ kaniama amǝnia yì agir nǝ̀ kumban ngga, à nǝ̀ bwalki wun, à nǝ̀ pa wun tanni. À nǝ̀ ká nǝ wun a ɓashi arǝ andakpapi, à nǝ̀ kur wun arǝ andakurban, à nǝ̀ ká nǝ wun aban amurǝma andǝ anggwamna, acemǝnana wu nda ka amǝ kpatam ngga.

Luka 22:33

Bitǝrus eari wi ama, “Mǝtalem, ǝn shamna bumam mǝ nǝ o ato a ndàkurban, sǝ mǝ nǝ wu ato!”

Yohana 19:23

Anzǝm mǝnana asoje gballìna Yesu amur nggun-gangndi ka, à pwan agir-nggurǝi à gauwia banì ine, sǝ koya soje ka twal banì mwashat. Sǝ nggea-daura male mǝnana à te nǝ nggurbyau mwashat kunkpakǝri pa a rǝì raka, à twali gbal.

Yohana 21:18

Mǝ nda ban banggo mǝsǝcau: mǝnana a kǝ long-nǝ-lo ka, a kǝ gandǝ oasǝ agir a rǝo sǝ a kǝ wari aban mǝnana kat a earce a nǝ ká kam ngga. Sǝ ɓǝ̀ a enà ka, a nǝ sarǝ abuo, sǝ aɓea ɓwana ɗang na à nǝ̀ oasǝo agir a rǝo, sǝ à nǝ̀ ká nǝ we, aban mǝnana a earce ká kam raka.”

Amǝ Mishan 12:3

Lang sǝn mǝnia yì gir pe ka pwasǝ bum aɓwana-mǝgule mala amǝ Yahudi ka, nyartu bwal Bitǝrus gbal. (Mǝnia ka pe a pwari Lamsan mala Bǝredi mǝnana yis pa'ari raka.)

Amǝ Mishan 12:5

Anggo ka, Bitǝrus na a ndàkurban, sǝ amǝkwaɗi ka à came arǝ pak hiwi nǝ ɓabumia kat aban Ɓakuli ata cau male.

Amǝ Mishan 4:28

Sǝ gir mǝnana yia à pak kat ka, nda gir mǝnana we, aɓa rǝcandǝa andǝ kane mo ka, a tsǝa ama anggo sǝ nǝ̀ yia pa.

Amǝ Mishan 4:3

Pǝlǝa à bwal Bitǝrus andǝ Yohana à oasǝia a ndakurban, ɓǝa nongŋo she ɓǝ̀ ban fana ka, acemǝnana pwari kpana.

Amǝ Mishan 5:18

Pǝlǝa à bwal amǝ'mishan, à oasǝia a ndàkurban.

Amǝ Mishan 8:3

Pǝlǝa Sawul lo wuni adyan aban pe ikǝlisiya tanni, kǝ kutikio arǝ aɓala, kǝ bwalki aburana andǝ amamǝna, kǝ um nǝia a ndàkurban.