Amǝ Mishan 12:3 - Maləmce Məfele mala Ɓakuli: Kurcau Məbəshe
3 Lang sǝn mǝnia yì gir pe ka pwasǝ bum aɓwana-mǝgule mala amǝ Yahudi ka, nyartu bwal Bitǝrus gbal. (Mǝnia ka pe a pwari Lamsan mala Bǝredi mǝnana yis pa'ari raka.)
A pwari mana à tinata pakiɗire mala Bǝredi Mana à Tsǝki Yist raka, alaggana mala Yesu yiu abani sǝ à ɗi ama, “A ya ban sǝ a kǝ earce ɓǝ̀ sǝm gilǝkio girlina Lamsan Yalimuru?”
Yesu eari wi ama, “A pà nǝ kum rǝcandǝa a muram ɗang, yi mǝnana ɓǝ̀ Ɓakuli pa mo raka. Ace mǝno ka, ɓwa mǝnana tasǝam aɓa buo ka, cauɓikea male gulo kuti mo.”
Mǝ nda ban banggo mǝsǝcau: mǝnana a kǝ long-nǝ-lo ka, a kǝ gandǝ oasǝ agir a rǝo sǝ a kǝ wari aban mǝnana kat a earce a nǝ ká kam ngga. Sǝ ɓǝ̀ a enà ka, a nǝ sarǝ abuo, sǝ aɓea ɓwana ɗang na à nǝ̀ oasǝo agir a rǝo, sǝ à nǝ̀ ká nǝ we, aban mǝnana a earce ká kam raka.”
Lang bwalǝna Bitǝrus ka pǝlǝa tsǝa à kya oasǝi a ndàkurban. Tamsǝ asoje arǝ abanì ine ɓǝa yallí, sǝ koya banì ka ndanǝ asoje ine. Kànì mala Hirǝdus ka nda mǝnana ama nǝ̀ pakki Bitǝrus ɓashi lú a ɓamǝsǝ ɓwapǝndǝa anzǝm Lamsan Yalimuru.
Pǝlǝa Bitǝrus lo cam nǝ came andǝ acilia amǝ'mishan mala Yesu lum-nong-mwashat gbal ate, loasǝ gi a kuli bangcau nǝ ɓwabunda ama: Wun aɓwana ma'sǝm, amǝ Yahudi andǝ aɓwana mǝnana kat à ndanǝ do kani aɓa Urǝshalima ka! Wu kwaki kir wun pale wu o, wun kat, ɓǝ̀ ǝn bǝla wun ɓa mǝnia yì gir ka.
Sǝ sǝm twal gya nǝ kwar-nza sǝm o a nggeala Filipi. Akano anzǝm Lamsan mala Bǝredi mana Yist pa a rǝì raka, sǝm nggea kutio a waru-mur aban o a nggeala Tǝros. Anzǝm anongŋo tongno ka sǝm nggea kumia a Tǝros. Abanì sǝ sǝm pak limo mwashat.
Anzǝm mǝnana apǝlǝa ɓari kutina ka, ɓe bǝsa Nggwamna Posiyos Festus yi aki Felis turo do Nggwamna. Sǝ acemǝnana Felis earce pwasǝbum amǝ Yahudi ka, nying Bulǝs a ndàkurban.
Sǝ aɓwana-mǝgule man kat ka, à pak ndalǝki nǝ mǝsǝkang-kangŋa mala Bitǝrus andǝ Yohana, acemǝnana à sǝnia ka aɓwana na anggo, à kum ɓe kǝ kanigir aɓa Malǝmce ɗang. Pǝlǝa gir nî yi kpakia wia ama Bitǝrus andǝ Yohana ka ado a tarǝia andǝ Yesu.
Ado ka, ɓwangsǝban mala ɓwapǝndǝa na ǝn alkiyite ka le, ko mala Ɓakuli? Ɓǝ̀ mǝ nda ban ɓariki mǝ nǝ pwasǝbum ɓwapǝndǝa ka, ɓǝ́ pa mǝ nǝ duk guro mala Kǝrǝsti ɗang.