Amǝ Mishan 12:19 - Maləmce Məfele mala Ɓakuli: Kurcau Məbəshe

¹⁹ Hirǝdus tsǝa ɓǝa alte, sǝ a kumi ɗang. Mgbi ka asoje amǝyalban nǝ ɗikiban, pǝlǝa tsǝa ama ɓǝa wal-luia. Anzǝm man ngga, Hirǝdus nying nzali Yahudi kutio o kya do a Kaisariya zuku.

Amǝ Mishan 12:19 ပူးပေါင်းရင်းမြစ်များ

Matiu 2:1

À ɓǝl Yesu a Betalami, a nzali Yahudi, a baku mǝnana Hirǝdus nda murǝm ngga. Tu anzǝm ɓǝl Yesu ka, amǝ'sǝle amur anlero pur nǝ takuli sǝ à yiu a Urǝshalima,

Matiu 2:13

Lang amǝ'sǝle amur anlero umna ka, mǝturonjar mala Mǝtalabangŋo pusǝrǝi aban Yisǝfu a lorǝo sǝ banggi wi ama, “Lo twal muna andǝ ngge wu ɓangŋa wu o a nzali Masar. Wu duk kano she ɓǝn bangŋǝno ama wu nyar ka, acemǝnana Hirǝdus na nǝ̀ ngga alta muna ama nǝ̀ wali.”

Matiu 2:16

Lang Hirǝdus yi sǝlǝ ama amǝno yì amǝ'sǝlǝgir ɓosǝkini ka, bumi lul kǝrkǝr. Pǝlǝa tasǝ asoje a Betalami andǝ ala mana a nkanggari ka à wal amuna-burana mǝkeke kat mǝnana pǝlǝa malea ɓari andǝ a mǝnana à bwal raka, kārǝí arǝ pwari mǝnana ongŋǝna ce nǝi a kun amǝ'sǝlǝgir ka.

Amǝ Mishan 12:18

Nǝ dǝmbari ka, asoje amǝ yalban ngga ban twalo zurǝì a rǝia, à pǝlǝ ɓalǝia ɓà amur mana kumban sǝ Bitǝrus ka à sǝni raka.

Amǝ Mishan 12:4

Lang bwalǝna Bitǝrus ka pǝlǝa tsǝa à kya oasǝi a ndàkurban. Tamsǝ asoje arǝ abanì ine ɓǝa yallí, sǝ koya banì ka ndanǝ asoje ine. Kànì mala Hirǝdus ka nda mǝnana ama nǝ̀ pakki Bitǝrus ɓashi lú a ɓamǝsǝ ɓwapǝndǝa anzǝm Lamsan Yalimuru.

Amǝ Mishan 12:6

Àkǝ̀ bu du mǝnana ɓǝ̀ ban fana ka Hirǝdus nǝ̀ pakki Bitǝrus ɓashi ka, Bitǝrus na ntulo, abuí andǝ akusǝi ka à tākia nǝ ansolo, sǝ nda a nre ka asoje ɓari. Aɓea asoje came à kǝ yal kun ndàkurban.

Amǝ Mishan 16:27

Mǝyal ndàkurban lo ndǝring, lang nǝ̀ sǝnban ngga, akunakurǝm kat ka, à mǝnggina. Aɓa ɗenyicau male ka twali ama, aɓwana mana à girria a ndà ka, à ɓangŋǝna à mesǝkina. Nda kwetǝ nggeabyau nǝ̀ wal ɓamuri.

Amǝ Mishan 21:8

Ban fana ka, sǝm lidǝmbǝa aban o a nggeala Kaisariya. Akano ka, sǝm yì sulǝo a ɓala mala Filip mǝ hamnǝ Cau Amsǝban. Yì ka, nda mwashat aɓalǝ aburana tongno-nong-ɓari, mǝnana amǝkwaɗi twalia a Urǝshalima ace bwal ban turo gau girlina ka.

Amǝ Mishan 25:13

Anzǝm anonggeo bǝti ka, Murǝm Agǝripa andǝ Banayis à yiua makki Festus kun a Kaisariya ace gulo mǝnana kum ka.

Amǝ Mishan 27:42

Kane mala asoje ka nda mǝnana ama, à nǝ̀ wal-lú apursǝna kat mǝnana aɓa waru ka, ace mǝnana ɓǝ̀ kǝɓwa aɓalǝia ɓǝ̀ kǝa kpa a mùr, ɓǝ̀ oakio, ɓǝ̀ eau a nza, ɓǝ̀ ɓwaro a rǝia ka ɗang.

Amǝ Mishan 8:40

Sǝ Filip, nǝ nzǝmo ka, kya kum ɓamuri a ɓe la mana à tunǝki ama Azotus ka. Pǝlǝa camarǝ hamnǝ Cau Amsǝban arǝ ala aban ká a Kaisariya.