Amǝ Mishan 12:17 - Maləmce Məfele mala Ɓakuli: Kurcau Məbəshe

¹⁷ Bitǝrus pǝlǝa nea wia nǝ bui ama ɓǝa duk kunia piu, pǝlǝa bǝlia wia ɓālǝi lang sǝ Mǝtalabangŋo pusǝì, pur nǝi a ndàkurban ngga. Nea wia ama, ɓǝa banggi Jemis andǝ amǝ'eamrǝarǝu amǝnia yì agir ka, pǝlǝa nyia kutio o a ɓe ban.

Amǝ Mishan 12:17 ပူးပေါင်းရင်းမြစ်များ

Matiu 10:23

Ɓǝa pà wun tanni a ɓe la ka, wu ɓangŋa wu kya ɓe. Ən nggǝ na wun mǝsǝcau kaniama wu nǝ̀ mal gya arǝ ala mala amǝ Isǝrayila kat ka, Muna mala Ɓwa nyarǝna yina.

Markus 6:3

Kafinta man na mbak? Yì nda muna mala Maryamu mbo, sǝ amǝ'eambǝi Jemis, Yisǝfu, Yahuda andǝ Shiman, andǝ amǝ'eambǝi amuna mamǝna pa kani aban sǝm re?” Kara bumia kiɗiki a rǝì, à ginǝ earnǝi.

Luka 1:22

Lang purna ka, gandǝ nea wia cau ɗang. Kara à sǝlǝ ama sǝnǝna gir aɓa bangŋo, aɓa Ndàmǝgule mala Ɓakuli. Acemǝnana camarǝ lǝmndǝkia wia cau nǝ bui, sǝ ko gandǝ mǝn kuni na kǝ cau ɗang.

Yohana 10:40

O kya yàl a nkaring Mur mala Jodan, yi pur aban mǝnana Yohana pakkiyi batisǝma kam ata dǝmbe ka. Akano sǝ kya do.

Yohana 11:54

Ace mani ka Yesu nyare ging ɗǝm bwāng aɓalǝ amǝ Yahudi ɗang. Nying Urǝshalima sǝ o a muna-la Ifǝrem, mǝnana nda nǝ ɓabondo, tu aban kpawanban ngga. Akano sǝ kya do andǝ alaggana male.

Yohana 13:24

Pǝlǝa Shiman Bitǝrus lǝmndǝì cau nǝ bui ama ɓǝ̀ ɗi Yesu, ɓǝ̀ na ɓwa mǝnana nakiyi cau amuri ka.

Yohana 7:1

Anzǝm man ngga, Yesu gya aɓa nzali Galili; eare kutio aɓa bu-nzali Yahudi ɗang, acemǝnana aɓwana-mǝgule mala amǝ Yahudi mǝnana akano ka, à nda ban alte à nǝ̀ wal-lui.

Yohana 8:59

À nǝ̀ ok mǝno yì cau ka, kara à pwan atali ama à nǝ̀ ɓukki, sǝ Yesu gbar rǝì, pǝlǝa puro nying Ndàmǝgule mala Ɓakuli.

Amǝ Mishan 1:15

Aɓalǝ anongŋo mǝno ka, amǝkpata Yesu yiu à yì rambǝa abanɓwáná, lakki malea kat ka nda gbǝman nǝ lumi-ɓari. Pǝlǝa Bitǝrus lo came na cau ama:

Amǝ Mishan 12:16

Sǝ Bitǝrus camarǝ walki kunɓala. Lang à yì mǝnǝni wi kunɓala sǝ à sǝni ka, à pak ndali.

Amǝ Mishan 12:18

Nǝ dǝmbari ka, asoje amǝ yalban ngga ban twalo zurǝì a rǝia, à pǝlǝ ɓalǝia ɓà amur mana kumban sǝ Bitǝrus ka à sǝni raka.

Amǝ Mishan 13:16

Bulǝs pǝlǝa lo came, loasǝ bui ama ban ɓǝ̀ pwal ka, sǝ na ama: Wun amǝ Isǝrayila andǝ aɓwana mala aɓea anzali, mana wu kǝ peri aban Ɓakuli ka, wu kwaki kir wun wu oem!

Amǝ Mishan 15:13

Lang à malǝna na cau ka, Jemis pǝlǝ cau ama: Wu kwaki kir wun abanam, wun amǝ'eamrǝarǝu!

Amǝ Mishan 16:40

Lang Bulǝs andǝ Silas nyingŋǝna ndàkurban ngga, à nyare a ɓala mala Lidiya. A kam ngga, à kya kum amǝkwaɗi, sǝ à ɓak ɓabumia. Anzǝm man ngga, sǝ à nying lê.

Amǝ Mishan 19:33

Aɓea amǝ Yahudi ramta Alizanda a dǝmbǝa a ɓadǝm ɓwabunda ɓǝ̀ bǝlia wia ɓa ceì. Pǝlǝa Alizanda lǝmndǝì ɓwabunda bu ɓǝa duk kunia piu, sǝ ɓariki nǝ̀ na kuni, amur tǝr gir mana kumban ngga.

Amǝ Mishan 21:18

Ban fana ka, sǝm sǝnǝa Bulǝs sǝm wario aban Jemis, ace nacau nǝi. Aɓwana-mǝgule mala ikǝlisiya kat ka, à nda abanì.

Amǝ Mishan 21:40

Mǝsarǝban mala asoje pǝlǝa nyinggi wi njar ɓǝ̀ na cau. Bulǝs pǝlǝa came amur ban-eauwe, sǝ loasǝi aɓwabunda bui ama ɓǝa pwalo. Lang ban pwalǝna atea piu ka, Bulǝs pǝlǝa nea wia cau nǝ kun Ibǝru.

Amǝ Mishan 28:15

Amǝkwaɗi mǝnana a Roma ka, à okce yiu ma'sǝm, sǝ à purkio arǝ aban mǝsauwe, kǝla ala mǝnana à tunǝkia ama Limo mala Apiyus andǝ Aɓala Bansulǝo Tārú, à yiu à yì kum sǝm. Lang Bulǝs nǝ̀ sǝnia ka, kara ɓwangsǝki Ɓakuli sǝ kum rǝcandǝa.

1 Amǝ Korinti 15:7

Nyare pusǝrǝi aban Jemis, nǝ nzǝmo ka, yi pusǝrǝi aban amǝ'mishan yia kat.

Amǝ Galati 1:19

Kǝ ɓe mǝ'mishan mǝnana ǝn sǝn ɗǝm amǝno yì apwari ka, nda Jemis mǝ'eam Mǝtalabangŋo.

Amǝ Galati 2:12

A yiu male a dǝmbǝa ka kǝ lili andǝ aɓwana amǝkwaɗi mǝnana amǝ Yahudi na raka, aɓwana mǝnana kǝgir oasǝia arǝ cau mala kasǝ ɓatau raka. Sǝ nǝ nzǝmo ka, lang aɓea amǝ Yahudi, agyajam mala Jemis yina ka, pǝlǝa yì, yì Bitǝrus ka, tamsǝ li girlina andǝ amǝ'eamrǝarǝu mana amǝ Yahudi na raka, tar ɓamuri zak nǝ yia. Yì ka, kǝ ɓanggi amǝ Yahudi mana à kǝ na ama ɓǝa kasǝi koya mǝkwaɗi ɓate ka.

Amǝ Galati 2:9

Ɓafo, nggearǝ Jemis, sǝ Bitǝrus, sǝ Yohana, mǝnana à twalia ama à ndaka atanggea-nggun mala Ikǝlisiya ka, à sǝnǝna ɓwamuru mǝnana Ɓakuli pam mala turo mǝnia ka; pǝlǝa à ak sǝm sǝnǝ Barnabas, sǝm duk aɓia amǝturo. À pu nzǝm sǝm aban hamnǝ cau aban aɓwana mala aɓea anzali, sǝ yia ka à kutio ata turo aban amǝ Isǝrayila.

Jemis 1:1

Mim Jemis, guro mala Ɓakuli andǝ mala Mǝtalabangŋo Yesu Kǝrǝsti, mǝ nda ban terǝ cau aban ká aban amǝkpata Kǝrǝsti mǝnana aɓalǝ atau lum-nong-ɓari mala amǝ Isǝrayila, mǝnana à mesǝkea arǝ anzali aɓa ɓanza ka. Ən nggǝ makka wun kun!