Amǝ Mishan 11:27 - Maləmce Məfele mala Ɓakuli: Kurcau Məbəshe

²⁷ Àkǝ̀ ɓalǝ anongge mǝno ka aɓea amǝ'ɓangna mala Ɓakuli pur a Urǝshalima sǝ à wario a Antiyok.

Amǝ Mishan 11:27 ပူးပေါင်းရင်းမြစ်များ

Matiu 23:34

Ace mani ka mǝ ndo mǝ nǝ tura wun ban nǝ amǝ'ɓangna, andǝ amǝ'sǝle, andǝ amǝkanigir. Aɓea atea ka wu nǝ̀ walia, wu nǝ̀ gballia a nggun; sǝ acilia ka wu nǝ̀ kwea aɓalǝ andakpapi sǝ wu nǝ̀ pǝrtea arǝ ala, wu nǝ̀ pea wia tanni.

Luka 11:49

Mǝnia ka nda cau mǝnana Ɓakuli bangŋa amur wun ngga, “Mǝ nǝ tura wun ban nǝ amǝ'ɓangna andǝ amǝ'mishan, aɓea ka wu nǝ̀ wal-luia sǝ acilia ka wu nǝ̀ pea wia tanni.”

Amǝ Mishan 11:20

Sǝa ma aɓea amǝkwaɗi mana à pur nǝ luran Sayipǝrus andǝ nggeala Sayirin ka, à kutio à wario a Antiyok, à kya tita hamnǝ Cau Amsǝban mala Mǝtalabangŋo Yesu aban aɓwana mala aɓea anzali.

Amǝ Mishan 11:22

Cau mala mǝnia yì gir ka yi bwal ban amǝkwaɗi a Urǝshalima, pǝlǝa à tasǝ Barnabas a Antiyok.

Amǝ Mishan 13:1

Aɓa Ikǝlisiya mǝnana a Antiyok mala bu-nzali Suriya ka amǝ'ɓangna mala Ɓakuli nakam, andǝ amǝ kanigir. À nda ka Barnabas, andǝ Shimiyan (mǝnana à tunǝki ama Mǝpǝndǝe ka), andǝ Lukiyus (ɓwa Sayirin), andǝ Maneyan (mǝnana lo a tarǝia andǝ murǝm Hirǝdus ka), sǝ Sawul.

Amǝ Mishan 14:26

À nying Ataliya ka, à kutia waru sǝ à samsǝa aban ká a Antiyok mala bu-nzali Suriya, aban mǝnana à tita gya malea kam ngga, àkǝ̀ ban mǝnana à cia aɓata ɓwamuru mala Mǝtalabangŋo, ɓǝa kya turo mǝno ado à kǝ nyari pe ka.

Amǝ Mishan 15:22

Pǝlǝa amǝ'mishan, andǝ aɓwana-mǝgule amur amǝkwaɗi, andǝ cili ikǝlisiya mana a Urǝshalima ka, sǝni ka ɓoaro ɓǝa twal aɓwana aɓalǝia ɓǝa tasǝia à Antiyok, a tarǝia andǝ a Bulǝs andǝ Barnabas. À twal aɓwana ɓari ata aɓwana-mǝgule amur amǝkwaɗi mana amǝkwaɗi kǝ pea wia gulo ka; ɓwa kǝla Yahuda mana à tunǝki ama Barsabas ka, sǝ Silas.

Amǝ Mishan 15:30

Aɓwana mana à tasǝia ka, à wario a Antiyok, à kya rambǝa amǝkwaɗi mana abanì ka kat, sǝ à pea wia cautera mana à turia nǝi ka.

Amǝ Mishan 15:32

Pǝlǝa Yahuda andǝ Silas, yia mǝnana nǝ ɓamuria ka amǝ'ɓangna mala Ɓakuli na ka, à sau kam aban kwarkir amǝkwaɗi, à kǝ ɓak ɓabumia nǝ acau pas.

Amǝ Mishan 18:22

Lang waru yi kpashina a kun mur a Kaisariya ka, Bulǝs sulǝo nǝ̀ kar a Urǝshalima aban makki amǝkwaɗi kun. Pǝlǝa bwal njar nyare o a Antiyok aɓa bu-nzali Suriya.

Amǝ Mishan 2:17

“Ɓakuli bangŋa ama, a masǝlǝata apwari ka, Mǝ nǝ sulǝ Bangŋo mem amur ɓwapǝndǝa kat. Amuna-burana andǝ amuna- mamǝna ma'wun, à nǝ̀ na gì Ɓakuli. Alaggana ma'wun nǝ̀ sǝn sǝna aɓa bangŋo, sǝ aɓwana-mǝgule nǝ̀ lorǝ alorǝo.

Amǝ Mishan 21:4

Sǝm nggea alta amǝkwaɗi mǝnana abanì ka sǝm do atea limo mwashat. Bangŋo mala Ɓakuli lǝmndǝì amǝkwaɗi mǝno ka ama ɓǝa ne Bulǝs ɓǝ̀ kǝa na ama nǝ̀ ká Urǝshalima ɗang.

Amǝ Mishan 21:9

Yì ka, ndanǝ ansarina ine mǝnana ko yana atea ka ndanǝ ɓoro mala ɓangna; à kǝ bang cau mala Ɓakuli mǝnana Bangŋo Mǝfele lǝmndǝia wia ka.

Amǝ Mishan 6:5

Mǝnia yì cau à bang ngga, banɓoari koyan ngga a rǝì. Pǝlǝa à twal Itǝfanu, ɓwa mǝnana lumsǝ nǝ paɓamuru aban Ɓakuli andǝ Bangŋo Mǝfele ka, andǝ Filip, andǝ Pǝrokorus, andǝ Nikano, andǝ Timon, andǝ Pamena, andǝ Nikolas. Nikolas ka ɓwa nggeala Antiyok na, mǝnana kuti a kpata peri mala amǝ Yahudi ka.

1 Amǝ Korinti 12:10

Ɓe ɓwa ka, Bangŋo pe wi rǝcandǝa mala pakki agir-ndǝlǝki; ɓeɓwa ka, pe wi na gi Ɓakuli. Ɓe ɓwa ka, pe wi sǝlǝe mala gau nre bangŋo mǝɓafoe andǝ mǝ'nyirì. Ɓe ɓwa ka, pe wi nacau nǝ aɓea a kun, sǝ ɓeɓwa ka, pe wi sǝlǝ mala mǝnggi ɓalǝ acau mǝnana à ne nǝ aɓea a kun ngga.

1 Amǝ Korinti 12:28

Aɓa ikǝlisiya ka Ɓakuli tsǝngŋǝna aɓwana arǝ abancame. A bancame mǝdǝmbe ka amǝ'mishan na. A ɓaria bancame ka, amǝ'ɓangna mala Ɓakuli na. A tāruia bancame ka, amǝkanigir na. Acilia mǝnana à kpatea ka à nda ka amǝ'pakki agir-ndǝlǝki, andǝ amǝnana à pea wia rǝcandǝa mala twalban rǝkwana ka. Aɓea ɓwana ka, gandǝrǝu mala bwali aɓwana na, andǝ amǝnana malea ka yal aɓwana na ka, sǝ aɓea ɓwana ka, amǝ na akún-takuli ɗàngɗáng na.

1 Amǝ Korinti 14:32

Abangŋo mala na gi Ɓakuli mǝnana amǝ'ɓangna nani ka à nda aɓata yalban mala amǝ'ɓangna.

Amǝ Galati 2:11

Lang Bitǝrus yina a Antiyok ka, ǝn loa rǝì a ɓamǝsǝ ɓwapǝndǝa, acemǝnana gir mana pe ka ɓoar ɗang.

Amǝ Afisu 4:11

Kǝ yì na mǝnana pākiyi aɓwana aɓoro ka; aɓea ɓwana ka pea wia ɓoro mala turo mishan, aɓea aɓwana ka amǝ'ɓangna mala Ɓakuli, aɓea ɓwana ka amǝham nǝ Cau Amsǝban, aɓea ɓwana ka amǝyal aɓwana, sǝ aɓea ɓwana ka amǝkanigir.