Amǝ Mishan 11:24 - Maləmce Məfele mala Ɓakuli: Kurcau Məbəshe

²⁴ Barnabas ka ɓwa mǝɓoarne na, lumsǝ nǝ Bangŋo Mǝfele andǝ paɓamuru. Aɓwana pas à ak Mǝtalabangŋo.

Amǝ Mishan 11:24 ပူးပေါင်းရင်းမြစ်များ

Matiu 12:35

Ɓwa mǝɓoarne kǝ pusǝ aɓa cau mǝɓoarne mǝnana rambǝa a ɓabumi ka, sǝ ɓwa mǝɓane gbal ka kǝ pusǝ aɓa mǝɓane mǝnana rambǝa a ɓabumi ka.

Matiu 19:17

Yesu nyesǝi wi ama, “Ace mana sǝ a kǝ ɗiem amur gir mǝnana mǝɓoarne na ka. Kǝ Ɓakuli nǝmurǝì nda mǝɓoarne. Sǝ ɓǝa earce a nǝ kum yilǝmu mǝnana málá male pà kàm raka, dumǝna púp a nǝ kpata anzongcau male.”

Luka 23:50

Ɓe kǝɓwa nakam lullǝi ama, Yisǝfu, ɓwa Arimatiya mala nzali Yahudi. Yì ka, nda aɓalǝ amǝ kurcau mala amǝ Yahudi, ɓwa mǝ'ɓealɓoarne na. Yì ka, gir mǝnana aɓwana-mǝgule mala amǝ Yahudi pak ka, earnǝ kǝ ɓe atea ɗang. Yì ka, ndarǝ kundǝ yiu mala Domurǝm mala Ɓakuli.

Yohana 7:12

Aɓwabunda kǝ na cau nggùr-nggùr amur Yesu. Aɓea ɓwana ama, “Yì ka, ɓwa mǝɓoarne na.” Sǝ aɓea ɓwana gbal ka ama, “Awo, yì ka, mǝswarkiban na.”

Amǝ Mishan 11:21

Rǝcandǝa mala Mǝtalabangŋo ka nda tea, sǝ aɓwana mala aɓea anzali pas à earnǝ Cau Amsǝban à paɓamuria aban Mǝtalabangŋo.

Amǝ Mishan 2:4

Aɓwana mǝnana kat abanì ka, à lumsǝia nǝ Bangŋo Mǝfele, sǝ à tita na cau nǝ aɓea kún ɗàngɗáng, mǝnana Bangŋo Mǝfele pea wia rǝcandǝa mala ne ka.

Amǝ Mishan 2:47

À camarǝ ɓwangsǝki Ɓakuli, sǝ aɓwana kat ka banɓoaria wia a rǝia. Sǝ koya pwari ka, Ɓakuli kǝ tsǝa amur lakki malea nǝ aɓwana mǝnana à kǝ kum amsǝban ngga.

Amǝ Mishan 24:16

Ace mani ka, ǝn nggǝ ɓariki a koya pwari ka ama ɓǝn ngga dum nǝ ɓamur halǝkya a ɓadǝm Ɓakuli andǝ aɓwana ɗang.

Amǝ Mishan 5:14

Kat andǝ mǝno ka, aburana andǝ amamǝna pas camarǝ paɓamuria aban Mǝtalabangŋo. Mǝnia ka tsǝa amur lakki malea.

Amǝ Mishan 6:3

Ace mani ka, wun amǝ'eamrǝarǝu, wu tarki aɓwana tongno-nong-ɓari aɓalǝ wun, amǝnana à kǝ ɓwangsǝia, ɗǝm ngga à lumsǝ nǝ Bangŋo mala Ɓakuli, andǝ sǝlǝe, mǝnana sǝm nǝ̀ pea wia mǝnia yì turo ka.

Amǝ Mishan 6:5

Mǝnia yì cau à bang ngga, banɓoari koyan ngga a rǝì. Pǝlǝa à twal Itǝfanu, ɓwa mǝnana lumsǝ nǝ paɓamuru aban Ɓakuli andǝ Bangŋo Mǝfele ka, andǝ Filip, andǝ Pǝrokorus, andǝ Nikano, andǝ Timon, andǝ Pamena, andǝ Nikolas. Nikolas ka ɓwa nggeala Antiyok na, mǝnana kuti a kpata peri mala amǝ Yahudi ka.

Amǝ Mishan 6:8

Itǝfanu ka, lumsǝ nǝ ɓwamuru andǝ rǝcandǝa mala Ɓakuli, kǝ pakki agir-gyambǝliban andǝ agir-ndali mǝgulke aɓalǝ aɓwana.

Amǝ Mishan 9:31

Anggo sǝ ikǝlisiya aɓa nzali Yahudi kat, andǝ Galili andǝ Samariya ka, dum nǝ rǝpwala. Nǝ́ pa gbasha mala Bangŋo Mǝfele, amǝkwaɗi kum rǝcandǝa, sǝ à kǝ lakki, à do nǝ ɓanggi Mǝtalabangŋo.

Amǝ Roma 15:15

Mim ngga aɓa cautera mǝnia ka, ǝn bangga wun cau bwāng amur aɓea gir, ɓangciu pa a rǝam ɗang, ace kasǝɓalǝ wun. Ən gilǝ mǝnia ka ace ɓwamuru mala Ɓakuli mǝnana lǝmndǝam sǝ twalam

Amǝ Roma 5:7

Ndanǝ kwano aban aɓwana pas mǝnana ɓwa nǝ̀ wú ace mǝ'cauɓoarna ka, earka ɓwa nǝ̀ gandǝ wú ace mǝpagbasha.