Amǝ Mishan 11:23 - Maləmce Məfele mala Ɓakuli: Kurcau Məbəshe

²³ Lang yiu yi bwalǝna Antiyok sǝ sǝnǝna tsǝkbu mala Ɓakuli amur aɓwana ka, bumi pwasǝo, camarǝ kwarkiria ɓǝa cam kàngkàng aɓa paɓamuru malea sǝ ɓǝa do nǝ mǝsǝcau aban Mǝtalabangŋo.

Amǝ Mishan 11:23 ပူးပေါင်းရင်းမြစ်များ

Matiu 16:24

Pǝlǝa Yesu banggi alaggana male ama: Ɓwa mǝnana kat earce ama nǝ̀ yiu atam nǝ̀ duk mǝkpatam ngga, dumǝna púp nǝ̀ nying ɗenyicau ɓamuri, nǝ̀ twal nggun-gangndi male sǝ nǝ̀ kpatam.

Markus 2:5

Lang Yesu sǝn guliarǝu malea a rǝì ka, pǝlǝa ne mǝrǝkwana ama, “Laggalem, à twalǝno ban acauɓikea mo.”

Yohana 15:4

Wu do a ɓalǝam sǝ mim ngga mǝ nǝ do aɓalǝ wun. Kǝla mǝnana bu-nggun anap pà nǝ̀ gandǝ pa ɓǝle nǝmurǝì raka, she ɓǝ̀ dumǝna aɓa nggea ngguni ka, anggo gbal sǝ wun ngga pà wù nǝ̀ gandǝ pa ɓǝla wun ɗang, she ɓǝ̀ wu dumǝna a ɓalǝam ngga.

Amǝ Mishan 13:43

Anzǝm mana ɓwapǝndǝa mesǝna ka, amǝ Yahudi pas andǝ aɓwana mana à paɓamuru aɓata kwaɗi mala amǝ Yahudi ka, à akrǝia ata Bulǝs andǝ Barnabas. Sǝ Bulǝs andǝ Barnabas ka, à kwarkiria ama ɓǝa lidǝmbǝa nǝ guli arǝ ɓwamuru mala Ɓakuli.

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

Amǝ Mishan 14:26

À nying Ataliya ka, à kutia waru sǝ à samsǝa aban ká a Antiyok mala bu-nzali Suriya, aban mǝnana à tita gya malea kam ngga, àkǝ̀ ban mǝnana à cia aɓata ɓwamuru mala Mǝtalabangŋo, ɓǝa kya turo mǝno ado à kǝ nyari pe ka.

Amǝ Mishan 15:40

Sǝ Bulǝs twal Silas à o andǝi. Amǝkwaɗi cia aɓata ɓwamuru mala Mǝtalabangŋo nǝ hiwi.

Amǝ Mishan 20:24

Sǝ amur mani ka, ǝn twal yilǝmem a kun ɓe kǝgir ɗang. Mim ngga, gir mǝnana ǝn tsǝk muram a rǝì ka nda mǝnana ama ɓǝ̀ ǝn mal turo mǝnana Mǝtalabangŋo Yesu pam ɓǝ̀ ǝn pe ka, yì turo hamnǝ Cau Amsǝban mala ɓwamuru mala Ɓakuli.

Amǝ Mishan 20:32

Ado ka, ǝn nggǝ nying wun aɓa bu Ɓakuli ɓǝ̀ bwal wun sǝ ɓǝ̀ tamsǝ wun aɓa paɓamuru arǝ cau mala ɓwamuru male, mǝnana nǝ̀ gandǝ ɓak wun, nǝ̀ pa wun atsǝkbu mǝnana Ɓakuli ndanǝi ace aɓwana mana twalnia à dumǝna amale na ka.

Amǝ Mishan 4:36

Sǝm nǝ̀ gandǝ sǝn arǝ Yisǝfu, mǝnana amǝ'mishan pe wi ɓe lullǝu ama Barnabas ka (ɓa lullǝuî nda, Ɓwa mǝnana kǝ ɓakɓabum aɓwana ka). Yì ka, ɓwa tau mala Lawi na, mǝnana pur a Luran mana à tunǝki ama Sayipǝrus ka.

Amǝ Roma 12:8

Ɓǝ̀ mo ka ɓakɓabum aɓwana na ka, wu kǝ pak turo ɓakɓabum. Ɓǝ̀ pabu nda mo yì ɓoro ka, wu kǝ pè nǝ ɓabumo mwashat. Ɓǝ̀ mo ka turo lidǝmbǝa nǝ aɓwana na ka, wu kǝ pe nǝ ɓabumpina. Sǝ ɓǝ̀ lǝmndǝ ɓwamuru nda mo ka, wu kǝ̀ lǝmndǝi nǝ banɓoarnado.

1 Amǝ Korinti 15:58

Ace mani ka, wun amǝ'eambǝam, wu cam kàngkàng. Ɓǝ̀ kǝgir ɓǝ̀ kǝa gǝshi wun ɗang. Wu pita turo mala Mǝtalabangŋo koya pwari ka, acemǝnana wu sǝlǝna ama ɓe kǝ turo pà kàm wu nǝ̀ pe ace Mǝtalabangŋo, sǝ ture na ɓà ka ɗang.

2 Amǝ Korinti 1:17

Mǝno ka nda ɗenyicau mem. Sǝ lang ǝn kani mǝ nǝ pa anggo ka, ǝn do kǝla ǝn panǝ ɗenyicau re? Ko ǝn nggǝ twal akani mem kǝla pe mala amǝɓanza ace mǝnana mǝ nǝ na ama, “E, e” sǝ, “Awo, awo” a tarǝia ka le?

2 Amǝ Korinti 6:1

Acemǝnana sǝm nda ɓituro sǝnǝa Ɓakuli ka, sǝm nggǝ zǝmbǝa wun, wu kǝa ak ɓwamuru mala Ɓakuli mǝnana pa wun ngga ɓa, wu pangŋǝna turo nǝi ɗang.

Amǝ Kolosi 1:6

mana à yinanǝi aban wun ngga. Mǝnia yì Cau Amsǝban ngga, nda ban mǝsǝe a ɓanza kat. Nda ban pusǝ ɓealǝu a koya ban, kǝ nggaɗi do mala aɓwana kǝla mǝnana nggaɗi do ma'wun, a pwari mǝnana wu tita o sǝ wu bwalta mǝsǝcau amur ɓwamuru mala Ɓakuli ka.

2 Timoti 3:10

Sǝ we Timoti ka, à surǝna rǝ kanigir mem andǝ ɓealǝam. À surǝna rǝ kani mala ɓabumam aɓa do mem. À surǝ paɓamuru mem, andǝ munyi, andǝ earcearǝu, andǝ gandǝrǝu mem;

1 Bitǝrus 5:12

Nǝ́ bu Silas mǝnana ǝn earnǝi kǝla mǝ'eamrǝarǝu mǝ'mǝsǝcau nì ka, sǝ ǝn nggǝ gilǝa wun mǝnia yì cau gbǝlǝm ngga. Ən nggǝ earce mǝ ɓak ɓabum wun, sǝ mǝ na wun ama, mǝnia yì gir wu nda ɓālǝi ado ka, ɓwamuru mala Ɓakuli na kat ace wun. Wu cam kàngkàng a ɓalǝi.

1 Yohana 2:28

Sǝ ado ka, wun amunem, wu lidǝmbǝa nǝ do aɓa dotarǝu wunǝa Kǝrǝsti, ace mǝnana nyare male mǝnana nǝ̀ pusǝna rǝì nǝi ka, sǝm nǝ̀ kum mǝsǝkang-kangŋa mala sungŋo a ɓadǝmbǝi, sǝ pa sǝm nǝ̀ kum kǝsǝkya ɗang.

3 Yohana 1:4

Ɓe kǝ banɓoarnado pà kàm mǝnana nǝ̀ kuti mana ɓǝ̀ ǝn o ama, amunem ngga à nda aban gya aɓa mǝsǝcau ka ɗang.

Yahuda 1:4

Ən bangŋa anggo acemǝnana aɓea aɓwana mana à kǝ ɓanggi Ɓakuli raka, à swarǝ́na zàng, à kutikina aɓalǝ wun. À nda ka ɓwana mǝnana à nyesǝ ɓwamuru mala Ɓakuli ma'sǝm pǝlǝia wia njar pakki agirɓana mala nonggi nǝ rǝarǝu, sǝ à kǝ ginǝki kǝ Múr sǝm, Mǝtala sǝm, Yesu Kǝrǝsti. Ɓashi mǝnana nda amuria ka Ɓakuli angŋa dǝmbǝa gilǝni ɓara-ɓara.