Amǝ Mishan 11:22 - Maləmce Məfele mala Ɓakuli: Kurcau Məbəshe

²² Cau mala mǝnia yì gir ka yi bwal ban amǝkwaɗi a Urǝshalima, pǝlǝa à tasǝ Barnabas a Antiyok.

Amǝ Mishan 11:22 ပူးပေါင်းရင်းမြစ်များ

Amǝ Mishan 11:1

Amǝ'mishan andǝ aɓea amǝkwaɗi mana a nzali Yahudi ka à o ama aɓwana mana amǝ Yahudi na raka à angŋǝna cau mala Ɓakuli gbal.

Amǝ Mishan 11:19

Aɓea amǝkwaɗi mǝnana pàtanni mesǝkea anzǝm lú mala Itǝfanu ka, à gali à kya bwal bareban Fonishiya, andǝ Luran Sayipǝrus, andǝ nggeala Antiyok aɓa bu-nzali Suriya. À kǝ hamnǝ Cau Amsǝban, sǝ kǝ amǝ Yahudi na nǝmurǝia à hambia wia ka.

Amǝ Mishan 11:20

Sǝa ma aɓea amǝkwaɗi mana à pur nǝ luran Sayipǝrus andǝ nggeala Sayirin ka, à kutio à wario a Antiyok, à kya tita hamnǝ Cau Amsǝban mala Mǝtalabangŋo Yesu aban aɓwana mala aɓea anzali.

Amǝ Mishan 11:26

Lang kumǝni ka, twali wari nǝi a Antiyok. Yia kǝm à pak pǝlǝa mwashat aban amǝkwaɗi aban kani aɓwana pas cau mala Ɓakuli. Àkǝ̀ Antiyok sǝ à tita tunǝ amǝkwaɗi ama a Kǝrǝsta.

Amǝ Mishan 11:27

Àkǝ̀ ɓalǝ anongge mǝno ka aɓea amǝ'ɓangna mala Ɓakuli pur a Urǝshalima sǝ à wario a Antiyok.

Amǝ Mishan 15:2

Bulǝs andǝ Barnabas ka à earnǝ mǝnia yì kanigir ka ɗang, à makgir kǝrkǝr andǝ amǝno yì amǝ Yahudi ka. A masǝlǝate ka, à yì eare ama ɓǝa tasǝ Bulǝs, sǝ Barnabas, andǝ aɓea amǝkwaɗi ɓǝa kya Urǝshalima ɓǝa kya kum amǝ'mishan andǝ aɓwana-mǝgule amur ikǝlisiya, ɓǝa ok kunia amur mǝnia yì cau ka.

Amǝ Mishan 15:22

Pǝlǝa amǝ'mishan, andǝ aɓwana-mǝgule amur amǝkwaɗi, andǝ cili ikǝlisiya mana a Urǝshalima ka, sǝni ka ɓoaro ɓǝa twal aɓwana aɓalǝia ɓǝa tasǝia à Antiyok, a tarǝia andǝ a Bulǝs andǝ Barnabas. À twal aɓwana ɓari ata aɓwana-mǝgule amur amǝkwaɗi mana amǝkwaɗi kǝ pea wia gulo ka; ɓwa kǝla Yahuda mana à tunǝki ama Barsabas ka, sǝ Silas.

Amǝ Mishan 18:22

Lang waru yi kpashina a kun mur a Kaisariya ka, Bulǝs sulǝo nǝ̀ kar a Urǝshalima aban makki amǝkwaɗi kun. Pǝlǝa bwal njar nyare o a Antiyok aɓa bu-nzali Suriya.

Amǝ Mishan 6:5

Mǝnia yì cau à bang ngga, banɓoari koyan ngga a rǝì. Pǝlǝa à twal Itǝfanu, ɓwa mǝnana lumsǝ nǝ paɓamuru aban Ɓakuli andǝ Bangŋo Mǝfele ka, andǝ Filip, andǝ Pǝrokorus, andǝ Nikano, andǝ Timon, andǝ Pamena, andǝ Nikolas. Nikolas ka ɓwa nggeala Antiyok na, mǝnana kuti a kpata peri mala amǝ Yahudi ka.

Amǝ Mishan 8:14

Lang amǝ'mishan mǝnana a Urǝshalima, ongŋǝna ama amǝ Samariya angŋǝna cau mala Ɓakuli ka, à tasǝ Bitǝrus andǝ Yohana abania.

Amǝ Mishan 9:27

Pǝlǝa Barnabas wari nǝi aban amǝ'mishan, kya bǝlia wia sǝna mǝnana Sawul sǝn Mǝtalabangŋo Yesu amur njargula, andǝ cau mǝnana Mǝtalabangŋo banggi Sawul ka. Ɗǝm ngga banggia wia ce hamnǝ Cau Amsǝban mǝnana Sawul hamnǝi a Damaska nǝ rǝcandǝa aɓa lullǝ Yesu ka.

Amǝ Galati 2:11

Lang Bitǝrus yina a Antiyok ka, ǝn loa rǝì a ɓamǝsǝ ɓwapǝndǝa, acemǝnana gir mana pe ka ɓoar ɗang.

1 Amǝ Tasalonika 3:6

Sǝ a dyan ngga, Timoti nyarǝna yina aban sǝm. Yi bangŋǝna sǝm cau mǝɓoarne mala paɓamuru ma'wun aban Ɓakuli andǝ earcearǝu ma'wun. Ɗǝm ngga, bangga sǝm ama wu kǝ ɗenyi nǝ do mǝɓoarne ma'sǝm sǝnǝa wun, wu kǝ pak nzal sǝn sǝm, kǝla mǝnana ado, sǝm nggǝ pak nzal sǝn wun ngga.