Amǝ Mishan 11:20 - Maləmce Məfele mala Ɓakuli: Kurcau Məbəshe

²⁰ Sǝa ma aɓea amǝkwaɗi mana à pur nǝ luran Sayipǝrus andǝ nggeala Sayirin ka, à kutio à wario a Antiyok, à kya tita hamnǝ Cau Amsǝban mala Mǝtalabangŋo Yesu aban aɓwana mala aɓea anzali.

Amǝ Mishan 11:20 ပူးပေါင်းရင်းမြစ်များ

Matiu 27:32

Lang à purni ɓa nggeala ka, à kya je andǝ ɓeɓwa mala nggeala Sayirin, lullǝi ama Shiman. À tsǝi púp ɓǝ̀ aki Yesu twal nggun-gangndi.

Yohana 7:35

Sǝ aɓwana-mǝgule mala amǝ Yahudi nacau a rǝarǝia ama, “Nggearǝì ka, ake sǝ nǝ̀ ká le, mǝnana pa sǝm nǝ̀ sǝni raka? Ko nǝ̀ ká aban aɓwana ma'sǝm mǝnana à mesǝkea arǝ ala mala amǝ Gǝrik ka, sǝ nǝ̀ ngga kania amǝ Gǝrik agir gbal le?

Amǝ Mishan 11:19

Aɓea amǝkwaɗi mǝnana pàtanni mesǝkea anzǝm lú mala Itǝfanu ka, à gali à kya bwal bareban Fonishiya, andǝ Luran Sayipǝrus, andǝ nggeala Antiyok aɓa bu-nzali Suriya. À kǝ hamnǝ Cau Amsǝban, sǝ kǝ amǝ Yahudi na nǝmurǝia à hambia wia ka.

Amǝ Mishan 11:22

Cau mala mǝnia yì gir ka yi bwal ban amǝkwaɗi a Urǝshalima, pǝlǝa à tasǝ Barnabas a Antiyok.

Amǝ Mishan 11:26

Lang kumǝni ka, twali wari nǝi a Antiyok. Yia kǝm à pak pǝlǝa mwashat aban amǝkwaɗi aban kani aɓwana pas cau mala Ɓakuli. Àkǝ̀ Antiyok sǝ à tita tunǝ amǝkwaɗi ama a Kǝrǝsta.

Amǝ Mishan 11:27

Àkǝ̀ ɓalǝ anongge mǝno ka aɓea amǝ'ɓangna mala Ɓakuli pur a Urǝshalima sǝ à wario a Antiyok.

Amǝ Mishan 13:1

Aɓa Ikǝlisiya mǝnana a Antiyok mala bu-nzali Suriya ka amǝ'ɓangna mala Ɓakuli nakam, andǝ amǝ kanigir. À nda ka Barnabas, andǝ Shimiyan (mǝnana à tunǝki ama Mǝpǝndǝe ka), andǝ Lukiyus (ɓwa Sayirin), andǝ Maneyan (mǝnana lo a tarǝia andǝ murǝm Hirǝdus ka), sǝ Sawul.

Amǝ Mishan 14:26

À nying Ataliya ka, à kutia waru sǝ à samsǝa aban ká a Antiyok mala bu-nzali Suriya, aban mǝnana à tita gya malea kam ngga, àkǝ̀ ban mǝnana à cia aɓata ɓwamuru mala Mǝtalabangŋo, ɓǝa kya turo mǝno ado à kǝ nyari pe ka.

Amǝ Mishan 15:22

Pǝlǝa amǝ'mishan, andǝ aɓwana-mǝgule amur amǝkwaɗi, andǝ cili ikǝlisiya mana a Urǝshalima ka, sǝni ka ɓoaro ɓǝa twal aɓwana aɓalǝia ɓǝa tasǝia à Antiyok, a tarǝia andǝ a Bulǝs andǝ Barnabas. À twal aɓwana ɓari ata aɓwana-mǝgule amur amǝkwaɗi mana amǝkwaɗi kǝ pea wia gulo ka; ɓwa kǝla Yahuda mana à tunǝki ama Barsabas ka, sǝ Silas.

Amǝ Mishan 15:23

À tasǝia nǝ mǝnia yì cautera ka: Cau mǝnia ka pur aban sǝm, amǝ'mishan andǝ aɓwana-mǝgule amur amǝkwaɗi, amǝ'eam wun. Sǝm nggǝ tasǝ makkun aban amǝ'eamrǝarǝu kat, mana amǝ Yahudi na raka, mana à ndanǝ do a Antiyok, andǝ acilia aban aɓalǝ abu-nzali Suriya, andǝ Sǝlisiya ka.

Amǝ Mishan 15:30

Aɓwana mana à tasǝia ka, à wario a Antiyok, à kya rambǝa amǝkwaɗi mana abanì ka kat, sǝ à pea wia cautera mana à turia nǝi ka.

Amǝ Mishan 17:18

Aɓea amǝ sǝlǝe mala amǝ Epikiuriya andǝ amǝ Stoyik kutia makgir arǝ Bulǝs, acemǝnana Bulǝs nea wia Cau Amsǝban amur Yesu andǝ loapi ɓembe ka. Aɓea aɓwana aɓalǝia à ɗiban ama, “Mana gir ni na mǝ'loasǝban mǝnia kǝ earce ama nǝ̀ na le?” Sǝ aɓea aɓwana atea na ama, “Yì ka, sǝm nggǝ sǝni kǝla nda aban hamnǝ cau amur ankúl mala aɓea nzali.”

Amǝ Mishan 18:22

Lang waru yi kpashina a kun mur a Kaisariya ka, Bulǝs sulǝo nǝ̀ kar a Urǝshalima aban makki amǝkwaɗi kun. Pǝlǝa bwal njar nyare o a Antiyok aɓa bu-nzali Suriya.

Amǝ Mishan 2:10

andǝ Firigiya, andǝ Pamfiliya, andǝ Masar, andǝ abuban mala amǝ Libiya mǝnana tù nǝ Sayirin ngga, andǝ anzali Roma,

Amǝ Mishan 4:36

Sǝm nǝ̀ gandǝ sǝn arǝ Yisǝfu, mǝnana amǝ'mishan pe wi ɓe lullǝu ama Barnabas ka (ɓa lullǝuî nda, Ɓwa mǝnana kǝ ɓakɓabum aɓwana ka). Yì ka, ɓwa tau mala Lawi na, mǝnana pur a Luran mana à tunǝki ama Sayipǝrus ka.

Amǝ Mishan 5:42

Nda do ama ko aya pwari ka, ko a Ndàmǝgule mala Ɓakuli, ko arǝ aɓala, amǝ'mishan ngga, à lidǝmbǝa nǝ kanigir andǝ hama nǝ Cau Amsǝban ama, Yesu nda Kǝrǝsti, Mǝ'amsǝban.

Amǝ Mishan 6:1

Aɓalǝ amǝno yì anonggeo, lang lakki mala amǝkpata Yesu nǝ̀ nggǝ lidǝmbǝa ka, nggwani kutio a nre ka amǝ Yahudi mǝnana à kǝ na kun Gǝrik, andǝ amana à kǝ na kun Ibǝru ka. Amǝnana à kǝ na kun Gǝrik ka, à na ama à kǝ tsǝkir aman-lú malea aban gau girlina mala koya pwari ka ɗang.

Amǝ Mishan 6:5

Mǝnia yì cau à bang ngga, banɓoari koyan ngga a rǝì. Pǝlǝa à twal Itǝfanu, ɓwa mǝnana lumsǝ nǝ paɓamuru aban Ɓakuli andǝ Bangŋo Mǝfele ka, andǝ Filip, andǝ Pǝrokorus, andǝ Nikano, andǝ Timon, andǝ Pamena, andǝ Nikolas. Nikolas ka ɓwa nggeala Antiyok na, mǝnana kuti a kpata peri mala amǝ Yahudi ka.

Amǝ Mishan 6:9

Sǝ aɓea amǝ Yahudi mǝnana à pur nǝ anggea-là Sayirin andǝ Alizandǝriya, mǝnana à nda ɓalǝ amǝ ndakpapi mǝnana à tunǝki ama Ndakpapi mala aɓwana mǝnana à panzǝia ka, à mgbicau a rǝi. Yia andǝ aɓea mǝnana à pur arǝ abu-nzali mala amǝ Sǝlisiya andǝ Asiya ka, à lo nǝ makgir a rǝi.

Amǝ Mishan 8:35

Filip tite nǝ́ kǝ mǝnia yì ban aɓa Malǝmce ka, pǝlǝa banggi wi Cau Amsǝban mala Yesu.

Amǝ Mishan 8:5

Filip ka wario a ɓe nggeala aɓa nzali Samariya, kya camarǝ hamnǝ cau mala Kǝrǝsti, Mǝ'amsǝban aban aɓwana.

Amǝ Mishan 9:20

Anggo kara tita hamnǝ cau amur Yesu arǝ andakpapi ama, “Ɓafo, Yesu ka muna mala Ɓakuli na!”

Amǝ Mishan 9:29

Sǝ ɗǝm ngga kǝ na cau nǝ amǝ Yahudi mǝnana à kǝ na kun Gǝrik ka, à camarǝ makgir andǝia kǝrkǝr. Sǝa ma à kutia alte ama à nǝ̀ wal-lui.

1 Amǝ Korinti 2:2

Acemǝnana ǝn twal a bumam nǝma ǝn earce surǝ ɓe kǝgir aɓalǝ wun ɗang, she kǝ Yesu Kǝrǝsti, kǝ yì mǝnana à gballì amur nggun-gangndi ka.

Amǝ Galati 2:11

Lang Bitǝrus yina a Antiyok ka, ǝn loa rǝì a ɓamǝsǝ ɓwapǝndǝa, acemǝnana gir mana pe ka ɓoar ɗang.

Amǝ Afisu 3:8

Ko kat andǝ amani ama mǝ nda rítǎu mala aɓwana mala Ɓakuli kat ka, yi pam mǝnia yì ɓwamuru mala banggi aɓwana arǝ anzali cau male. Yì Cau Amsǝban amur atsǝkbu mǝnana à pà nǝ̀ gandǝ bwal maɗanyia raka, mǝnana à malea na aɓa kpapi malea andǝa Kǝrǝsti ka.