Amǝ Mishan 11:19 - Maləmce Məfele mala Ɓakuli: Kurcau Məbəshe

¹⁹ Aɓea amǝkwaɗi mǝnana pàtanni mesǝkea anzǝm lú mala Itǝfanu ka, à gali à kya bwal bareban Fonishiya, andǝ Luran Sayipǝrus, andǝ nggeala Antiyok aɓa bu-nzali Suriya. À kǝ hamnǝ Cau Amsǝban, sǝ kǝ amǝ Yahudi na nǝmurǝia à hambia wia ka.

Amǝ Mishan 11:19 ပူးပေါင်းရင်းမြစ်များ

Matiu 10:6

Wu dǝshi anzur mala amǝ Isǝrayila mǝnana à ɓwarki ka.

Yohana 7:35

Sǝ aɓwana-mǝgule mala amǝ Yahudi nacau a rǝarǝia ama, “Nggearǝì ka, ake sǝ nǝ̀ ká le, mǝnana pa sǝm nǝ̀ sǝni raka? Ko nǝ̀ ká aban aɓwana ma'sǝm mǝnana à mesǝkea arǝ ala mala amǝ Gǝrik ka, sǝ nǝ̀ ngga kania amǝ Gǝrik agir gbal le?

Amǝ Mishan 11:20

Sǝa ma aɓea amǝkwaɗi mana à pur nǝ luran Sayipǝrus andǝ nggeala Sayirin ka, à kutio à wario a Antiyok, à kya tita hamnǝ Cau Amsǝban mala Mǝtalabangŋo Yesu aban aɓwana mala aɓea anzali.

Amǝ Mishan 11:22

Cau mala mǝnia yì gir ka yi bwal ban amǝkwaɗi a Urǝshalima, pǝlǝa à tasǝ Barnabas a Antiyok.

Amǝ Mishan 13:1

Aɓa Ikǝlisiya mǝnana a Antiyok mala bu-nzali Suriya ka amǝ'ɓangna mala Ɓakuli nakam, andǝ amǝ kanigir. À nda ka Barnabas, andǝ Shimiyan (mǝnana à tunǝki ama Mǝpǝndǝe ka), andǝ Lukiyus (ɓwa Sayirin), andǝ Maneyan (mǝnana lo a tarǝia andǝ murǝm Hirǝdus ka), sǝ Sawul.

Amǝ Mishan 13:4

Yia kǝm mana Bangŋo Mǝfele turia ka, à pur a Antiyok sǝ à wario a Selusiya, la a kun múr. Abanì ka à kutia waru aban ká a nggeala Salamis aɓa luran Sayipǝrus.

Amǝ Mishan 13:46

Pǝlǝa Bulǝs andǝ Barnabas nea wia nǝ mǝsǝkang-kangŋa ama: Wun amǝ Yahudi, wun nda mǝnana ɓoaro sǝm nǝ̀ bangga wun cau mala Ɓakuli peatu ka. Sǝ acemǝnana wu ɓinǝkini, sǝ wu lǝmndǝna ama wu gattini kum yilǝmu mana málá male pà kàm raka, adyan ngga sǝm ɗekina wun, sǝm nǝ̀ o aban aɓwana mana amǝ Yahudi na raka.

Amǝ Mishan 14:26

À nying Ataliya ka, à kutia waru sǝ à samsǝa aban ká a Antiyok mala bu-nzali Suriya, aban mǝnana à tita gya malea kam ngga, àkǝ̀ ban mǝnana à cia aɓata ɓwamuru mala Mǝtalabangŋo, ɓǝa kya turo mǝno ado à kǝ nyari pe ka.

Amǝ Mishan 15:22

Pǝlǝa amǝ'mishan, andǝ aɓwana-mǝgule amur amǝkwaɗi, andǝ cili ikǝlisiya mana a Urǝshalima ka, sǝni ka ɓoaro ɓǝa twal aɓwana aɓalǝia ɓǝa tasǝia à Antiyok, a tarǝia andǝ a Bulǝs andǝ Barnabas. À twal aɓwana ɓari ata aɓwana-mǝgule amur amǝkwaɗi mana amǝkwaɗi kǝ pea wia gulo ka; ɓwa kǝla Yahuda mana à tunǝki ama Barsabas ka, sǝ Silas.

Amǝ Mishan 15:3

Pǝlǝa ikǝlisiya, yì amǝkwaɗi tasǝia aban ká. À ara aɓalǝ abarìban Fonishiya andǝ Samariya à kǝ nea amǝkwaɗi cau mala pǝlǝa mala aɓwana mǝnana amǝ Yahudi na raka aban Ɓakuli. Bum amǝkwaɗi pwasǝo nǝ ok mǝnia yì cau ka.

Amǝ Mishan 15:30

Aɓwana mana à tasǝia ka, à wario a Antiyok, à kya rambǝa amǝkwaɗi mana abanì ka kat, sǝ à pea wia cautera mana à turia nǝi ka.

Amǝ Mishan 15:39

Kunia ɓua amur mǝnia yì cau kǝrkǝr, gandǝa à gau njar, à ginggia rǝia ɗàngɗáng. Barnabas twal Yohana Markus, a kutio a waru à o a luran Sayipǝrus.

Amǝ Mishan 18:22

Lang waru yi kpashina a kun mur a Kaisariya ka, Bulǝs sulǝo nǝ̀ kar a Urǝshalima aban makki amǝkwaɗi kun. Pǝlǝa bwal njar nyare o a Antiyok aɓa bu-nzali Suriya.

Amǝ Mishan 21:16

Aɓea amǝkwaɗi mǝnana à pur a Kaisariya ka, à o ata sǝm gbal. À yì tsǝkta sǝm aban mǝnana sǝm nǝ̀ duk kam ngga, a ɓala mala Manason, ɓwa Sayipǝrus. Yì ka, mwashat na aɓalǝ amǝkwaɗi amǝdǝmbe.

Amǝ Mishan 21:2

Abanì sǝ sǝm yì kum ɓe waru, mǝnana nǝ̀ ká a bareban Fonishiya, nda sǝm eau kam aban o ka.

Amǝ Mishan 3:26

Lang Ɓakuli loasǝna guro male Yesu ka, tasǝi aban wun, wun amǝ Isǝrayila peatu, ace mǝnana ɓǝ̀ tsǝka wun bu, a njar mala pǝlǝ koyan ata wun ngga, ɓǝ̀ nying ɓealɓikea male.

Amǝ Mishan 4:36

Sǝm nǝ̀ gandǝ sǝn arǝ Yisǝfu, mǝnana amǝ'mishan pe wi ɓe lullǝu ama Barnabas ka (ɓa lullǝuî nda, Ɓwa mǝnana kǝ ɓakɓabum aɓwana ka). Yì ka, ɓwa tau mala Lawi na, mǝnana pur a Luran mana à tunǝki ama Sayipǝrus ka.

Amǝ Mishan 6:5

Mǝnia yì cau à bang ngga, banɓoari koyan ngga a rǝì. Pǝlǝa à twal Itǝfanu, ɓwa mǝnana lumsǝ nǝ paɓamuru aban Ɓakuli andǝ Bangŋo Mǝfele ka, andǝ Filip, andǝ Pǝrokorus, andǝ Nikano, andǝ Timon, andǝ Pamena, andǝ Nikolas. Nikolas ka ɓwa nggeala Antiyok na, mǝnana kuti a kpata peri mala amǝ Yahudi ka.

Amǝ Galati 2:11

Lang Bitǝrus yina a Antiyok ka, ǝn loa rǝì a ɓamǝsǝ ɓwapǝndǝa, acemǝnana gir mana pe ka ɓoar ɗang.