Amǝ Mishan 11:12 - Maləmce Məfele mala Ɓakuli: Kurcau Məbəshe

¹² Pǝlǝa Bangŋo banggam ama mǝ ngga ɓukibumam ɗang, ɓǝ̀ sǝm o sǝnǝia. Pǝlǝa amǝkwaɗi mǝnia tongno-nong-mwashat a Jopa ka à lo atam aban ká Kaisariya, sǝm kat sǝm wario a ɓala mala Karnilus.

Amǝ Mishan 11:12 ပူးပေါင်းရင်းမြစ်များ

Matiu 1:20

Lang nda mur mǝnia yì ɗenyicau ka, mǝturonjar mala Mǝtalabangŋo yi pusǝrǝi abani a lorǝo. Mǝturonjar banggi wi ama, “Yisǝfu Mǝkà Dauda, ɓangciu ɓǝ̀ kǝa pakko arǝ twal Maryamu ɓǝ̀ duk mamo ɗang. Acemǝnana muna mana a bumi ka pě mala Bangŋo Mǝfele na.

Yohana 16:13

Sǝ ɓǝ̀ Bangŋo, mǝnana kǝ lǝmndǝ mǝsǝcau amur Ɓakuli, yina ka, nǝ̀ yia kania wun ɓǝ̀ wu surǝ mǝsǝcau kat mǝnana kǝ pur aban Ɓakuli ka. Pà nǝ̀ ɓun cau a ɓamuri ɗang, kǝgir mǝnana o a kun Ɓakuli ka, kǝ nda nǝ̀ bang ngga. Sǝ nǝ̀ bangga wun ce agir mǝnana à malaká yiu peatu raka.

Amǝ Mishan 1:15

Aɓalǝ anongŋo mǝno ka, amǝkpata Yesu yiu à yì rambǝa abanɓwáná, lakki malea kat ka nda gbǝman nǝ lumi-ɓari. Pǝlǝa Bitǝrus lo came na cau ama:

Amǝ Mishan 10:23

Bitǝrus pǝlǝa warinia a ɓala, à pak abǝri male. Ban fana ka, lo andǝia. Aɓea mǝkwaɗi mana a Jopa ka, à lo atea.

Amǝ Mishan 10:45

Amǝ Yahudi mǝnana amǝkwaɗi na, mana à yiu andǝ Bitǝrus nǝ Jopa ka, à ndali nǝ sulǝo mala Bangŋo Mǝfele amur aɓwana mana amǝ Yahudi na raka.

Amǝ Mishan 11:13

Pǝlǝa bangga sǝm cau mala mǝturonjar mala Ɓakuli mǝnana sǝni aban came a ɓala male, sǝ banggi wi ama, “Tasǝ ɓwa a Jopa aban ɓwa mana lullǝi ama Shiman Bitǝrus ka.

Amǝ Mishan 13:2

A ɓe pwari lang à nǝ̀ nggǝ peri aban Mǝtalabangŋo andǝ gilmur ka, Bangŋo Mǝfele na ama, “Wu taram Barnabas andǝ Sawul wu cia ɗàng ace turo mǝnana ǝn tunǝia à nǝ̀ pakkam ngga.”

Amǝ Mishan 13:4

Yia kǝm mana Bangŋo Mǝfele turia ka, à pur a Antiyok sǝ à wario a Selusiya, la a kun múr. Abanì ka à kutia waru aban ká a nggeala Salamis aɓa luran Sayipǝrus.

Amǝ Mishan 15:7

Anzǝm naki acau pas ka, Bitǝrus lo came, sǝ nea wia ama: Wun amǝ'eamrǝarǝu, wu sǝlǝna ama aɓea apwari mǝno a kuti ka, Ɓakuli twalam aɓalǝ wun mǝ hamnǝ Cau Amsǝban aban aɓwana mana amǝ Yahudi na raka. Ɓakuli tasǝam ace mǝnana yia gbal ka, ɓǝa o, ɓǝa paɓamuria aban Yesu.

Amǝ Mishan 15:9

Ɓakuli lǝmndǝa sǝm earmuru sǝ ɓinǝ mǝsǝia ɗang, twalia wia aban acauɓikea malea, lak ɓabumia, acemǝnana à paɓamuria abani ka.

Amǝ Mishan 28:15

Amǝkwaɗi mǝnana a Roma ka, à okce yiu ma'sǝm, sǝ à purkio arǝ aban mǝsauwe, kǝla ala mǝnana à tunǝkia ama Limo mala Apiyus andǝ Aɓala Bansulǝo Tārú, à yiu à yì kum sǝm. Lang Bulǝs nǝ̀ sǝnia ka, kara ɓwangsǝki Ɓakuli sǝ kum rǝcandǝa.

Amǝ Mishan 8:29

Pǝlǝa Bangŋo mala Ɓakuli ne Filip ama, “Kyane, bwalta mǝno yì waru ka.”

Amǝ Roma 3:22

À nǝ̀ pǝlǝ sǝm, sǝm nǝ̀ duk amǝ'cauɓoarna aban Ɓakuli ace paɓamur sǝm aban Yesu Kǝrǝsti. Mǝnia ka anggo sǝ pa nǝ koyana mǝnana paɓamuri aban Kǝrǝsti ka, tàrban pa kàm ɗang.

2 Amǝ Tasalonika 2:2

wu kǝa kaurǝa arǝ dǝurǝo ɗang. Sǝ ɓǝ̀ ɓabum wun ɓǝ̀ kǝa lo, nǝ cau mǝnana aɓea ɓwana na ama Pwari mala Mǝtalabangŋo angŋa dǝmbǝa yina pale ka ɗang. À nǝ̀ gandǝ bangŋa ama à sǝni aɓa bangŋo, ko à oe a kun ɓǝɓwa, ko à ɓalli aɓa ɓǝ̀ cautera mǝnana à twali ama pur nǝban sǝm ngga.

Sǝna 22:17

Bangŋo mala Ɓakuli andǝ Manfela, à kǝ na ama, “Yiu!” Ɓwa mǝnana kat ok mǝnia yì cau ka, ɓǝ̀ na ama “Yiu!” Ɓǝ̀ mǝsamur wal kǝɓwa ka, ɓǝ̀ yiu! Ɓwa mǝnana earce ka, ɓǝ̀ yi nu mur yilǝmu ɓà.