Amǝ Mishan 10:41 - Maləmce Məfele mala Ɓakuli: Kurcau Məbəshe

⁴¹ Pusǝrǝi aban ɓwapǝndǝa kat ɗang, kǝ sǝm mana Ɓakuli ak dǝmbǝa tarki sǝm ama ɓǝ̀ sǝm duk amǝnakun male, yì sǝm mana anzǝm loapi ɓembe male, sǝm lili sǝnǝia, sǝm nu sǝnǝia ka, sǝm nda.

Amǝ Mishan 10:41 ပူးပေါင်းရင်းမြစ်များ

Luka 24:30

À yì dumǝna amur girlina ka, yi twal bǝredi, pakki Ɓakuli yàwá, sǝ ɓwani pea wia.

Luka 24:48

Wu nda ka amǝnakun mala mǝnia yì agir ka aban aɓwana.

Yohana 14:17

Yì nda kǝ Bangŋo mana kǝ lǝmndǝ mǝsǝcau amur Ɓakuli ka. Amǝ kpata ɓanza pa nǝ̀ gandǝ é ɗang, acemǝnana à kǝ sǝni ɗang, sǝ à surǝì ɗang. Sǝ wun ngga wu surǝì, acemǝnana ndanǝ do ata wun ado, sǝ nǝnzǝmo ka nǝ̀ ngga do a ɓabum wun.

Yohana 14:19

Banì pà nǝ̀ sau ɗang, ɓanza pà nǝ̀ sǝnam ɗǝm ɗang, sǝ wun ngga wu nǝ̀ sǝnam. Sǝ acemǝnana mǝ ndanǝ yilǝmu ka, wun gbal ka wu nǝ̀ dum nǝ yilǝmu.

Yohana 14:22

Pǝlǝa Yahuda (mǝnana nda Yahuda Iskariyoti raka) banggi wi ama, “Mǝtalabangŋo, mana tsǝa sǝ a nǝ lǝmndǝ ɓamuro aban sǝm, sǝ a pà nǝ lǝmndǝì ɓanza kat ɓamuro ɗang?”

Yohana 15:16

Wun nǝ̀ taram ɗang, mǝ nǝ̀ tár wun, sǝ ǝn pa wun turo nǝma wu kya pâ ɓǝla wun, ulang ɓǝle mǝnana pà nǝ̀ kiɗiki raka. Anggo ka sǝ Tárram nǝ̀ pa wun gir mǝnana kat wu zǝmbǝi wi aɓa lullǝam ngga.

Yohana 15:27

Sǝ wun gbal ka dumǝna ama wu nǝ̀ nakunam aban aɓwana, acemǝnana tita turo mem ngga sǝm nda a tarǝ sǝm sǝnǝa wun.

Yohana 21:13

Pǝlǝa Yesu twal bǝredi pea wia, anggo gbal sǝ pang nǝ anji.

Amǝ Mishan 1:22

Ɓǝ̀ twal a pwari mǝnana Yohana pakki Yesu batisǝma nǝi, yi bwal a pwari mǝnana à twali nǝi arǝ sǝm aban o a kuli ka. Ɓǝ̀ yana sǝ à twali ka, nǝ̀ duk mwashat ata sǝm aban hamnǝ cau mala loapi ɓembe mala Yesu.

Amǝ Mishan 1:4

Sǝ nda peatu abania ka, banggia wia ama: Wu kǝa nying Urǝshalima ɗang. Wu kundǝo, she ɓǝ̀ Tárram pana wun Bangŋo Mǝfele mǝnana wu oem ǝn na nǝma, bangŋa ama nǝ̀ pa wun ngga.

Amǝ Mishan 10:39

Sǝ sǝm, amǝ'mishan ngga, sǝm ndaka amǝnakun mala agir mana sǝm sǝn Yesu pea kat a nzali mala amǝ Yahudi andǝ ɓa Urǝshalima ka. À wal-lui nǝ gbaliban amur nggun-gangndi.

Amǝ Mishan 13:31

Aɓalǝ anongŋo pas kǝ pusǝrǝi aban aɓwana mǝnana à kǝ gya andǝia ɗiɗyal, a Galili aban ká Urǝshalima ka. Yia a dyan ngga, à nda ka amǝ nakuni aban amǝ Isǝrayila.