Amǝ Mishan 10:36 - Maləmce Məfele mala Ɓakuli: Kurcau Məbəshe

³⁶ Wu surǝna cau mǝnana Ɓakuli tasǝnaban nǝi aban amǝ Isǝrayila, kǝ nea wia Cau Amsǝban andǝ dorǝpwala nǝban Yesu Kǝrǝsti, yi mǝnana nda Mǝtalabangŋo kat ka.

Amǝ Mishan 10:36 ပူးပေါင်းရင်းမြစ်များ

Matiu 10:6

Wu dǝshi anzur mala amǝ Isǝrayila mǝnana à ɓwarki ka.

Matiu 11:27

Tárram Ɓakuli panam agir kat aɓa buam. Kǝ ɓwa surǝam yì Muni ɗang, she kǝ yì Ɓakuli Tárram; sǝ kǝɓwa surǝ Ɓakuli yì Tárram ɗang, she kǝ mim Muni andǝ aɓwana mana ǝn tarkia mǝ nǝ lǝmndǝ Ɓakuli Tárram abania ka.

Matiu 28:18

Yesu pǝlǝa yiu abania sǝ na ama: “Rǝcandǝa mǝnana a kuli andǝ mana a ɓanza kat ka Ɓakuli panami!

Luka 1:79

ace pà tǎlaban aban aɓwana mǝnana à do aɓa pǝndǝa andǝ yinggǝli lú ka, ace yal kusǝ sǝm aɓa ká tanjar mala dorǝpwala.

Luka 24:47

Sǝ cau mala pwanzali a mala vwaki bu arǝ cauɓikea, andǝ twalban cauɓikea ka, à nǝ̀ hamnǝi aɓa lullǝi, arǝ anzali kat, à nǝ̀ tite a Urǝshalima.

Amǝ Mishan 10:37

Wu sǝlǝna ce gir mana kum ban a nzali Yahudi, tite a nzali Galili anzǝm mana Yohana tinata hamnǝ cau male mala batisǝma ka.

Amǝ Mishan 11:19

Aɓea amǝkwaɗi mǝnana pàtanni mesǝkea anzǝm lú mala Itǝfanu ka, à gali à kya bwal bareban Fonishiya, andǝ Luran Sayipǝrus, andǝ nggeala Antiyok aɓa bu-nzali Suriya. À kǝ hamnǝ Cau Amsǝban, sǝ kǝ amǝ Yahudi na nǝmurǝia à hambia wia ka.

Amǝ Mishan 13:32

Sǝ ado ka, sǝm ndya sǝm yina wun nǝ mǝnia yì Cau Amsǝban ngga. Mǝnia ka nda gir mana Ɓakuli bangŋa ama nǝ̀ pakki aká sǝm ngga.

Amǝ Mishan 13:46

Pǝlǝa Bulǝs andǝ Barnabas nea wia nǝ mǝsǝkang-kangŋa ama: Wun amǝ Yahudi, wun nda mǝnana ɓoaro sǝm nǝ̀ bangga wun cau mala Ɓakuli peatu ka. Sǝ acemǝnana wu ɓinǝkini, sǝ wu lǝmndǝna ama wu gattini kum yilǝmu mana málá male pà kàm raka, adyan ngga sǝm ɗekina wun, sǝm nǝ̀ o aban aɓwana mana amǝ Yahudi na raka.

Amǝ Mishan 2:36

Ace mani ka, aɓwana mala amǝ Isǝrayila kat, ɓǝa sǝlǝa nǝ mǝsǝcau ama, Yesu mǝnana wu gballì amur nggun-gangndi ka, nda ɓwa mǝnana Ɓakuli ci ɓǝ̀ do nda Mǝtalabangŋo, sǝ nda Kǝrǝsti, Mǝ'amsǝban ngga!

Amǝ Mishan 5:31

Nda Ɓakuli loasǝi, dumsǝi a buno mala gulo, a bui mǝli, nda sǝ duk Ɓwamǝgule andǝ Mǝ'amsǝban ngga. Ɓakuli pak mǝnia yì gir ka ace pe amǝ Isǝrayila dǝmbǝu mala pwanzali ɓǝa pǝlǝ nzǝmia arǝ acauɓikea malea, sǝ nǝ̀ twalia wia banì.

Amǝ Roma 14:9

Nda àkǝ̀ ce mǝnia sǝ Kǝrǝsti wú, sǝ lo nǝ yilǝmu, acemǝnana ɓǝ̀ duk Mǝtalabangŋo amur aɓwana mǝnana à wuna ka, andǝ aɓwana mǝnana à ndanǝ yilǝmu ka.

Amǝ Roma 5:1

Acemǝnana ado ka sǝm kumǝna akban aban Ɓakuli ata cau mala paɓamuru ka, sǝm ndanǝ dorǝpwala a nre sǝm sǝnǝa Ɓakuli nǝ bu Mǝtala sǝm Yesu Kǝrǝsti.

1 Amǝ Korinti 15:27

Acemǝnana Malǝmce bangŋa ama, “Ɓakuli tsǝk girbunda kat a ɓakusǝ Kǝrǝsti.” Sǝ bangŋe mǝno ama, “Girbunda kat” ka, oasǝ Ɓakuli a ɓalǝi ɗang acemǝnana Ɓakuli nǝ nggearǝì na nyesǝkiyi girbunda kat aɓata Kǝrǝsti ka.

1 Amǝ Korinti 15:47

Adamu, ɓwa mǝdǝmbe ka, pur nǝ nzali, à pe nǝ dǝɓang; Kǝrǝsti, yì ɓaria Ɓwa ka, sulǝ nǝ kuli.

Amǝ Filipi 2:11

Sǝ koya lasǝu ka, nǝ̀ bang bwāng ama, “Yesu Kǝrǝsti ka Mǝtalabangŋo na,” ace gusǝlǝ Ɓakuli Tarrû.

Amǝ Kolosi 1:20

sǝ nǝ ban Muni ka ɓǝ̀ gilǝki tárǝu mala agirbunda kat andǝi. Nǝ nkila mala Muni mǝnana sukki amur nggun-gangndi ka, yina nǝ dorǝpwala, ace mǝnana agir kat mǝnana a kuli andǝa mǝnana a nzali ka, à nǝ̀ nyesǝia aban Ɓakuli.

Amǝ Ibǝru 1:2

Sǝ a masǝlǝata nza man ngga, yi na cau nǝ sǝm, nǝ mburkun Muni, mǝnana twali ɓǝ̀ yì duk mǝliɓala na amur girbunda kat, sǝ nǝ́ yi sǝ pusǝ kuli andǝ nzali ka.

Amǝ Ibǝru 13:20

Ɓǝ̀ Ɓakuli mala dorǝpwala, mǝnana loasǝ Mǝtala sǝm Yesu, a ɓembe ka, pà wun koya gir mǝɓoarne mǝnana ɓoaro ɓǝ̀ wu pang nǝi ace pak kani male ka. Ɓǝ̀ pakturo male aɓalǝ wun, nǝ rǝcandǝa mala Yesu Kǝrǝsti, ace pwasǝ bumi. Yesu ka nda nggea yalgir mǝgule mala anzur, mǝnana nǝ nkile sǝ Ɓakuli tita kurcau male mǝnana pè nǝ aɓwana male ka, yì kurcau mana pà nǝ̀ mal raka. Gulo kat ka male na mǝnana málá male pà kàm raka. Amin.

1 Bitǝrus 3:22

Ado ka, Kǝrǝsti umǝna a kuli, nda a bu-mǝli mala Ɓakuli, sǝ amǝturonjar, andǝ ayalban, andǝ arǝcandǝa kat ka, à nda a ɓate.

Sǝna 1:18

Mǝ nda mǝnana nǝ yilǝmu ka. Ɗiɗyal ka ǝn wú, sǝ sǝni, mǝ ndya nǝ amǝsǝam ngga, masǝlǝate pà kàm ɗang. Akyî mala Lú andǝ Domurǝm mala Lú ka nda aɓa buam.

Sǝna 1:5

Sǝ ǝn nggǝ shamba wun ɓwamuru andǝ do rǝpwala mǝnana à kǝ pur nǝban Yesu Kǝrǝsti ka. Yì Yesu Kǝrǝsti ka nda mǝ'nakún mala Ɓakuli aɓa mǝsǝcau, mǝdǝmbǝa mala aɓwana mǝnana à kǝ loapi ɓembe anzǝm lú ka. Sǝ yì nda mǝyalban amur amurǝma mala ɓanza. Yì nda mǝnana earmǝsǝ sǝm, sǝ panzǝna sǝm aɓalǝ acauɓikea ma'sǝm nǝ nkila male,

Sǝna 17:14

Yia kat ka, à nǝ̀ ká nǝ lwa arǝ Mǝgam, sǝ Mǝgam andǝ amǝte, yia aɓwana male mǝnana tunǝia, sǝ tarkia, andǝ amǝ kpate aɓa mǝsǝcau ka, à nǝ̀ limurǝm amuria. À limurǝm amuria acemǝnana yì Mǝgam ngga, nda Gbani amur amǝtala anzali kat, sǝ nda Murǝm mala amurǝma kat.”

Sǝna 19:16

Arǝ daura male aban byali ka, lullǝu na kam à gilǝì ama: MURƏM MALA AMURƏMA ANDƏ GBANI AMUR AMƏTALA ANZALI.