Amǝ Mishan 10:28 - Maləmce Məfele mala Ɓakuli: Kurcau Məbəshe

²⁸ Pǝlǝa nea wia ama, “Wun ngga wu sǝlǝna ama, nggurcau ma'sǝm eare ama ɓwa Yahudi ɓǝ̀ kutio a ɓala mala aɓwana mana amǝ Yahudi na raka, ko ɓǝ̀ kǝgir dapia ɗang. Sǝ Ɓakuli lǝmndǝam ama, mǝ ngga tunǝ kǝɓwa ama ɓwa mǝɓane ko mǝɓeami ka ɗang.

Amǝ Mishan 10:28 ပူးပေါင်းရင်းမြစ်များ

Markus 7:2

À sǝn aɓea alaggana mala Yesu ka, à kǝ lili nǝ abu mǝ pǝndǝke. Lǝmndǝ ama à lak abuia ɗang.

Luka 18:11

Pǝlǝa ɓwa Farisi lo came pak hiwi amur ɓamuri. Na ama, “Ɓakuli, ǝn pakko yàwá, acemǝnana mǝ nda mǝ'cauɓikea kǝla acili aɓwana ɗang. Ən pa kǝla amǝ'ɓǝmbǝriban, amǝ ɗwanyi do amur mǝsǝcau, amǝ'nongginǝban a nza mala doɓala, ko kǝla mǝnia yì mǝcemi ka ɗang.

Yohana 18:28

Nǝ dǝmbari ɗiɗyal ka à pusǝ Yesu a ɓala mala Kayafas, à um nǝi aban mǝgule mala Nggwamna, ɓwa Roma. Sǝ aɓwana-mǝgule mala amǝ Yahudi, mǝnana à tsǝki Yesu cau ate ka, à ɓinǝ kutio aɓa palta mala Nggwamna, acemǝnana ɓǝa kuti ka, à nǝ̀ pǝndǝki ɓamuria, mǝnana nǝ̀ tsǝa à pà nǝ̀ kumo à nǝ̀ li girlina Lamsan Yalimuru raka.

Yohana 4:27

Anggo ka, alaggana mala Yesu yi tusǝo, à ndali mǝnana à yì kumi aban na cau andǝ mɓwama ka. Sǝ kǝɓwa ɗi mɓwame ama, mana a alkite ka ɗang. Sǝ kǝɓwa ɗi gbal ama, ace mana sǝ a kǝ na cau nǝ ɓwame ka ɗang.

Yohana 4:9

Sǝ mɓwame pǝlǝa ne Yesu ama, “A nda ɓwa Yahudi, sǝ mǝ nda ɓwa Samariya. Lang sǝ a nǝ zǝm murnuna a buam yi mǝnana kǝgir kǝ kpapi amǝ Yahudi andǝ amǝ Samariya raka?”

Amǝ Mishan 10:29

Nda gir mǝnana tsǝa, sǝ lang à turban atam ngga, ǝn yiu, ǝn ɓinǝ ɗang. Ado ka wu banggam, mana nda ɓa turban atam?”

Amǝ Mishan 11:9

Pǝlǝa giu nî nyare na cau ɗǝm nǝ kuli ama, “Kǝa nyesǝ gir mǝnana Ɓakuli langŋǝni ɓoarnansari ka ama mǝpǝndǝke na ɗang.”