Amǝ Mishan 10:22 - Maləmce Məfele mala Ɓakuli: Kurcau Məbəshe

²² À eare ama, “Ɓwamǝgule soje, yì Karnilus nǝ̀ tur sǝm. Ɓwa mǝɓafoe na, kǝ ɓanggi Ɓakuli. Aɓwana aɓa nzali mala amǝ Yahudi kat kǝ na mǝɓoarne amuri. Mǝturonjar mala Ɓakuli ne wi ama ɓǝ̀ no wu yiu a ɓala male, ace mǝnana ɓǝ̀ kya ok cau mǝnana a nǝ bang ngga.”

Amǝ Mishan 10:22 ပူးပေါင်းရင်းမြစ်များ

Matiu 1:19

Burri Yisǝfu, acemǝnana yì ka, ɓwa mǝɓoarne na ka, eare ama nǝ̀ pe wi kirsakya a mǝsǝ aɓwana ɗang. Yì ka, pak ɗenyicau ama à nǝ̀ gau aɓa sǝmbǝrǝa.

Matiu 2:12

Ɓakuli nun kiria a lorǝo ama ɓǝa kǝa nyar aban Hirǝdus ɗang. Pǝlǝa à twal ɓe njargula ɗang à nyare a nzali malea.

Markus 6:20

Hirǝdus ka, kǝ ɓanggi Yohana; sǝ acemǝnana sǝlǝna ama Yohana ka ɓwa mǝɓoarne na, ɗǝm ngga ɓwa mala Ɓakuli na ka, kǝ yállí, eare ama kǝgir je ɗang. A koya pwari sǝ ɓǝ̀ Yohana bangcau andǝ Hirǝdus ka, ban kǝ ɓiki Hirǝdus kǝrkǝr. Sǝ kat andǝ amani ka, kǝ earce kwaki kiri arǝ Yohana.

Markus 8:38

Wu kǝa pak kǝsǝkyem andǝ cau mem aɓa mǝnia yì ɓanza mǝ ɗwanyi do nǝ mǝsǝcau aban Ɓakuli, andǝ mǝnana lumsǝ nǝ cauɓikea ka ɗang. Ɓǝ̀ kǝɓwa pak kǝsǝkyem ngga, mim Muna mala Ɓwa ka, mǝ nǝ pak kǝsǝkye gbal a pwari mǝnana mǝ nǝ nyar nǝi aɓa ɓoarɓwa mala Tárram, andǝ amǝturonjar mǝfele male ka.

Luka 2:25

A baku mǝno ka ɓeɓwa nakam nǝ do a Urǝshalima lullǝi ama Shimiyan. Yì ka, mǝ ɓealɓoarna, mǝ ɓanggi Ɓakuli na. Nda ban kundǝ amsǝban mala amǝ Isǝrayila, sǝ Bangŋo Mǝfele na amuri

Luka 23:50

Ɓe kǝɓwa nakam lullǝi ama, Yisǝfu, ɓwa Arimatiya mala nzali Yahudi. Yì ka, nda aɓalǝ amǝ kurcau mala amǝ Yahudi, ɓwa mǝ'ɓealɓoarne na. Yì ka, gir mǝnana aɓwana-mǝgule mala amǝ Yahudi pak ka, earnǝ kǝ ɓe atea ɗang. Yì ka, ndarǝ kundǝ yiu mala Domurǝm mala Ɓakuli.

Luka 9:26

Ɓǝ̀ kǝsǝkya kǝ pakki ɓwa a rǝam andǝ cau mem ngga, kǝsǝkya nǝ̀ pakki Muna mala Ɓwa a rǝì, a pwari mǝnana nǝ̀ yiu nǝi, aɓa ɓoarɓwa male andǝ ɓoarɓwa mala Tarrí andǝ mala amǝturonjar mǝfele ka.

Yohana 13:20

Sǝ mǝ nda ban bangga wun mǝsǝcau: ɓwa mana kat ak ɓwa mǝnana ǝn turi ka, mǝ nda akiyiam gbal ka, sǝ ɓwa mana kat em ngga, nda rǝ ak Tárram mǝnana tasǝam ngga.

Yohana 17:20

Hiwi mem ngga pa ace alaggana mem mǝnia nǝmurǝia ɗang, nda gbal ace aɓwana mǝnana à nǝ̀ yia ak Cau Amsǝban mǝnana amǝkpatam nǝ̀ hamnǝi abania ka.

Yohana 17:8

Ən pania wia cau mǝnana a pam ngga, sǝ yia gbal ka à angŋǝni; à sǝlǝna ama mǝsǝcau na ǝn pur abano, sǝ à earǝna ama a nǝ̀ turam.

Yohana 5:24

Mǝ nda ban na wun mǝsǝcau, ɓwa mǝnana kat kǝ ok cau mem, sǝ kǝ pa ɓamuri aban Tárram mǝnana tasǝam ngga, ndanǝ yilǝmu mǝnana masǝlǝate pà kàm raka. Ɓashi pà nǝ̀ sulǝo amuri ɗang, yì ka, angŋǝna dǝmbǝa yàlǝ́nì lú, kutina a yilǝmu.

Yohana 6:63

Bangŋo mala Ɓakuli na pākiyi yilǝmu ka; ɓariki mala ɓwapǝndǝa pa nǝ̀ pà yilǝmu ɗang. Acau mǝnana ǝn bangga wun ngga a mala bangŋo na andǝ yilǝmu.

Yohana 6:68

Shiman Bitǝrus eari wi ama, “Mǝtala sǝm, aban yan sǝ sǝm nǝ̀ ká le? A nda mǝnana nǝ cau mala pà yilǝmu mǝnana pà nǝ̀ mal raka.

Amǝ Mishan 10:2

Yì andǝ ɓala male kat à kǝ peri aban Ɓakuli, à kǝ gusǝlǝi, sǝ mǝ'ɓanggi Ɓakuli na. Kǝ pe amǝtǝr ɓoro kǝrkǝr, sǝ usǝlǝkiyi pak hiwi ɗang.

Amǝ Mishan 10:21

Pǝlǝa Bitǝrus sulǝo kya kumia, sǝ nea wia ama, “Mǝ nda ɓwa mǝnana wu sǝnggiyi banì ka. Mana yiu nǝ wun ɗe?”

Amǝ Mishan 10:30

Karnilus eare ama: Nongŋo tārú mǝno kuti ka, pwari na anggo kǝla mǝnia ka, a bu-pwari tārú mala pwarikpǝra, mǝ nda ban pak hiwi a ɓala mem, kara ɓeɓwa mana oasǝ agir-nggurǝu mǝlinzame ka, puro yi came a ɓadǝmbǝam.

Amǝ Mishan 10:33

Nda sǝ ǝn gbara ǝn turban a to ka, sǝ ndya gbal a pê pepè a yiu ka. Ado ka sǝm ndya kat sǝm nggǝ kundǝo a ɓadǝm Ɓakuli, sǝm nǝ̀ ak cau mana Mǝtalabangŋo no ama wu na sǝm ngga.

Amǝ Mishan 10:6

Yì ka, sulǝo aɓala mala Shiman mǝbangsǝ-nggu, ɓala male na a kun nggeamur.”

Amǝ Mishan 11:14

Yì nda ɓwa mǝnana nǝ̀ banggo cau mana nǝ̀ amsǝo andǝ amǝɓala mo kat ka.”

Amǝ Mishan 22:12

Aɓa mǝno yì lamǝgule ka, ɓe kǝ ɓwabura na abanì à tunǝki ama, Hananiya; mǝ'ɓanggi Ɓakuli na, bwal nggurcau mala amǝ Yahudi nǝ paɓamuru tam-tam. Amǝ Yahudi mǝnana a Damaska kat ka, à kǝ pe wi gulo.

Amǝ Mishan 24:15

Tsǝkɓalǝu mem arǝ Ɓakuli ka mǝ'mwashati na andǝ mǝnana aɓwana man ndanǝi arǝ Ɓakuli ka, ama nǝ̀ loasǝ amǝ cauɓoarna andǝ amǝ cauɓikea a ɓembe.

Amǝ Mishan 6:3

Ace mani ka, wun amǝ'eamrǝarǝu, wu tarki aɓwana tongno-nong-ɓari aɓalǝ wun, amǝnana à kǝ ɓwangsǝia, ɗǝm ngga à lumsǝ nǝ Bangŋo mala Ɓakuli, andǝ sǝlǝe, mǝnana sǝm nǝ̀ pea wia mǝnia yì turo ka.

Amǝ Roma 1:17

Yì Cau Amsǝban ngga, ndá kǝ̀ lǝmndǝa sǝm lang sǝ Ɓakuli kǝ nggaɗi sǝm, ɓǝ̀ sǝm pǝlǝ aɓwana amǝɓoarne a ɓadǝmbǝi. Mǝnia ka kǝ pa anggo nǝ guli arǝ Kǝrǝsti, twal a tite kya pur a masǝlǝate, kǝla mǝnana Malǝmce na ka ama: “Ɓwa mǝnana kumǝna akban aban Ɓakuli ka, nǝ̀ dumnǝ yilǝmu aɓa guli arǝ Ɓakuli.”

2 Amǝ Korinti 5:18

Mǝnia yì agir kat ka, ɓoro na nǝban Ɓakuli, mǝnana nyesǝ sǝm a dotarǝu andǝi nǝ bu Kǝrǝsti, sǝ pa sǝm turo bǝlban, mala nyesǝ aɓwana abani ka.

1 Timoti 3:7

Ndanǝ ɓoaro ɗǝm ɓǝa aɓwana mana amǝ'kwaɗi na raka, ɓǝa kǝ na mǝɓoarne amuri, ace mǝnana ɓǝ̀ kǝa kum kǝsǝkya, ɓǝ̀ kpa aɓa gbǝli mala mǝɓealɓikea ɗang.

Amǝ Ibǝru 10:38

Sǝa ma mǝɓealɓoarna mem ngga, nǝ̀ dukdo paɓamuru; sǝ ɓǝ̀ kǝ ɓwa nyar nǝ nzǝmi ka, bumam pà nǝ̀ pwasǝ a rǝì ɗang.”

Amǝ Ibǝru 11:2

Nda ace guliarǝu mala aɓwana mǝnana a pwaryan ngga, sǝ Ɓakuli ɓwangsǝia.

Amǝ Ibǝru 12:23

Wu yina aban rambǝa mala amuna-dǝmba mala Ɓakuli, mǝnana à gilǝna alullǝia a kuli ka. Wu yina aban Ɓakuli, mǝɓashi ɓwapǝndǝa kat. Wu yina aban abangŋo mala aɓwana mǝnana à dukdo ɓealɓoarna sǝ adyan ngga Ɓakuli ea à kumǝna lumsǝo ka.

2 Bitǝrus 3:2

Ən nggǝ earce nǝma ɓǝ̀ wu ɗenyi nǝ acau mǝnana amǝ'ɓangna mǝfele mala Ɓakuli bangŋi a pwaryan, sǝ ɓalǝ wun ɓǝ̀ kǝa lorǝ nzongcau mǝnana Mǝtalabangŋo, Mǝ'amsǝban pá nǝ bu amǝ'mishan ma'wun ngga ɗang.

3 Yohana 1:12

Ɓwapǝndǝa kat kǝ na mǝɓoarne amur Demitǝrǝyus, ko nggearǝ do male ka kǝ lǝmndǝ mǝsǝcau a ko ya njari. Sǝm gbal ka, sǝm nggǝ bang mǝɓoarne amuri, sǝ wu sǝlǝna ama mǝsǝcau na sǝm nggǝ na ka.

Sǝna 14:10

ɓwe gbal ka nǝ̀ nu mùr-anap mala bumlulla mala Ɓakuli. Yì bumlulla mala Ɓakuli mǝnana à solǝi andǝa lullo male mǝcande aɓa kwar bum-ukkia male ka. Sǝ ɓwe nǝ̀ nu nggea tanni kǝrkǝr aɓa bǝsa andǝ atalibǝsa, a ɓadǝmbǝ amǝturonjar mǝfele andǝ ɓadǝm Mǝgam.