Amǝ Mishan 10:1 - Maləmce Məfele mala Ɓakuli: Kurcau Məbəshe

¹ A Kaisariya ka ɓeɓwa nakam lullǝi ama Karnilus. Yì ka, ɓwamǝgule soje na, amur asoje mala amǝ Roma mana à tunǝkia ama, “Asoje Italiya” a ɓinalea ka.

Amǝ Mishan 10:1 ပူးပေါင်းရင်းမြစ်များ

Matiu 27:27

Asoje mala nggwamna twal Yesu a um nǝi a banturo mǝgule malea sǝ à kya rambǝ acili asoje a kàrǝì a ɓalǝu.

Matiu 27:54

Lang ɓwamǝgule mala asoje andǝ asoje mǝno à tamsǝia yal Yesu sǝn dǝurǝo mala nzali andǝ agir mana à pak kat ka, ɓangciu pakkia wia, sǝ à na ama, “Ɓafo, ɓwa man ngga Muna mala Ɓakuli na.”

Markus 15:16

Asoje um nǝ Yesu a palta a ban-mǝgule mala nggwamna, pǝlǝa à yì rambǝ acili asoje kat.

Luka 7:2

Aɓa mǝnia yì la ka guro mala ɓe ɓwamǝgule soje mala amǝ Roma, mǝnana earkiyi ace raka, nong kwano yi bwal kun-lú.

Yohana 18:12

Pǝlǝa asoje andǝ mǝsarǝban malea, andǝ amǝ munagara mala amǝ Yahudi, bwal Yesu, sǝ à taka abui.

Yohana 18:3

Agbani Pǝris andǝ amǝ Farisi tasǝ amǝyal Ndàmǝgule mala Ɓakuli andǝ aɓea soje mala amǝ Roma, ɓǝa kyane ata Yahuda aban mǝnana Yesu nakam ngga. À kur rǝia nǝ agirbura, sǝ à bwal bǝsa arǝ aɓukan, andǝ apitǝla, pǝlǝa à puro à yì tusǝo a ɓabanì.

Amǝ Mishan 10:24

Ɓe ban fana ka, à kya bwal Kaisariya. Karnilus ka nda aban kuli muria, angŋǝna dǝmbǝa tunǝna aɓǝla andǝ agyajam-nda male, à yina à yì rǝmǝna.

Amǝ Mishan 21:31

Amǝnia yì aɓwana ka, à nda ban ɓariki à nǝ̀ wal lú Bulǝs, sǝa ma cau yi bwal ban mǝsarǝban mala asoje mala amǝ Roma. À banggi wi ama, Urǝshalima kat ka gǝggǝlina.

Amǝ Mishan 21:8

Ban fana ka, sǝm lidǝmbǝa aban o a nggeala Kaisariya. Akano ka, sǝm yì sulǝo a ɓala mala Filip mǝ hamnǝ Cau Amsǝban. Yì ka, nda mwashat aɓalǝ aburana tongno-nong-ɓari, mǝnana amǝkwaɗi twalia a Urǝshalima ace bwal ban turo gau girlina ka.

Amǝ Mishan 22:25

À kurkina Bulǝs nǝ nggur ama à nǝ̀ kwe. Pǝlǝa ɗi soje mǝgulo mǝnana came abanì ka ama, “Nggearǝì ka, nggurcau mala nzali eara wun ama ɓǝ̀ wu kwak ɓwa nzali Roma mǝnana à malaká ɓashi wi, a kumi nǝ ɓe kǝ cauɓikea raka le?”

Amǝ Mishan 23:23

Pǝlǝa mǝsarǝban mala asoje tunǝ ɓari ata asoje amǝgulo male sǝ nea wia ama, “Wu twal asoje gbǝman ɓari mǝnana à nǝ̀ o a Kaisariya ka. Wu twal atea amǝpǝ̀r lumi-tongno-nong-ɓari andǝ amǝkusǝu gbǝman ɓari nǝ ankongŋo a buia. Wu nying ban man nǝ bu-pwari tongno-nong-ine mala bu du man yalung ngga.

Amǝ Mishan 23:33

Lang amǝpǝ̀r yi bwalǝna Kaisariya ka, à pe Nggwamna cautera sǝ à nyinggi wi Bulǝs a bui.

Amǝ Mishan 25:1

Anzǝm anongŋo tārú mǝnana Festus yiu nǝi a bu-nzali Kaisariya sǝ ak buno mala Nggwamna ka, kutio wario a Urǝshalima.

Amǝ Mishan 25:13

Anzǝm anonggeo bǝti ka, Murǝm Agǝripa andǝ Banayis à yiua makki Festus kun a Kaisariya ace gulo mǝnana kum ka.

Amǝ Mishan 27:1

Cau yi dumǝna ama sǝm nǝ̀ kutio a waru-mur sǝm nǝ̀ ká a Italiya. Pǝlǝa à pa Bulǝs andǝ aɓea aɓwana mǝnana à kùria ka a bu Juliyos, ɓe soje mǝgulo amur ɓe nggǝsanyi mala asoje Roma, à tunǝia ama, “Nggǝsanyi asoje mala Mǝtala Nzali.”

Amǝ Mishan 27:31

Pǝlǝa Bulǝs ne ɓwamǝgule soje andǝ asoje ama, “Ɓǝ̀ amǝ samsǝ waru nyare à do aɓa waru raka, wu pa wu nǝ̀ au ɗang.”

Amǝ Mishan 27:43

Sǝ ɓwamǝgule soje ka, kǝ earce nǝ̀ amsǝ Bulǝs, ace mǝnana ɓǝa kǝa wal-lui raka, pǝlǝa tamsǝ asoje ama ɓǝa kǝa pa anggo ɗang. Nda sǝ tsǝa ama, ko yana mǝnana sǝlǝmur ka ɓǝ̀ ta ɓǝ̀ zurro a nggeamur, ɓǝ̀ oakio ɓǝ̀ eauwe a nza.

Amǝ Mishan 8:40

Sǝ Filip, nǝ nzǝmo ka, kya kum ɓamuri a ɓe la mana à tunǝki ama Azotus ka. Pǝlǝa camarǝ hamnǝ Cau Amsǝban arǝ ala aban ká a Kaisariya.