Amǝ Mishan 1:9 - Maləmce Məfele mala Ɓakuli: Kurcau Məbəshe

⁹ Anzǝm mǝnana Yesu naná cau anggo ka, àkǝ̀ mǝsǝia à nda rǝ sǝne, kara à twali aban ká o a kuli. Kya ko aɓa pǝrɓang, à gandǝ sǝne ɗǝm ɗang.

Amǝ Mishan 1:9 ပူးပေါင်းရင်းမြစ်များ

Markus 16:19

Anzǝm mǝnana Mǝtalabangŋo Yesu nania cau ka, kara à twali à um nǝi a kuli, kya do a bu-mǝli mala Ɓakuli.

Luka 21:27

Anggo ka à nǝ̀ sǝn Muna Mala Ɓwa aban yiu aɓa pǝrɓang nǝ rǝcandǝa andǝ ɓoarɓwa mǝgule.

Yohana 6:62

Mana nǝ̀ duk ɗenyicau ma'wun yi mǝnana ɓǝ̀ wu sǝn Muna mala Ɓwa aban o a kuli aban mǝnana pur kam ngga?

Amǝ Mishan 1:11

Sǝ à bangŋa ama, “Wun amǝ Galili, palang sǝ wu cam kani aban sǝnban a kuli? Mǝnia yì Yesu à twali arǝ wun aban ká kuli ka, nǝ̀ ngga nyare kǝla mǝno wu sǝni aban o a kuli ka.”

Amǝ Mishan 1:2

ba pwari mǝnana à twali nǝi aban ká kuli ka. Sǝ kaniama nǝ̀ o a kuli ka, kwarkir amǝ'mishan male mǝnana tàrkia ka, nǝ rǝcandǝa mala Bangŋo Mǝfele.

1 Amǝ Tasalonika 4:17

Sǝ sǝm, mǝnana sǝm ndanǝ yilǝmu sǝ sǝm ndakam piu a pwari mǝno ka, à nǝ̀ fà sǝm a tarǝ sǝm sǝnǝia aban o a kuli, aɓalǝ apǝrɓang, ace mǝnana ɓǝ̀ sǝm kya je sǝnǝa Mǝtalabangŋo a bumkuli ka. Anggo ka, sǝm nǝ̀ do a tarǝ sǝm sǝnǝa Mǝtalabangŋo, do mǝnana málá male pà kàm raka.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

Sǝna 1:7

Wu sǝni! Ndya kǝ yiu aɓalǝ apǝrɓang a kuli ka. Koya ɓwa ka nǝ̀ sǝni, kat andǝ aɓwana mǝnana à zuɓi nǝ kaɗa ka; sǝ akún mǝnana a ɓanza ka, à nǝ̀ ɓua ace. E, anggo sǝ ɓǝ̀ pa! Amin.

Sǝna 11:12

Pǝlǝa giu mǝcande pur nǝ kuli tunǝ amǝ'nakun mǝnia ɓari ka ama, “Wu yiu kani a kuli.” Sǝ à lo aban eauwe a kuli aɓa pǝrɓang. Aɓiamǝbura soapia wia mǝsǝu à kǝ sǝnia.

Sǝna 14:4

À nda ka aɓwana mǝnana à pǝndǝki ɓamuria nǝ nongginǝ amamǝna raka. À bwal ɓamuria aɓa doɓoarnsari, kǝla ansarina mǝnana à surǝ kǝ ɓwabura raka. À kǝ kpata Mǝgam arǝ aban mǝnana kat kǝ wari kam ngga. Ɓakuli akmuria aɓalǝ acili ɓwapǝndǝa a ɓanza ɓǝa do à nda ka ɓǝla-ɓaban mǝdǝmbe mǝnana à nǝ̀ pànà ɓoro nǝia aban Ɓakuli andǝ Mǝgam ngga.