Amǝ Mishan 1:7 - Maləmce Məfele mala Ɓakuli: Kurcau Məbəshe

⁷ Pǝlǝa Yesu banggia wia ama, “Kǝ Tárram na nǝmurǝì mǝnana ndanǝ rǝcandǝa mala tsǝk amǝno yì apwari andǝ abaku ka, sǝ à pa ace wun ɓǝ̀ wu surǝia ka ɗang.

Amǝ Mishan 1:7 ပူးပေါင်းရင်းမြစ်များ

Matiu 20:23

Yesu nea wia ama, “Ɓafo, wu nǝ̀ gandǝ nu tanni mǝnana mǝ nǝ nu ka, sǝa ma pa ban-do a buam-mǝlì ko mǝnggare ka pà aɓa rǝcandǝa mem ɗang. Amǝnia yì aban ngga nda ace aɓwana mǝnana Tárram gilǝkia wia ka.”

Matiu 24:36

Kǝ ɓwa surǝ pwari ko bu-pwari mǝnana Muna mala Ɓwa nǝ̀ yiu nǝi ka ɗang. Amǝturonjar mǝnana a kuli ka à surǝì ɗang, ko nggearǝ Muna mala Ɓakuli ka surǝì ɗang, she kǝ Ɓakuli nǝmurǝì.

Markus 10:40

Sǝa ma, pa aɓa buam ɓǝn tsǝk ɓwa ɓǝ̀ do ata buam mǝli ko a buam mǝnggare ɗang. Ɓakuli gilǝki amǝno yì aban ngga ace aɓwana mǝnana tarkia ka.”

Markus 13:32

Kǝ ɓwa surǝ pwari ko bu-pwari mǝnana agir mǝnia nǝ̀ ngga pang nǝi ka ɗang. Amǝturonjar mǝnana a kuli gbal ka, à surǝì ɗang. Nggearǝ mim Muna mala Ɓakuli ka, ǝn surǝì ɗang. Kǝ Tárram nǝmurǝì nda mana sǝlǝ ka.

Luka 21:24

À nǝ̀ wal-lú aɓea ɓwana atea nǝ nggeabyau, sǝ aɓea ɓwana ka à nǝ̀ bwalia guro à nǝ̀ umnǝia arǝ anzali kat mala ɓanza. Aɓwana mana amǝ Isǝrayila na raka à nǝ̀ parki Urǝshalima aɓata rǝcandǝa malea, à nǝ̀ pak ce acau male ɓà, ba lumsǝo mala apwari mana Ɓakuli kasǝa acea, yia aɓwana mana amǝ Isǝrayila na raka.

Amǝ Mishan 17:26

Aɓa ɓwa mwashat sǝ pusǝ aɓwapǝndǝa ɗàngɗáng, amana à lumsǝ ɓanza kat ka. Kǝ yì na ɓara-ɓara kasǝ tite andǝ masǝlǝata anza malea, andǝ abu-ɓanza mana à nǝ̀ do kam ngga.

Amǝ Afisu 1:10

Sǝ mǝnia ka nda kànì male: Ɓǝ̀ pwarì yi karǝna ka, Ɓakuli nǝ̀ dapi koya gir mǝnana a kuli andǝa mǝnana a nzali kat ka aɓata rǝcandǝa mala Kǝrǝsti.

1 Timoti 6:15

Ɓǝ̀ pwari nì yi karǝna ka, Ɓakuli mana ɓwangsǝban kat abani sǝ pa, sǝ yì nǝmurǝì nda Mǝyalban, yì Murǝm mala amurǝma andǝ Gbani amur amǝ'talanzali ka, nǝ̀ yia lǝmndǝ Kǝrǝsti nǝ kuli.

2 Timoti 3:1

We ka, sǝlǝ ama, kwano mala ado nǝ̀ ngga yiu a masǝlǝata apwari.