Amǝ Mishan 1:25 - Maləmce Məfele mala Ɓakuli: Kurcau Məbəshe

²⁵ ɓwa mǝnana nǝ̀ twal banturo mishan a kuni Yahuda, mǝnana nying sǝm o aban mǝnana dupi wi ka.”

Amǝ Mishan 1:25 ပူးပေါင်းရင်းမြစ်များ

Matiu 25:41

Pǝlǝa nǝ̀ ne aɓwana mana a bui mǝnggare ka ama, “Wu upi banam, wun mǝnana Ɓakuli su wun ngga! Wu kya ɓa bǝsa mǝnana li male pà nǝ̀ mal raka, mǝnana à pe ace Shetan andǝ amǝturonjar male ka.

Matiu 25:46

Pǝlǝa amǝnia ka à nǝ̀ tasǝia ɓǝa kutio aɓa tanni mana málá male pà kàm raka, sǝ amǝ'cauɓoarna ka à nǝ̀ kutia ɓa yilǝmu mana masǝlǝate pà kàm raka.

Matiu 26:24

Muna mala Ɓwa ka nǝ̀ wú kǝla mǝnana à gilǝì amuri ka. Sǝa ma caukwanban na nǝ ɓwa mana nǝ̀ mak Muna mala Ɓwa ka! Kǝpǝna mǝnia yì ɓwa ka à ɓǝli raka.”

Yohana 13:27

Lang Yahuda ak nɗǝmo she ka, kara Shetan kutia rǝì. Sǝ Yesu ne wi ama, “Lo tsuk-tsuk, kya pak gir mǝnana a nǝ pak ka.”

Yohana 17:12

A do mem sǝnǝia ka, ǝn yalia, sǝ ǝn bwalia nǝ rǝcandǝa mala lùllǝo mǝnana a pam ngga. Kǝ ɓe ɓwàr atea ɗang, she kǝ yì ɓwa mǝnana dupi ká kìɗìkì ka, acemǝnana cau mo mana à gilǝì aɓa Malǝmce ka, ɓǝ̀ lumsǝo.

Amǝ Roma 1:5

Nǝ ban Kǝrǝsti sǝ Ɓakuli pa sǝm ɓwamuru andǝ ɓoro mala do mǝ'mishan, ɓǝ̀ sǝm ne aɓwana arǝ anzali a koya ban ngga, gir mǝnana Ɓakuli pa acea ka, ace mǝnana ɓǝa paɓamuria, ɓǝa oki wi sǝ anggo ka lullǝi ɓǝ̀ kum gulo.

1 Amǝ Korinti 9:2

Ko ɓǝ̀ ndo ama aɓea aɓwana em ama mǝ nda mǝ'mishan raka, dumǝna ama wun ngga, wu nǝ̀ em! Acemǝnana wun ngga, wu nda ka gir'lǝmndǝa aɓa mǝsǝcau mala turo mishan mem aban Mǝtalabangŋo.

Amǝ Galati 2:8

Kǝ Ɓakuli mǝ'mwashati, mǝnana pak turo nǝ Bitǝrus, ci mǝ'mishan na aban ká aban amǝ Isǝrayila ka, nda mǝnana pak turo nǝ mim, ciem mǝ'mishan aban ká gbal aban aɓwana mala acili anzali ka.