Amǝ Mishan 1:2 - Maləmce Məfele mala Ɓakuli: Kurcau Məbəshe

² ba pwari mǝnana à twali nǝi aban ká kuli ka. Sǝ kaniama nǝ̀ o a kuli ka, kwarkir amǝ'mishan male mǝnana tàrkia ka, nǝ rǝcandǝa mala Bangŋo Mǝfele.

Amǝ Mishan 1:2 ပူးပေါင်းရင်းမြစ်များ

Matiu 12:28

Sǝ ɓǝ̀ nǝ Bangŋo mala Ɓakuli sǝ ǝn nggǝ pusǝ akukwar ka, lǝmndǝ ama Domurǝm mala Ɓakuli yina aɓalǝ wun.

Matiu 3:16

Lang Yohana malǝna pakki Yesu batisǝma, sǝ Yesu eapi mur ani ka, kara kuli mǝnna sǝ sǝn Bangŋo mala Ɓakuli aban sulǝo kǝla kutu, yi do amuri.

Markus 6:30

Amǝ'mishan mala Yesu nyari turo hama sǝ à yiu abani, à naki wi ce agir mǝnana kat à pakki ka andǝ agir mǝnana à kànì ka.

Luka 24:51

Nda rǝ tsǝkia wia bu ka, kara nyia, pǝlǝa à twali aban ká a kuli.

Luka 9:51

Lang pwari mǝnana Yesu nǝ̀ nyarni aban o a kuli gbashina ka, Yesu tsǝk muri aban ká a Urǝshalima.

Yohana 1:16

Aɓa ɓwamuru andǝ mǝnbu male sǝ tsǝka sǝm bu kat, kǝ pa sǝm agir mǝɓoarne a nzǝmarǝia.

Yohana 13:1

Ué bǝti à nǝ̀ tita Lamsan Yalimuru, sǝ Yesu sǝlǝna ama bu-pwari male yina mǝnana nǝ̀ nying ɓanza nǝ̀ o aban Tarrí ka. Yì ka, earnace aɓwana male mǝnana à nda a ɓanza man ngga, sǝ ado ka lǝmndǝia wia earcearǝu mǝnana malkiyi raka.

Yohana 13:18

Ən pa aban na cau amur wun kat ɗang, acemǝnana ǝn surǝna rǝ aɓwana mǝnana ǝn tarkia ka. Sǝ cau mǝnana Malǝmce mala Ɓakuli bangŋa ama, “Kǝ yì, yì ɓwa mǝnana oasǝ bui atam a kwar ka nda pǝlǝ a rǝam ngga,” dumǝna púp nǝ̀ lumsǝo.

Yohana 13:3

Yesu sǝlǝna ama Ɓakuli Tarrû pani wi rǝcandǝa amur agir kat, sǝ sǝlǝna gbal ama pur nǝban Ɓakuli, sǝ ndo nǝ̀ nyare nǝ̀ o abani ka.

Yohana 16:28

Ən pur aban Tárram sǝ ǝn yiu a ɓanza, sǝ ado ka, mǝ ndo mǝ nǝ nying ɓanza mǝ nǝ nyar aban Tárram.

Yohana 17:13

Adyan ngga mǝ ndya ǝn nggǝ ká abano ka. Ən nggǝ banggia wia amǝnia yia cau mǝnana mǝ ndakani piu amǝnia yì ɓanza ka, acemǝnana ɓǝa lumsǝ nǝ bumpwasǝa mem.

Yohana 20:17

Yesu ne wi ama, “Ce a kúr a rǝam ɗang, acemǝnana ǝn malaká nyar aban Tárram a kuli peatu ɗang. Ado ka, kyane aban amǝ'eambǝam, alaggana mem, kya banggia wia ama, Mǝ ndo mǝ nǝ nyare aban Tárram, mǝnana nda Tárria ka, aban Ɓakuli mem, mǝnana nda Ɓakuli malea ka.”

Yohana 20:21

Yesu banggia wia ɗǝm ama, “Ɓǝ̀ rǝ wun pwalo. Kǝla mǝnana Tárram turam ngga, anggo gbal sǝ ǝn nggǝ tur wun.”

Yohana 3:34

Ɓwa mǝnana Ɓakuli turi ka, kǝ na gì Ɓakuli, acemǝnana Ɓakuli soapi wi Bangŋo male pupup.

Yohana 6:62

Mana nǝ̀ duk ɗenyicau ma'wun yi mǝnana ɓǝ̀ wu sǝn Muna mala Ɓwa aban o a kuli aban mǝnana pur kam ngga?

Yohana 6:70

Pǝlǝa Yesu pa eare ama, “Ən tar wun, wun lum-nong-ɓari. Sǝ ɓeɓwa ata wun ngga shetan na!”

Amǝ Mishan 1:11

Sǝ à bangŋa ama, “Wun amǝ Galili, palang sǝ wu cam kani aban sǝnban a kuli? Mǝnia yì Yesu à twali arǝ wun aban ká kuli ka, nǝ̀ ngga nyare kǝla mǝno wu sǝni aban o a kuli ka.”

Amǝ Mishan 1:13

Lang à bwalǝna ɓala ka, pǝlǝa à kutio a kurǝm kuli, ban mǝnana à duki kam ngga. Aɓwana mǝnana à nda abanì ka, à nda ka Bitǝrus, andǝ Yohana, andǝ Jemis, andǝ Andǝru, andǝ Filip, andǝ Toma, andǝ Batalomi, andǝ Matiu, andǝ Jemis muna mala Alfiyus. À nda ata rǝia andǝ Shiman mǝnana earkiyi ace la male raka, andǝ Yahuda muna mala Jemis.

Amǝ Mishan 1:22

Ɓǝ̀ twal a pwari mǝnana Yohana pakki Yesu batisǝma nǝi, yi bwal a pwari mǝnana à twali nǝi arǝ sǝm aban o a kuli ka. Ɓǝ̀ yana sǝ à twali ka, nǝ̀ duk mwashat ata sǝm aban hamnǝ cau mala loapi ɓembe mala Yesu.

Amǝ Mishan 1:9

Anzǝm mǝnana Yesu naná cau anggo ka, àkǝ̀ mǝsǝia à nda rǝ sǝne, kara à twali aban ká o a kuli. Kya ko aɓa pǝrɓang, à gandǝ sǝne ɗǝm ɗang.

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

Amǝ Galati 1:1

Mǝnia yì cautera ka, pur a banam, mim Bulǝs mǝ'mishan. Twalban mem a turo mishan ngga pur nǝban ɓwapǝndǝa ɗang, pur nǝ bu Yesu Kǝrǝsti andǝ Ɓakuli Tarrû, mana loasǝi yì Kǝrǝsti a ɓembe ka.

Amǝ Afisu 2:20

Sǝm dapi kat ka, sǝm dumǝna ɓala male, mǝnana à ɓè amur kusǝɓa mala amǝ'mishan andǝ amǝ'ɓangna mala Ɓakuli ka. Sǝ nggea tali mǝnana kùr kusǝɓǎ ka, nda Kǝrǝsti Yesu nǝ nggearǝì.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

Amǝ Ibǝru 9:24

Pà aɓa ban mǝfele mǝnana bu ɓwapǝndǝa nǝ pè ka sǝ Kǝrǝsti kuti ɗang. Mǝno ka yilǝmi gir mǝɓafoe na. Yì ka, kutio a nggearǝ kuli, ace lǝmndǝ rǝì ado a ɓadǝm Ɓakuli a kúnì sǝm.

1 Bitǝrus 3:22

Ado ka, Kǝrǝsti umǝna a kuli, nda a bu-mǝli mala Ɓakuli, sǝ amǝturonjar, andǝ ayalban, andǝ arǝcandǝa kat ka, à nda a ɓate.

2 Bitǝrus 3:2

Ən nggǝ earce nǝma ɓǝ̀ wu ɗenyi nǝ acau mǝnana amǝ'ɓangna mǝfele mala Ɓakuli bangŋi a pwaryan, sǝ ɓalǝ wun ɓǝ̀ kǝa lorǝ nzongcau mǝnana Mǝtalabangŋo, Mǝ'amsǝban pá nǝ bu amǝ'mishan ma'wun ngga ɗang.

Sǝna 1:1

Mǝnia ka nda sǝngir aɓa bangŋo nǝ bu Yesu Kǝrǝsti mǝnana Ɓakuli pe wi acemǝnana ɓǝ̀ lǝmndǝì aguro male agir mǝnana duk púp à nǝ̀ yia kutio, banì pà nǝ̀ sau raka. Yesu túr mǝturonjar male ɓǝ̀ yì mǝnggi mǝnia yì girsǝna aɓa bangŋo ka aban guro male, Yohana.

Sǝna 2:11

Ɓwa mǝnana ndanǝ kir ok ban ngga, ɓǝ̀ ok cau mǝnana Bangŋo kǝ banggi a'ikǝlisiya ka. Ɓwa mǝnana limurǝm ngga, ɓaria lú, pà nǝ̀ je ɗang ko bǝti.

Sǝna 2:17

Ɓwa mǝnana ndanǝ kir okban ngga ɓǝ̀ ok cau mǝnana Bangŋo kǝ ne a'ikǝlisiya ka! Ɓwa mǝnana kat cam kàngkàng limurǝm ngga, mǝ nǝ pe wi girlina-manna, mǝnana à sǝmbǝrǝi a kuli ka, ɓǝ̀ li. Ɗǝm ngga mǝ nǝ pe wi tali mǝpwasǝe mǝnana ndanǝ bǝsa lullǝu mana a nyouli amuri ka. Lullǝuî ka, kǝɓwa surǝì ɗang she kǝ yì ɓwa mǝnana à pe wi mǝno yì tali-pwasǝa ka.

Sǝna 2:29

Ɓwa mǝnana ndanǝ kir okban ngga, ɓǝ̀ ok cau mǝnana Bangŋo kǝ banggi a'ikǝlisiya ka!

Sǝna 2:7

Ɓwa mǝnana ndanǝ kir ok ban ngga, ɓǝ̀ ok cau mǝnana Bangŋo kǝ banggi a'ikǝlisiya ka! Koya ɓwa na kat mǝnana cam kàngkàng sǝ limurǝm ngga, mǝ nǝ eari wi ɓǝ̀ li ɓǝlanggun mala nggun yilǝmu mǝnana a ɓaban mala Ɓakuli ka.

Sǝna 21:14

Yì sheran mala nggeala ka, à kwakite amur akusǝɓa lum-nong-ɓari mǝnana à nongsǝia amur rǝarǝia ka. Arǝ koya kusǝɓa ka à gilǝ lullǝ mwashat ata amǝ'mishan lum-nong-ɓari mala Mǝgam.

Sǝna 3:13

Ɓwa mǝnana ndanǝ kir okban ngga, ɓǝ̀ ok cau mǝnana Bangŋo kǝ banggi a'ikǝlisiya ka!

Sǝna 3:16

Sǝ acemǝnana a nda lùlù, a pwal ɗang, sǝ a pî raka, mǝ ndo mǝ nǝ polǝo.

Sǝna 3:22

Ɓwa mǝnana ndanǝ kir okban ngga, ɓǝ̀ ok cau mǝnana Bangŋo kǝ banggi a'ikǝlisiya ka!