Amǝ Mishan 1:15 - Maləmce Məfele mala Ɓakuli: Kurcau Məbəshe

¹⁵ Aɓalǝ anongŋo mǝno ka, amǝkpata Yesu yiu à yì rambǝa abanɓwáná, lakki malea kat ka nda gbǝman nǝ lumi-ɓari. Pǝlǝa Bitǝrus lo came na cau ama:

Amǝ Mishan 1:15 ပူးပေါင်းရင်းမြစ်များ

Matiu 13:31

Yesu banggia wia ɓe kanicau ɗǝm ama: À nǝ̀ kànì Domurǝm mana a kuli ka arǝ mǝsǝ musta, mǝnana ɓeɓwa twali sǝ ɓeali a ɓaban male ka.

Luka 22:32

Sǝ mim ngga ǝn pangŋa hiwi aceo we Shiman, ace mǝnana paɓamuru mo ɓǝ̀ kǝa kpa ɗang. Sǝ ɓǝa longŋa ka, ɓak ɓabum amǝ'eambǝo.”

Yohana 14:12

Mǝ nda ban bangga wun mǝsǝcau, ɓwa mǝnana pà ɓamuri abanam ngga, nǝ̀ pak agir-ndali kǝla amǝnana ǝn pea ka. Yale nǝ̀ pakki agir mǝgulke mǝnana à kuti amǝnana ǝn pea ka, acemǝnana mǝ ndo mǝ nǝ o aban Tárram.

Yohana 21:23

Kara cau akban aɓalǝ acili amǝkpata Yesu ama mǝnia yì lagga ka, pà nǝ̀ wu ɗang. Sǝ anggo sǝ Yesu na ɗang. Yesu ka bang nǝ bangŋa ama, “Ɓǝ̀ ǝn eare nǝma yì ka, ɓǝ̀ do nǝ yilǝmu ba nyare mem ngga, mana oasǝo?”

Amǝ Mishan 10:23

Bitǝrus pǝlǝa warinia a ɓala, à pak abǝri male. Ban fana ka, lo andǝia. Aɓea mǝkwaɗi mana a Jopa ka, à lo atea.

Amǝ Mishan 11:1

Amǝ'mishan andǝ aɓea amǝkwaɗi mana a nzali Yahudi ka à o ama aɓwana mana amǝ Yahudi na raka à angŋǝna cau mala Ɓakuli gbal.

Amǝ Mishan 11:12

Pǝlǝa Bangŋo banggam ama mǝ ngga ɓukibumam ɗang, ɓǝ̀ sǝm o sǝnǝia. Pǝlǝa amǝkwaɗi mǝnia tongno-nong-mwashat a Jopa ka à lo atam aban ká Kaisariya, sǝm kat sǝm wario a ɓala mala Karnilus.

Amǝ Mishan 11:26

Lang kumǝni ka, twali wari nǝi a Antiyok. Yia kǝm à pak pǝlǝa mwashat aban amǝkwaɗi aban kani aɓwana pas cau mala Ɓakuli. Àkǝ̀ Antiyok sǝ à tita tunǝ amǝkwaɗi ama a Kǝrǝsta.

Amǝ Mishan 11:29

Pǝlǝa amǝkwaɗi nea rǝia ama, koyan aɓalǝia ka ɓǝ̀ pa ɓoro mana nǝ̀ gandǝi ka, ɓǝa tasǝi ace pa gbasha aban amǝ'eamrǝarǝu mana a nzali Yahudi ka.

Amǝ Mishan 12:17

Bitǝrus pǝlǝa nea wia nǝ bui ama ɓǝa duk kunia piu, pǝlǝa bǝlia wia ɓālǝi lang sǝ Mǝtalabangŋo pusǝì, pur nǝi a ndàkurban ngga. Nea wia ama, ɓǝa banggi Jemis andǝ amǝ'eamrǝarǝu amǝnia yì agir ka, pǝlǝa nyia kutio o a ɓe ban.

Amǝ Mishan 14:2

Sǝ amǝ Yahudi mana à paɓamuria raka, à soakita aɓwana mana amǝ Yahudi na raka, ɓǝa pǝlǝ arǝ amǝkwaɗi, ɓǝa ɓinǝ mǝsǝia.

Amǝ Mishan 15:1

Aɓea amǝkwaɗi pur a nzali Yahudi à yiu à Antiyok a bu-nzali Suriya. À tita kani amǝkwaɗi ama, “Ɓǝa kasǝa wun ɓata wun, kǝla mana Nggurcau mala Musa kànì raka, pa wu nǝ̀ kum amsǝban ɗang.”

Amǝ Mishan 15:3

Pǝlǝa ikǝlisiya, yì amǝkwaɗi tasǝia aban ká. À ara aɓalǝ abarìban Fonishiya andǝ Samariya à kǝ nea amǝkwaɗi cau mala pǝlǝa mala aɓwana mǝnana amǝ Yahudi na raka aban Ɓakuli. Bum amǝkwaɗi pwasǝo nǝ ok mǝnia yì cau ka.

Amǝ Mishan 16:2

Amǝkwaɗi mana a Listǝra andǝ Ikoniya ka, à kǝ ɓwangsǝi yì Timoti.

Amǝ Mishan 16:40

Lang Bulǝs andǝ Silas nyingŋǝna ndàkurban ngga, à nyare a ɓala mala Lidiya. A kam ngga, à kya kum amǝkwaɗi, sǝ à ɓak ɓabumia. Anzǝm man ngga, sǝ à nying lê.

Amǝ Mishan 17:10

Lang du pǝndǝna ka, amǝkpata Yesu tasǝ ta Bulǝs andǝ Silas a Biriya. À yì bwalǝna ka, à kutio a ndakpapi mala amǝ Yahudi.

Amǝ Mishan 17:14

Amǝkpata Yesu lo tu, à tasǝ ta Bulǝs a kun nggeamur, sǝ Silas andǝ Timoti ka à ueo a Biriya.

Amǝ Mishan 17:6

Sǝ lang à kum Bulǝs andǝ Silas raka, à nunggi Jasǝn andǝ aɓea amǝkpata Yesu, à yiu nǝia aban amǝkurcau mala la. À camarǝ loasǝban nǝ gia a kuli ama, “Aɓwana mǝnia ka, à nda à kǝ yinǝ zunggǝli a bum ɓanza kat ka! À ndya ɗǝm à yiua zurǝi nggeala ma'sǝm ngga,

Amǝ Mishan 18:18

Bulǝs do andǝ amǝkpata Yesu mana aɓa Korinti ka arǝ anonggeo pas. Pǝlǝa nyia, nǝ̀ o a bu-nzali Suriya. À kpapi gya a tarǝia andǝa Pǝrisǝla andǝ Akila. Lang à yì bingŋǝna Sǝnkǝriya, la a kun nggeamur ka, Bulǝs mwa muri ace mǝnana ɓǝ̀ lǝmndǝ ama yì ka, lumsǝna nzongcau mala amǝ Yahudi mǝnana twalo a ɓadǝm Ɓakuli nǝ̀ pe ka. Pǝlǝa à kutio a waru-mur aban ká.

Amǝ Mishan 18:27

Lang Apolo bangŋǝna ama nǝ̀ o a Akaya ka, amǝkpata Ɓakuli ɓak ɓabumi ɓǝ̀ kyane. Pǝlǝa à gilǝ cautera aban ká aban amǝkwaɗi mǝnana a Akaya ka, ace mǝnana ɓǝa ak Apolo pepe ka. Lang bwalǝna Akaya ka, kya duk nggea gbasha mǝgule abanì, mǝnana aɓwana kum ɓwamuru mala Ɓakuli, à pǝlǝ amǝkpate ka.

Amǝ Mishan 21:17

Lang sǝm yì bwalǝna Urǝshalima ka, amǝ'eamrǝarǝu ak sǝm nǝ bumpwasǝa.

Amǝ Mishan 21:20

À nǝ̀ ok mǝnia yì cau ka, à ɓwangsǝki Ɓakuli. Pǝlǝa à ne Bulǝs ama: Mǝ'eam sǝm Bulǝs, a sǝlǝna ama amǝ Yahudi mǝnana à pànà ɓamuria à angŋǝna Yesu ka, lakki malea na á-pas. Sǝ aɓa lakki malea mǝno kat ka, à ndanǝ bumpina arǝ kpata Nggurcau mala Musa.

Amǝ Mishan 21:7

Sǝm loapi Taya ka, sǝm yì came a nggeala Tolemayas. Sǝm makki amǝ'eamrǝarǝu kun, sǝ sǝm nong-mwashat abanì.

Amǝ Mishan 22:5

Nggearǝ Pǝris mǝgule andǝ aɓwana male ka à nǝ̀ earnǝ mim ama mǝ ndaban na mǝsǝcau. Acemǝnana a buia sǝ ǝn nggǝ ak acautera aban ká aban aɓwana-mǝgule amǝla-sǝm amǝ Yahudi mǝnana a Damaska ka. Tǝr wario mem ngga nda mǝnana ama, ɓǝn bwalki amǝ kpata Yesu, ɓǝn kurkia nǝ ansolo, ɓǝn yiu nǝia a Urǝshalima ace mǝnana ɓǝa yi pea wia tanni ka.

Amǝ Mishan 28:14

Akàm ngga, sǝm yì kum aɓea amǝ'eamrǝarǝu mǝnana à zǝmbǝa sǝm ama ɓǝ̀ sǝm do abania limo mwashat ka. Anggo sǝ sǝm yiu sǝm yì bwal Roma.

1 Amǝ Korinti 15:6

Anzǝm man ngga, amǝ'eamrǝarǝu mǝnana lakki malea kuti gbǝman-tongno ka, à sǝni àkǝ̀ tarǝia, banggulea ka à ndanǝ yilǝmu, kat andǝ amani ama cilia wukina ka.

Sǝna 11:13

Aɓa kǝ bu-pwari mǝno ka, nggea dǝurǝo mala nzali mǝkǝrkǝr nì kumban, mǝnana kiɗiki banì mwashat aɓa gauwe lum mala nggeala, sǝ wal ɓwapǝndǝa á-tongno-nong-ɓari ka. Cili ɓwapǝndǝa ka, ɓangciu pakkia wia kǝrkǝr sǝ à ɓwangsǝ gulo mala Ɓakuli mǝnana a kuli ka.

Sǝna 3:4

Akana a Sardis she ka aɓwana nakam bǝti mǝnana à pǝndǝki adaura malea nǝ cauɓikea raka. Mǝ nǝ ging sǝnǝia aɓalǝ adaura pwasǝa, acemǝnana yia ka à karǝna.