Amǝ Mishan 1:14 - Maləmce Məfele mala Ɓakuli: Kurcau Məbəshe

¹⁴ Yia a ɓinado malea ka, à uekiyi kpapi nǝ ɓabumia mwashat a tarǝia aban pak hiwi ɗang, andǝ amamǝna, andǝ Maryamu nggea Yesu, andǝ amǝ'eam Yesu.

Amǝ Mishan 1:14 ပူးပေါင်းရင်းမြစ်များ

Matiu 12:46

Yesu na mur banggi ɓwabunda cau sǝ ngge andǝ amǝ'eambǝi yiu à yì came a nza. À kǝ earce ama à nǝ̀ bang cau nǝi.

Matiu 21:22

Gir mǝnana kat wu zǝmbǝa aɓa hiwi nǝ paɓamuru ka, wu nǝ̀ kumi.”

Matiu 27:55

Amamǝna na abanì pas mana à pur a Galili sǝ à yiu ata Yesu ace ɗenyi nǝi ka. À cam zak à kǝ sǝn gir mǝnana kǝ pak kat ka.

Markus 15:40

Aɓea amamǝna cam abanì zak, à kǝ sǝnban. Maryamu Ɓwa Magdala, Maryamu nggea Jemis mǝkyauwe andǝ Yisǝfu, sǝ Salomi à nda aɓalǝ amamǝne.

Markus 16:1

Lang Sabbat, pwari usǝlǝo kutina ka, Maryamu Ɓwa Magdala, andǝ Maryamu nggea Jemis, andǝ Salomi, à kúr muku ɓǝlanggun mǝɓoarne ace mǝnana à nǝ̀ ká à nǝ̀ hasǝi lú Yesu ka.

Luka 11:13

Sǝ ɓǝ̀ wun, amǝ'ɓealɓikea, wu sǝlǝ pe amuna ma'wun aɓoro mǝɓoarne ka, sǝ koshi Tar wun mana a kuli ka! Yì ka, aɓa njar mǝnana wori mǝno ka nǝ̀ pea aɓwana mǝnana à zǝmbǝi wi ka, Bangŋo Mǝfele!

Luka 18:1

Yesu ne alaggana male ɓe kǝ kanicau mǝnana nǝ̀ lǝmndǝ ama yia ka ɓǝa kǝ pak hiwi cala rǝia wuki ɗang.

Luka 23:49

Sǝ aɓwana mǝnana à surǝ Yesu, andǝ amamǝna mǝnana à pur andǝi a Galili ka, à cam zak, sǝ à kǝ sǝn amǝnia yì agir ka.

Luka 23:55

Amamǝna mana à yiu andǝ Yesu nǝ Galili ka à o ata Yisǝfu, à kya sǝn ɓembe andǝ nongsǝo mǝnana à nongsǝ luí a ɓembe ka.

Luka 24:10

À Maryamu Ɓwa Magdala, andǝ Joana, andǝ Maryamu nggea Jemis, andǝ aɓea amamǝna, à nda à yì banggi amǝ'mishan male ce ka.

Luka 24:33

Pǝlǝa à lo à nyare a kusǝia aban ká Urǝshalima. À kya kum alaggana male mana lum nong-mwashat ka andǝ acilia à dapina abanɓwáná,

Luka 24:53

Ko ya pwari ka à kǝ wario aɓa Ndàmǝgule mala Ɓakuli, à kǝ mal pwari malea kam aban ɓwangsǝki Ɓakuli.

Luka 8:20

Pǝlǝa ɓeɓwa ne Yesu ama, “Nggo andǝ amǝ'eambǝo ka, à nda ban came a nza, à kǝ earce sǝno.”

Amǝ Mishan 2:1

A pwari mala Lamsan mala Pentikos ka, amǝkpata Yesu na a tarǝia aban mǝ mwashati.

Amǝ Mishan 2:42

Pǝlǝa yia ka à paɓamuria aban ak kanigir aban amǝ'mishan, andǝ do a tarǝia, andǝ ligirlina a tarǝia, andǝ pakki ahiwi.

Amǝ Mishan 2:46

Koya pwari ka, à kǝ yiu a kpapi a tarǝia, aban peri aɓa Ndàmǝgule mala Ɓakuli. À kǝ kpapiki arǝ aɓala malea aban li girlina. À kǝ li girlina a tarǝia nǝ banɓoarnado, nǝ ɓabumia mwashat.

Amǝ Mishan 6:4

Sǝ sǝm ngga, sǝm nǝ̀ pa rǝcandǝa ma'sǝm arǝ pakki Ɓakuli turo nǝ hiwi andǝ hamnǝ cau.”

Amǝ Roma 12:12

Wu dum nǝ banɓoarnado aɓa tsǝkɓalǝu ma'wun; wu dum nǝ munyi aɓa tanni; wu do aɓa pak hiwi ko ya pwari.

1 Amǝ Korinti 14:13

Ace mani ka, ɓwa mǝnana kat kǝ na cau nǝ aɓea akún-takuli ka, ɓǝ̀ pak hiwi gbal ama ɓǝ̀ kum bǝl ɓacau mǝnana ne ka.

Amǝ Afisu 6:18

Wu pak hiwi aɓa Bangŋo a koya pwari, nǝ ko ya ulang hiwi andǝ zǝmbǝa amur koya gir kat. Wu dum nǝ tsǝkiru, wu lidǝmbǝa nǝ hiwi ace amǝ kpata Ɓakuli mǝnana a koya ban ngga.

Amǝ Kolosi 4:2

Wu pa ɓamur rǝ wun arǝ pak hiwi, sǝ aɓa pe ka wu dum nǝ parkiru andǝ ɓabum mala pak yàwá aban Ɓakuli.