Amǝ Mishan 1:13 - Maləmce Məfele mala Ɓakuli: Kurcau Məbəshe

¹³ Lang à bwalǝna ɓala ka, pǝlǝa à kutio a kurǝm kuli, ban mǝnana à duki kam ngga. Aɓwana mǝnana à nda abanì ka, à nda ka Bitǝrus, andǝ Yohana, andǝ Jemis, andǝ Andǝru, andǝ Filip, andǝ Toma, andǝ Batalomi, andǝ Matiu, andǝ Jemis muna mala Alfiyus. À nda ata rǝia andǝ Shiman mǝnana earkiyi ace la male raka, andǝ Yahuda muna mala Jemis.

Amǝ Mishan 1:13 ပူးပေါင်းရင်းမြစ်များ

Matiu 9:9

Yesu puro nǝ̀ kuti ka yi sǝn ɓeɓwa mana à tunǝki ama Matiu mǝ'ak boalo-cemi, aban do aɓa tara ak boalo-cemi. Yesu ne wi ama, “Yiu a tam.” Kara lo o ata Yesu.

Markus 14:15

Nǝ̀ lǝmndǝa wun kurǝm kuli mǝgule, mana à gilǝkina ɓālǝi pepe ka. Wu kya pakka sǝm girlina kam.”

Markus 14:33

Twal Bitǝrus, andǝ Jemis, andǝ Yohana ate, sǝ tita bumkiɗikea kǝrkǝr, ban pakki wi ɓa.

Markus 2:14

Nda ban kutio ka, mǝsǝì kpa arǝ Lawi, muna mala Alfiyus, dumǝna aban ak boalo-cemi, aɓa mǝdanki cemi. Yesu ne wi ama, “Yiu atam.” Pǝlǝa Lawi lo o ate.

Markus 5:37

Pǝlǝa Yesu tamsǝ ɓwabunda. Eari kǝɓwa ɓǝ̀ kya ate ɗang, she Bitǝrus, andǝ Jemis sǝ Yohana, mǝ'eam Jemis.

Markus 9:2

Anzǝm nongŋo tongno-nong-mwashat ka, Yesu tunǝ Bitǝrus, sǝ Jemis, sǝ Yohana. Pǝlǝa um nǝia amur nkono mǝdāre, nǝmurǝia. Akano ka rǝ Yesu twalo nggaɗi àkǝ̀ ɓamǝsǝia.

Luka 22:12

Nǝ̀ lǝmndǝa wun rǝ ɓe ndakuli mǝgule, à gilǝkina ɓālǝi. A kam sǝ wu nǝ̀ pak turo girlina.”

Yohana 11:16

Toma (mǝnana à tunǝki ama Pasa ka) ne aɓi alaggana ama, “Wu longŋi kat sǝm nǝ̀ o ata Malǝm, ace mǝnana ɓǝ̀ sǝm kya wu ate!”

Yohana 14:22

Pǝlǝa Yahuda (mǝnana nda Yahuda Iskariyoti raka) banggi wi ama, “Mǝtalabangŋo, mana tsǝa sǝ a nǝ lǝmndǝ ɓamuro aban sǝm, sǝ a pà nǝ lǝmndǝì ɓanza kat ɓamuro ɗang?”

Yohana 18:17

Muna mɓwame ɗi Bitǝrus ama, “A nda gbal aɓalǝ amǝkpata ɓwa mǝno à bwali ka le?” Bitǝrus eari wi ama, “Awo, ǝn pa aɓalǝia ɗang.”

Yohana 21:2

Shiman Bitǝrus, sǝ Toma mǝnana à tunǝki ama Pasa ka, andǝ Nataniyel ɓwa Kana mala Galili, andǝ amuna-burana mala Zabadi, andǝ aɓea alaggana mala Yesu ɓari, à nda a tarǝia kat.

Amǝ Mishan 12:17

Bitǝrus pǝlǝa nea wia nǝ bui ama ɓǝa duk kunia piu, pǝlǝa bǝlia wia ɓālǝi lang sǝ Mǝtalabangŋo pusǝì, pur nǝi a ndàkurban ngga. Nea wia ama, ɓǝa banggi Jemis andǝ amǝ'eamrǝarǝu amǝnia yì agir ka, pǝlǝa nyia kutio o a ɓe ban.

Amǝ Mishan 15:13

Lang à malǝna na cau ka, Jemis pǝlǝ cau ama: Wu kwaki kir wun abanam, wun amǝ'eamrǝarǝu!

Amǝ Mishan 2:14

Pǝlǝa Bitǝrus lo cam nǝ came andǝ acilia amǝ'mishan mala Yesu lum-nong-mwashat gbal ate, loasǝ gi a kuli bangcau nǝ ɓwabunda ama: Wun aɓwana ma'sǝm, amǝ Yahudi andǝ aɓwana mǝnana kat à ndanǝ do kani aɓa Urǝshalima ka! Wu kwaki kir wun pale wu o, wun kat, ɓǝ̀ ǝn bǝla wun ɓa mǝnia yì gir ka.

Amǝ Mishan 2:38

Pǝlǝa Bitǝrus earia wia ama, “Koyan aɓalǝ wun ngga, ɓǝ̀ pwanzali ɓǝ̀ vwaki bui arǝ cauɓikea. Ɓǝa pakki wi batisǝma aɓa lullǝ Yesu Kǝrǝsti, ace mǝnana ɓǝ̀ Ɓakuli twala wun ban acauɓikea ma'wun, sǝ wu nǝ̀ kum ɓoro mala Bangŋo Mǝfele.

Amǝ Mishan 20:8

Apitǝla nakam pas à kǝ pa tǎlaban aban mǝnana sǝm kpapiyi kam a ndakuli ka.

Amǝ Mishan 4:13

Sǝ aɓwana-mǝgule man kat ka, à pak ndalǝki nǝ mǝsǝkang-kangŋa mala Bitǝrus andǝ Yohana, acemǝnana à sǝnia ka aɓwana na anggo, à kum ɓe kǝ kanigir aɓa Malǝmce ɗang. Pǝlǝa gir nî yi kpakia wia ama Bitǝrus andǝ Yohana ka ado a tarǝia andǝ Yesu.

Amǝ Mishan 4:19

Sǝ Bitǝrus andǝ Yohana nea wia ama, “Nggearǝ wun nǝ ɓamur rǝ wun ngga, wu gau mǝnia yì ɓashi ka a ɓadǝm Ɓakuli, amur mana ɓoaro ɓǝa pa; ɓǝa oka wun le, ko ɓǝa oki Ɓakuli?

1 Amǝ Korinti 15:7

Nyare pusǝrǝi aban Jemis, nǝ nzǝmo ka, yi pusǝrǝi aban amǝ'mishan yia kat.

Amǝ Galati 1:19

Kǝ ɓe mǝ'mishan mǝnana ǝn sǝn ɗǝm amǝno yì apwari ka, nda Jemis mǝ'eam Mǝtalabangŋo.

Amǝ Galati 2:9

Ɓafo, nggearǝ Jemis, sǝ Bitǝrus, sǝ Yohana, mǝnana à twalia ama à ndaka atanggea-nggun mala Ikǝlisiya ka, à sǝnǝna ɓwamuru mǝnana Ɓakuli pam mala turo mǝnia ka; pǝlǝa à ak sǝm sǝnǝ Barnabas, sǝm duk aɓia amǝturo. À pu nzǝm sǝm aban hamnǝ cau aban aɓwana mala aɓea anzali, sǝ yia ka à kutio ata turo aban amǝ Isǝrayila.

Jemis 1:1

Mim Jemis, guro mala Ɓakuli andǝ mala Mǝtalabangŋo Yesu Kǝrǝsti, mǝ nda ban terǝ cau aban ká aban amǝkpata Kǝrǝsti mǝnana aɓalǝ atau lum-nong-ɓari mala amǝ Isǝrayila, mǝnana à mesǝkea arǝ anzali aɓa ɓanza ka. Ən nggǝ makka wun kun!

2 Yohana 1:1

Mǝnia yì cautera ka, pur nǝ banam, mim jamgula Yohana aban ká aban Nggeaka amuna mǝnana Ɓakuli tárì, andǝ amuni, mǝnana ǝn earcea nǝ mǝsǝcau ka. Mǝ nda nǝmurǝam ǝn earkiyi ace wun ngga ɗang, sǝm nda kat sǝnǝ aɓwana mǝnana à surǝna rǝ mǝsǝcau ka.

Yahuda 1:1

Mǝnia yì cautera ka pur nǝ bu Yahuda, guro mala Yesu Kǝrǝsti, andǝ mǝ'eam Jemis, aban ká aban aɓwana kat mǝnana Ɓakuli Tarrû tunǝia, sǝ earcea, sǝ dumsǝia aɓa yálban mala Yesu Kǝrǝsti ka.