Amǝ Mishan 1:10 - Maləmce Məfele mala Ɓakuli: Kurcau Məbəshe

¹⁰ Lang à nda rǝ tsǝk mǝsǝia piu a kuli aban sǝn o male ka, kara aɓwana ɓari nǝ agirkuro mǝpwasǝe, à pusǝ rǝia aban came abania.

Amǝ Mishan 1:10 ပူးပေါင်းရင်းမြစ်များ

Matiu 17:2

kara rǝ Yesu twalo nggaɗi a ɓamǝsǝia. Ɓamǝsǝi ta kǝla pwari, agir-nggurǝi pǝlǝ amǝpwasǝe pwapwat.

Matiu 28:3

Rǝi kǝ ta gbǝang kǝla linzama mala mbulo; anggurbyau male pwasǝ pwapwat kǝla buke.

Markus 16:5

À nǝ̀ kutio a ɓembe ka, à sǝn ɓe lagga nǝ daura mǝpwasǝe dumǝna ata bu-mǝli. Ɓangciu pakkia wia.

Luka 24:4

À ndaban ndali nǝ mǝnia yì gir ka, kara aɓwana ɓari nǝ agir-nggurǝu mǝnana à kǝ tànzama pǝlilip ka, à came abania.

Yohana 20:12

Kara sǝn amǝturonjar mala Ɓakuli ɓari nǝ agir pwasǝa a rǝia, aban do, aban mana à nongsǝ lú Yesu kam ɗiɗyal ka. Mwashat ka do nǝ ban ɓamuri, sǝ ɓe mǝnia mwashat ka nda a bu ban akusǝi.

Amǝ Mishan 10:3

Ɓe kǝ pwari nakam, a bu-pwari tārú mana pwari pǝlǝna ka, sǝni kǝla lorǝo, sǝ lorǝo na ɗang. Sǝn mǝturonjar mala Ɓakuli aban yiu abani, yi ne wi ama, “Karnilus!”

Amǝ Mishan 10:30

Karnilus eare ama: Nongŋo tārú mǝno kuti ka, pwari na anggo kǝla mǝnia ka, a bu-pwari tārú mala pwarikpǝra, mǝ nda ban pak hiwi a ɓala mem, kara ɓeɓwa mana oasǝ agir-nggurǝu mǝlinzame ka, puro yi came a ɓadǝmbǝam.

Sǝna 3:4

Akana a Sardis she ka aɓwana nakam bǝti mǝnana à pǝndǝki adaura malea nǝ cauɓikea raka. Mǝ nǝ ging sǝnǝia aɓalǝ adaura pwasǝa, acemǝnana yia ka à karǝna.

Sǝna 7:14

Sǝ ǝn eari wi nǝma, “Ɓwamǝgule, ǝn sǝlǝ ɗang. A nda a sǝlǝ ka.” Pǝlǝa nam ama, “Amǝnia ka, à ndaka ɓwana mǝnana à purî ɓa nggea tanni mǝgule ka. À lakína adaura malea sǝ à tsǝngŋǝnia à pǝlǝna amǝpwasǝe aɓa nkila mala Mǝgam.