Amǝ Kolosi 2:4 - Maləmce Məfele mala Ɓakuli: Kurcau Məbəshe

⁴ Ən nggǝ na wun mǝnia yì cau ka ace mǝnana ɓǝ̀ kǝɓwa ɓǝ̀ kǝa swarki wun nǝ kunɓoarna ɗang.

Amǝ Kolosi 2:4 ပူးပေါင်းရင်းမြစ်များ

Matiu 24:24

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ puro sǝ à nǝ̀ pakki agir-lǝmndǝa mǝgulke andǝ agir-ndali ace swarki aɓwana, yale ɓǝa nǝ̀ gandǝi ka, nggearǝ aɓwana mǝnana Ɓakuli tarkia ka, à nǝ̀ ɓosǝkia.

Matiu 24:4

Yesu pǝlǝia wia ama: Wu tsǝk kir wun, wu kǝa eare ɓǝ̀ ɓwa ɓosǝki wun ɗang.

Markus 13:22

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ purkio, à nǝ̀ pakki agir-lǝmndǝa andǝ agir-ndǝlǝki ɗàngɗáng, ace ɓosǝki aɓwana mǝnana Ɓakuli tarkia ka, ɓǝa à nǝ̀ gandǝi ka.

Amǝ Mishan 20:30

Sǝ a nggearǝ ɓalǝ wun ngga, aɓea aɓwana nǝ̀ lo à nǝ̀ ɓosǝki kusǝ mǝsǝcau. À nǝ̀ kutia kanigir-nyir ace mǝnana à nǝ̀ kum aɓea aɓwana mǝnana à nǝ̀ swarkia ɓǝa pǝlǝ amǝkpata tea ka.

1 Amǝ Korinti 2:4

Sǝ kanigir mem andǝ nacau mala Ɓakuli mem ngga, pà aɓa kunɓoarna andǝ nacau sǝlǝe mala ɓwapǝndǝa ɗang. Nda aɓa lǝmndǝ rǝcandǝa andǝ Bangŋo mala Ɓakuli,

2 Amǝ Korinti 11:3

Sǝa ma, ɓangciu kǝ pakkam, ɓǝ̀ kǝa do ama, kǝla mǝnana n'yau ɓosǝki Hawawu nǝ swarkiban male ka, ɓǝ̀ ɓosǝki ɗenyicau ma'wun, gandǝa wu nǝ̀ nying paɓamuru ma'wun mǝ'mǝsǝcau nì andǝ mǝɓoarnsari arǝ Kǝrǝsti ɗang.

Amǝ Galati 2:4

Mǝno yì cau ka lo, ace aɓea ɓwana mǝnana à na ama à nda ka amǝ kpata Yesu, sǝ ɓafo à nda raka. Yia ka, à kutio aɓalǝ sǝm zàng, à kǝ shenzǝki sǝm, à kǝ earce iu panzǝban mǝnana sǝm ndanǝi aɓa Kǝrǝsti Yesu ka. À kǝ ear ama à nǝ̀ nyesǝ sǝm ɓǝ̀ sǝm duk guro mala anggurcau mala amǝ Yahudi.

Amǝ Afisu 4:14

Anggo ka, pa sǝm nǝ̀ duk amuna ɗǝm ɗang. Pa sǝm nǝ̀ eare ɓǝ̀ sǝm nggǝ nggaɗiki ɗenyicau ma'sǝm arǝ gir mǝnana sǝm earǝna nǝi ka, nǝ koya bǝsa kanigir mala aɓwana amǝ ɓosǝkiban nǝ anyir aɓa kutan, mǝnana à kùrrì aɓa sǝmbǝrǝa ace swarkiban ngga ɗang.

Amǝ Afisu 4:17

Aɓa rǝcandǝa mala Mǝtalabangŋo sǝ ǝn nggǝ na mǝnia yì cau ka: Wu kǝa nyare wu duk ulang do mala amǝ ɗwanyi surǝ Ɓakuli, mǝnana aɗenyicau malea ka, kǝgir mǝɓoarne pa a ɓalǝi raka ɗang.

Amǝ Afisu 5:6

Wu kǝa eare aɓwana mǝnana à kǝ ne ɓamuria ama amǝnia yì acauɓikea ka, à kǝgir na raka, ɓǝa swarki wun ɗang. Acemǝnana bumlulla mala Ɓakuli nǝ̀ sulǝ amur aɓwana mana kat à kǝ kwaɗi cau male raka.

Amǝ Kolosi 2:18

Wu kǝa eare ɓǝ̀ kǝ ɓwa mǝ'earce pakkiagir nyesǝmuru mǝ'nyirì andǝ mǝperi aban amǝturonjar nyesǝ ce wun ɓà nǝ na cau gula ama sǝna na sǝn amur amǝnia yì agir ka ɗang. Acau mala ɓwa kǝla mǝno ka amǝɓane na, acemǝnana yì ka, lumsǝ nǝ twalɓamuru, sǝ ɗenyicau male ka, mala earce gir mala ɓamuri na.

Amǝ Kolosi 2:8

Wu kǝa eari kǝɓwa ɓǝ̀ swarki wun nǝ makgir amur surǝe male mǝlime mana ɓe kǝ mǝɓoarne pà kàm a ɓalǝi raka. Ulang mǝno yì amakgir ka à kǝ pur aɓa kanigir mana à kumi a bu ɓwapǝndǝa, andǝ abangŋo mala ɓanza man, mǝnana mala Kǝrǝsti na raka.

2 Timoti 2:16

Tārǝto arǝ naki acauɓana andǝ amǝnana à pà nǝ̀ yinǝi Ɓakuli gulo raka, acau ɓanggea mǝnana à kǝ tasǝta aɓwana nǝ tasǝa aɓa ɗwanyi surǝ Ɓakuli ka.

2 Timoti 3:13

Sǝ amǝ'ɓealɓikea andǝ amǝ'swarkiban ngga, à nǝ̀ lidǝmbǝa nǝ ɓealɓikea aban ká kìɗìkì, à nǝ̀ nggǝ swarki aɓwana sǝ yia gbal ka à nǝ̀ nggǝ swarkia.

1 Yohana 2:18

Wun amunem, sǝm nda a masǝlǝata apwari ado; sǝ kǝla mǝnana wu ok ama ɓimǝbura mala Kǝrǝsti na aban yiu ka, nda ado ka, aɓiamǝbura mala Kǝrǝsti pas yina. Anggo sǝ sǝm sǝlǝ ama sǝm yina a masǝlǝata apwari.

1 Yohana 2:26

Mǝ nda ban gilǝa wun amǝnia yì agir ka, ace nunkir wun arǝ aɓwana mǝnana à kǝ earce à nǝ̀ tsǝk wun, ɓǝ̀ wu ɓwarki ka.

1 Yohana 4:1

Wun agyajam mem, wu kǝa earnǝ koya ɓwa mǝnana kat twali ɓamuri ama ndanǝ Bangŋo mala Ɓakuli ka ɗang. Wu karǝkia, wu sǝni ko à pur nǝban Ɓakuli. Acemǝnana amǝ'ɓangna mǝ'nyirì pas kutina a ɓanza.

2 Yohana 1:7

Ən bang mǝnia ka acemǝnana amǝ swarkiban pas mana à ear ama Yesu Kǝrǝsti yiu aɓa nggūrǝu raka, à kutina a ɓanza. Ɓwa kǝla ulang amǝno ka, mǝswarkiban na sǝ ɓimǝbura mala Kǝrǝsti na.

Sǝna 12:9

Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!

Sǝna 13:8

Aɓwana kat mǝnana à ndanǝ do a ɓanza ka, à nǝ̀ peri aban nyamɓikea, yì aɓwana mǝnana tite a share ɓanza ka, lullǝia pà kàm a gilǝe aɓa Malǝmce raka, yì Malǝmce Yilǝmu mala Mǝgam mǝnana à pwan meali ka.

Sǝna 20:3

Mǝturonjar pǝlǝa ramte aɓa tuli-tàtǝkǝtè, gir kuni sǝ kumlǝi, ace mǝnana ɓǝ̀ kǝa swarki aɓwana arǝ anzali ɗǝm ɗang, she ɓǝ̀ amǝno yì apǝlǝa á-mwashat malǝna ka. Anzǝm mǝno ka, dumǝna pup à nǝ̀ yia panzǝi arǝ apwari bǝti.

Sǝna 20:8

Nǝ̀ o nǝ̀ ngga swarki aɓwana mala anzali, à nǝ̀ purkio arǝ abuban aɓa ɓanza kat, mǝnana à dapi kat ka, à tunǝia ama Gog andǝ Magog. Shetan nǝ̀ ngga rambǝia abanɓwáná ace ká lwa; lakki malea ka ɓallè pà kàm ɗang, kǝla lakki mala amǝsǝsala a kun nggeamur.