Amǝ Kolosi 1:4 - Maləmce Məfele mala Ɓakuli: Kurcau Məbəshe

⁴ acemǝnana sǝm ongŋǝna ce paɓamuru ma'wun aɓa Kǝrǝsti Yesu andǝ earcearǝu ma'wun aban aɓwana mala Ɓakuli kat.

Amǝ Kolosi 1:4 ပူးပေါင်းရင်းမြစ်များ

2 Amǝ Korinti 7:7

Sǝn ɓamǝsǝi na pa sǝm bumpwasǝa nǝmurǝì ka ɗang, nda andǝ cau mǝnana yi na ama, wu ɓak ɓabumi ka. Yi bangga sǝm ce rǝɓǝla ma'wun acem, andǝ bumkiɗikea ma'wun arǝ gir mǝnana kumban ngga, andǝ pu anzǝm ma'wun acem; sǝ mǝno ka ciem banɓoaram kǝrkǝr.

Amǝ Galati 3:26

Ace mani ka, wun kat ka, wu ndaka muna mala Ɓakuli ace guli ma'wun arǝ Kǝrǝsti Yesu.

Amǝ Galati 3:28

Kǝ cau pà kàm ɗǝm ama ɓwa man ngga ɓwa Isǝrayila na ko ɓwa Isǝrayila na raka ɗang, ɓwa man ngga guro na ko guro na raka ɗang, ɓwa man ngga ɓwabura na ko mɓwama na ka ɗang. Wun ado ka, wu dumǝna mwashat aɓa Kǝrǝsti Yesu.

Amǝ Galati 5:6

Ɓǝ̀ ɓwa tsǝngŋǝna paɓamuru male aban Kǝrǝsti Yesu ka, ɓe kǝ girkuma pà kàm aɓa kasǝ-ɓatau, ko ɗwanyi kasǝ-ɓatau ɗang. Gir mǝnana ɓoaro à nǝ̀ na ce ka nda kǝ paɓamuru mǝnana kǝ lǝmndǝrǝi aɓa earcearǝu ka.

Amǝ Afisu 1:15

Ace mǝnia ka, lang ǝn ongŋǝna ce paɓamuru ma'wun aban Mǝtalabangŋo Yesu andǝ earcearǝu mana wu ndanǝi aban aɓwana mala Ɓakuli a koya ban ngga,

Amǝ Afisu 6:18

Wu pak hiwi aɓa Bangŋo a koya pwari, nǝ ko ya ulang hiwi andǝ zǝmbǝa amur koya gir kat. Wu dum nǝ tsǝkiru, wu lidǝmbǝa nǝ hiwi ace amǝ kpata Ɓakuli mǝnana a koya ban ngga.

Amǝ Kolosi 1:9

Ace mani ka, twal a pwari mǝnana sǝm tita okce wun ngga, sǝm usǝlǝkiyi pak hiwi ace wun ɗang. Sǝm nggǝ zǝmbǝi Ɓakuli ɓǝ̀ pa wun sǝlǝe mala surǝ gir mǝnana earkiyi ce kat ka, sǝ ɓǝ̀ pa wun sǝlǝe mala Bangŋo andǝ bwalta kusǝ agir male kat.

1 Amǝ Tasalonika 1:3

Aɓa hiwi ma'sǝm amur wun aban Ɓakuli ma'sǝm yì Tarrú ka, sǝm nggǝ ɗenyi nǝ pé ma'wun aɓa paɓamuru, andǝ earcearǝu ma'wun mǝnana tsǝa wu pakturo kǝrkǝr, andǝ came mala tsǝkɓalǝu ma'wun arǝ Mǝtala sǝm Yesu Kǝrǝsti.

1 Amǝ Tasalonika 3:6

Sǝ a dyan ngga, Timoti nyarǝna yina aban sǝm. Yi bangŋǝna sǝm cau mǝɓoarne mala paɓamuru ma'wun aban Ɓakuli andǝ earcearǝu ma'wun. Ɗǝm ngga, bangga sǝm ama wu kǝ ɗenyi nǝ do mǝɓoarne ma'sǝm sǝnǝa wun, wu kǝ pak nzal sǝn sǝm, kǝla mǝnana ado, sǝm nggǝ pak nzal sǝn wun ngga.

2 Amǝ Tasalonika 1:3

Wun amǝ'eam sǝm, dumǝna sǝm púp ɓǝ̀ sǝm nggǝ ɓwangsǝ Ɓakuli a koya pwari, ace wun, sǝ anggo ka ndanǝ ɓoaro acemǝnana paɓamuru ma'wun ngga, nda rǝ lidǝmbǝa kǝrkǝr, sǝ earcearǝu mǝnana wu ndanǝi arǝarǝ wun ngga ndarǝ gulo.

Filimon 1:5

Acemǝnana ǝn nggǝ ok ce paɓamuru mo arǝ Mǝtalabangŋo Yesu andǝ earcearǝu mo arǝ aɓwana mala Ɓakuli kat.

Amǝ Ibǝru 6:10

Ɓakuli ka mǝ'ɗwanyi mǝsǝcau na ɗang; ɓālǝi pà nǝ̀ lorǝ aturo ma'wun andǝ earcearǝu mǝnana wu lǝmndǝi ace, nǝ ɗenyi mǝnana wu ɗenyi nǝ aɓwana male, sǝ wu ndarǝ lidǝmbǝa nǝi ka ɗang.

1 Yohana 3:14

Sǝm sǝlǝna ama sǝm auwuni lú, sǝm kutina aɓa yilǝmu, acemǝnana sǝm nggǝ lǝmndǝì amǝ'eamrǝarǝu earcearǝu. Sǝ ɓwa mǝnana pànǝ earceban raka, ɓwe ka, lú-ɓwa na.

1 Yohana 3:23

Mǝnia ka nda nzongcau male: Ɓǝ̀ sǝm pa ɓamur sǝm aban Muni Yesu Kǝrǝsti, sǝ ɓǝ̀ sǝm earce rǝarǝ sǝm kǝla mǝnana bangga sǝm ngga.

1 Yohana 4:16

Sǝ sǝm nǝ́ ɓamur rǝ sǝm ngga, sǝm surǝna rǝ ulang earcearǝu mǝnana Ɓakuli ndanǝi arǝ sǝm ngga, sǝ sǝm earǝna nǝi. Ɓakuli ka earcearǝu na, sǝ ɓwa mǝnana kat do aɓa earcearǝu ka, nda aɓa dotarǝu andǝa Ɓakuli, sǝ Ɓakuli ka nda aɓa dotarǝu andǝi.