Amǝ Ibǝru 9:12 - Maləmce Məfele mala Ɓakuli: Kurcau Məbəshe

¹² Kǝrǝsti kutio aɓa Ban Nggea Mǝfele kat kusǝ mwashat ɓǝrɓǝr. Pà nǝ́ nkila mala ambulpǝndǝa andǝ alo-nda ace pà gir-ɗarǝa sǝ kuti ɗang. Nda nǝ́ nggearǝ nkila male sǝ kutio. Sǝ anggo sǝ yì nǝ́ ɓamuri ka, kumba sǝm panzǝban aɓa cauɓikea andǝ tangnakusǝu male. Panzǝ sǝm nǝ panzǝban mǝnana pà nǝ̀ mal raka.

Amǝ Ibǝru 9:12 ပူးပေါင်းရင်းမြစ်များ

Markus 3:29

Sǝa ma cauɓikea nacau kyauwikiban arǝ Bangŋo Mǝfele ka, à pà nǝ̀ twalbani ɗang, cauɓikea na mǝnana nǝ̀ um nǝ ɓwa a lú mǝnana málá male pà kàm raka.”

Luka 1:68

Nokiban ngga dumǝna mala Mǝtalabangŋo Ɓakuli mala amǝ Isǝrayila. Acemǝnana yina ace bwali aɓwana male kam, sǝ angŋǝna muria, pusǝnia a gung.

Amǝ Mishan 20:28

Wu yal ɓamur rǝ wun andǝ aɓwana mala Ɓakuli mǝnana Bangŋo Mǝfele pa wun a bu wun ɓǝ̀ wu ɗenyi nǝia ka. Wu do kǝla ayalgir amur domwan mala Ɓakuli, yì ikǝlisiya male, amǝkpate mǝnana kúria nǝ nkila mala Muni, mǝnana sukki amur nggun-gangndi ace amsǝia ka.

Amǝ Afisu 1:7

Yì ka, mǝsǝswatǝr andǝ ɓwamuru male ka à gul kǝrkǝr, nda sǝ yi kúr panzǝban ma'sǝm nǝ nkila mala Muni, pǝlǝa twala sǝm ban acauɓikea ma'sǝm ngga.

Amǝ Kolosi 1:14

mǝnana akmúr sǝm sǝ twalban acauɓikea ma'sǝm ngga.

1 Amǝ Tasalonika 1:10

Ɗǝm ngga à bang cau mala do kundǝmuru ma'wun arǝ yiu mala Muna mala Ɓakuli nǝ kuli, yì muna male mana loasǝi a ɓembe ka. Nda Yesu mana nda mǝ'amsǝ sǝm a bu tanni mala bumlulla mǝɓike mala Ɓakuli mǝnana kǝ yiu ka.

Titus 2:14

Yì nda ɓwa mǝnana yi pa yilǝmi ace amsǝ sǝm aɓa ko ya ulang cauɓikea le ka, sǝ ɓǝ̀ lak sǝm, ace mǝnana ɓǝ̀ tsǝk sǝm ɓǝ̀ sǝm pǝlǝa àkǝ̀ male, aɓwana mǝnana à ndanǝ rǝɓǝla ace pakki aturo mǝɓoarne ka.

Amǝ Ibǝru 1:3

Yì Muna mala Ɓakuli ka, nda tǎlaban mala ɓoarɓwa mala Ɓakuli, andǝ purban male yì Ɓakuli. Nǝ́ cau male mǝ'rǝcande sǝ bwal agirbunda kat abanɓwáná. Anzǝm mana yi langŋǝna acauɓikea ma'sǝm ngga, pǝlǝa do a kuli a bu-mǝli mala Ɓakuli mǝnana Karban kat ka.

Amǝ Ibǝru 10:19

Ace mani ka, wun amǝ'eamrǝarǝu, sǝm nǝ̀ gandǝ kutio nǝ mǝsǝ kangkangŋa aɓa Ban Nggea Mǝfele kat, nǝ nkila mala Yesu.

Amǝ Ibǝru 10:4

Acemǝnana nkila mala ajamnda andǝ ambulpǝndǝa ka, à pà nǝ̀ gandǝ twalban cauɓikea ɗang.

Amǝ Ibǝru 13:12

Kǝla mǝno gbal ka Yesu tanni anzǝm nggeala, ace mǝnana ɓǝ̀ tàr aɓwana male ace Ɓakuli nǝ nkile.

Amǝ Ibǝru 5:9

Lang yi kum lumsǝo nǝ bu mǝno yì njar mala tanni ka, yi duk tǝr amsǝban mǝnana málá male pà kàm raka, ace aɓwana mǝnana à kǝ kwaɗi cau male ka.

Amǝ Ibǝru 7:27

Yì ka, pà kǝla acili apǝris mǝgule mǝnana à camarǝ paki agir-nkila pwari-pwari ace acauɓikea malea ata dǝmbǝa, sǝ mala acili aɓwana ka ɗang. Yì ka, pà gir'nkila kusǝ mwashat ɓǝrɓǝr ace acauɓikea malea, yì mǝnana yi pa ɓamuri ka.

Amǝ Ibǝru 9:13

Aɓata njar mǝ'e ka, aɓwana mana à pǝndǝkina a nê mala Nggurcau mala Musa ka, à karǝa à nǝ̀ peri aban Ɓakuli ɗang. Kat andǝ amani ka ɓǝa watsǝkia nǝ nkila mala ambulpǝndǝa andǝ mala ajamnda, andǝ tú mala lo-nda mǝnana à pisǝì kǝring ngga, mǝno ka nǝ̀ lea à nǝ̀ kum ɓoarnsari a nggūrǝu.

Amǝ Ibǝru 9:14

Sǝ gir mǝnana kuti mǝno kuko ka, nkila mala Kǝrǝsti nǝ̀ pè. Kǝrǝsti mǝnana cauɓikea pa a rǝì raka, pa ɓamuri kǝla gir'nkila aban Ɓakuli, aɓa rǝcandǝa mala Bangŋo mǝnana tè malkiyi raka. Nkila male nǝ̀ lak ɓabum sǝm aɓalǝ aturo mǝpǝndǝke mǝnana à nǝ̀ ká nǝ sǝm a lú ka. Sǝ anggo ka, sǝm nǝ̀ peri aban Ɓakuli mǝyilǝmuì.

Amǝ Ibǝru 9:15

Nda gir mǝnana tsǝa sǝ Kǝrǝsti duk mǝkutio a nre-rǝarǝu mala bǝsa kurcau a nre Ɓakuli andǝ aɓwapǝndǝa ka. Ado ka kǝ yinǝ aɓwana mana kat à tunǝia ka, ɓǝa ak liɓala mǝnana tè pà nǝ̀ mal raka, a bu Ɓakuli mǝnana angŋa dǝmbǝa náná ama nǝ̀ pea wia ka. Mǝnia ka nǝ̀ gandǝ pa acemǝnana Kǝrǝsti wú ace panzǝia aɓata ɓashi mala acauɓikea mǝnana à pea aɓata kurcau mǝ'e ka.

Amǝ Ibǝru 9:19

Anzǝm mǝnana Musa malǝna banggi aɓwana kat koya nzongcau mala nggurcau ka, pǝlǝa twal nkila mala alo-nda andǝ mala ambulpǝndǝa, andǝ múr, sǝ watsǝkia amur malǝmce mala nggurcau. Watsǝkia gbal amur aɓwana kat, nǝ́ ɗàndíng mǝbangŋe andǝ mbú bondo-hisop.

Amǝ Ibǝru 9:28

anggo gbal, Kǝrǝsti wu kusǝ mwashat ɓǝrɓǝr ace mǝnana ɓǝ̀ twalban cauɓikea mala ɓwapǝndǝa pas ka. Nǝ̀ ngga yiu ɗǝm, sǝ pà ace twalban cauɓikea ɗang, nda ace mǝnana nǝ̀ yia amsǝ aɓwana mǝnana à kǝ kundǝi nǝ rǝɓǝla ka.

Amǝ Ibǝru 9:7

Sǝ ɓaria ɓālǝi, yì Ban Nggea Mǝfele kat ka, kǝ Pǝris Mǝgule na nǝmurǝì kutikiyi kam ngga. Sǝ mǝno yì kutio mala Pǝris Mǝgule ka, nda kusǝ mwashat ɓǝrɓǝr aɓa pǝlǝa mwashat. Ɗǝm ngga, she nǝ̀ ká nǝ nkila a bui nǝ̀ ngga pā aban Ɓakuli ace acauɓikea male sǝ ace acauɓikea mala acili aɓwana, mǝnana à pak aɓa ɗwanyi sǝlǝe ka.

Sǝna 1:5

Sǝ ǝn nggǝ shamba wun ɓwamuru andǝ do rǝpwala mǝnana à kǝ pur nǝban Yesu Kǝrǝsti ka. Yì Yesu Kǝrǝsti ka nda mǝ'nakún mala Ɓakuli aɓa mǝsǝcau, mǝdǝmbǝa mala aɓwana mǝnana à kǝ loapi ɓembe anzǝm lú ka. Sǝ yì nda mǝyalban amur amurǝma mala ɓanza. Yì nda mǝnana earmǝsǝ sǝm, sǝ panzǝna sǝm aɓalǝ acauɓikea ma'sǝm nǝ nkila male,

Sǝna 5:9

Pǝlǝa agiryilǝmu andǝ aɓwana-mǝgule mǝno tu bǝsa nggyal ama: “A karǝna wu ak malǝmce nî, sǝ wu fasǝki amyang-kuni. Acemǝnana we ka à pwanmealo, sǝ nǝ nkilio sǝ a akmúr aɓwapǝndǝa ace Ɓakuli, aɓa koya kun, andǝ koya lasǝu, andǝ aɓwana arǝ anzali ɗàngɗáng.