Amǝ Ibǝru 9:11 - Maləmce Məfele mala Ɓakuli: Kurcau Məbəshe

¹¹ Mǝnia ka lǝmndǝ ama, Kǝrǝsti yina kǝla Pǝris Mǝgule mala agir mǝɓoarne mǝnana à nda kani ado ka. Yì ka, kutina aɓa Taragula mǝno mǝnana kuti mǝdǝmbe nǝ gulo andǝ lumsǝo ka; Taragula mǝnana bu ɓwapǝndǝa nǝ pe raka, sǝ pà gbal aɓa ɓanza mǝnia Ɓakuli pusǝì ka ɗang.

Amǝ Ibǝru 9:11 ပူးပေါင်းရင်းမြစ်များ

Matiu 11:3

ɓǝa kya ɗi ama, “A nda Mǝ'amsǝban mǝnana sǝm kundǝkiyi muri ka le, ko ɓǝ̀ sǝm tsǝk mǝsǝ sǝm arǝ ɓeɓwa ɗang?”

Matiu 2:6

“ ‘We Betalami, a nzali Yahudi, a gatti pale ɗang a ta amurǝma mala nzali Yahudi. Acemǝnana a ɓalǝo sǝ murǝm nǝ̀ puro, mǝnana nǝ̀ yal aɓwana mem amǝ Isǝrayila ka.’”

Markus 14:58

“Sǝm oe bangŋa ama, ‘Mǝ nǝ arki Ndàmǝgule mala Ɓakuli mǝnana a ɓe nǝ bu ka, sǝ anzǝm nongŋo tārú ka, mǝ nǝ ɓak ɓe mǝnana à ɓe nǝ bu raka.’ ”

Yohana 1:14

Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

Yohana 4:25

Pǝlǝa mɓwame ne Yesu ama, “Ən sǝlǝna ama, Mǝ'amsǝban mǝnana à kǝ tunǝi ama Kǝrǝsti ka nǝ̀ yiu. Ɓǝ̀ yina ka, nǝ̀ yia mǝnggia sǝm ɓalǝ agir kat.”

Amǝ Mishan 7:48

Kat andǝ amani ka, Ɓakuli mana Gulo Karban kat ka, kǝ do a ɓala mǝnana ɓwapǝndǝa nǝ̀ ɓak ka ɗang. Kǝla mǝnana mǝ ɓangna mala Ɓakuli bangŋa ama,

2 Amǝ Korinti 4:18

Agir mǝnana à kǝ sǝnia nǝ mǝsǝu ka, à kǝ sau ɗang, sǝ agir mǝnana à kǝ sǝnia nǝ mǝsǝu raka, málá malea pà kàm ɗang. Nda gir mǝnana tsǝa sǝ sǝm nggǝ soa mǝsǝ sǝm arǝ agir mǝnana à kǝ gandǝ sǝnia raka.

2 Amǝ Korinti 5:1

Anggurǝ sǝm ngga à nda kǝla agumli mǝnana sǝm dukiyi aɓalǝia akani a ɓanza. Sǝa ma ɓǝ amǝnia yì agumli sanggina ka, sǝm sǝlǝna ama Ɓakuli nǝ̀ pe ko yan ata sǝm ngga ɓala a kuli, nggūrǝu mǝnana malkiyi raka, mǝnana Ɓakuli nǝ nggearǝì gilǝki ace sǝm, bu ɓwapǝndǝa nǝ̀ pè raka.

Amǝ Kolosi 2:11

Kǝrǝsti gbal ka twalǝna wun ɓealǝu mala cauɓikea, kǝla mǝnana kasǝ-ɓatau pusǝ nggū arǝ nggūrǝu ka.

Amǝ Ibǝru 10:1

Nggurcau ka, nda yilǝmi agir mǝɓoarne mǝnana à nǝ̀ yiu ka; nda mǝsǝrǝ gir mǝɓafoe nǝ nggearǝì ɗang. Ace mani ka, nǝ agir-nkila mǝnana à kǝ ɓǝsǝlǝki pākia koya pǝlǝa ka, Nggurcau pà nǝ̀ gandǝ tsǝk aɓwana mǝnana à kǝ yiu a peri ka, ɓǝa kum lumsǝo kǝla mǝnana Ɓakuli nǝ̀ earcea ɓǝa lumsǝ ka ɗang.

Amǝ Ibǝru 12:27

Mǝnia yì cau ama “Ado ɗǝm ngga” lǝmndǝ ama gir mǝnana kat Ɓakuli nǝ pusǝì ka, à nǝ̀ dǝurǝki, sǝ à nǝ̀ gǝshi, ace mǝnana agir mana à pà nǝ̀ dǝurǝ raka, à nda à nǝ̀ ueo ka.

Amǝ Ibǝru 13:14

Aɓa mǝnia yì ɓanza ka, sǝm pànǝ nggeala mǝnana pà nǝ̀ mal raka ɗang, sǝm nda ban kundǝ nggeala mǝnana kǝ yiu ka.

Amǝ Ibǝru 2:17

Ace mani ka, dumǝni wi ama she nǝ̀ nyesǝ ɓamuri kǝla amǝ'eambǝi a koya njargula, ace mǝnana ɓǝ̀ duk Pǝris Mǝgule mǝnana ndanǝ mǝsǝswatǝr aban aɓwana, à nǝ̀ earnǝi aɓa turo male aban Ɓakuli ka. Anggo ka sǝ́ nǝ̀ pa gir'nkila ace twalban cauɓikea mala aɓwana mala Ɓakuli.

Amǝ Ibǝru 3:1

Ace mani ka, wun amǝ'eamrǝarǝu mǝnana Ɓakuli tária ɓǝa duk amale, sǝ à kum tunǝban mǝ'mwashati ata aɓwana male ace ká kuli ka, ɓǝ̀ sǝm nyesǝ ɗenyicau ma'sǝm aban Yesu. Yì nda ɓwa mǝnana Ɓakuli tasǝi ɓǝ̀ yì duk Pǝris Mǝgule mala paɓamuru mǝnana sǝm bangŋǝna ama nda sǝm kpakiyi ate ka.

Amǝ Ibǝru 4:15

Mǝnia yì Pǝris Mǝgule sǝm ndanǝi ka, sǝlǝna nǝ́ arǝwukia ma'sǝm, acemǝnana yì nǝ nggearǝì ka, kutina aɓalǝ àkǝ̀ mǝnia yì akárǝkiban mǝnana à kǝ kum sǝm ngga, a koya njari, kat andǝ amani ka, ko pak cauɓikea ɗang.

Amǝ Ibǝru 7:1

Ɓwa mǝnia yì Melkizedek ka, murǝm mala nggeala Salem na, sǝ ɗǝm ngga, yì nda Pǝris mala Ɓakuli mana karban kat ka. Anzǝm mǝnana Ibǝrayim linamurǝm a lwa amur amurǝma, sǝ nda aban nyare ka, à yì je andǝi, pǝlǝa tsǝki Ibǝrayim bu.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.

2 Yohana 1:7

Ən bang mǝnia ka acemǝnana amǝ swarkiban pas mana à ear ama Yesu Kǝrǝsti yiu aɓa nggūrǝu raka, à kutina a ɓanza. Ɓwa kǝla ulang amǝno ka, mǝswarkiban na sǝ ɓimǝbura mala Kǝrǝsti na.