Amǝ Ibǝru 9:10 - Maləmce Məfele mala Ɓakuli: Kurcau Məbəshe

¹⁰ Mǝnia ka nda acemǝnana yì njar mǝ'e ka nda àkǝ̀ ce akunacau mala agir mana nggurcau eari aɓwana ɓǝ̀a li ko ɓǝ̀a nu andǝ amana earia wia raka, andǝ anzongcau ɗàngɗáng mala laki arǝu andǝ agir. Sǝ amǝno ka angguracau mala pakki agir mǝnana mǝsǝu kǝ sǝnia ka nda, ba pwari mǝnana Ɓakuli yi kwakita bǝsa njar ka.

Amǝ Ibǝru 9:10 ပူးပေါင်းရင်းမြစ်များ

Markus 7:4

Ɓǝa nyari limo ka, à pà nǝ̀ li kǝgir ɗang, she ɓǝa lakina a rǝia nǝ mur ka. À kǝ kpata aɓea akuncau kam pas, kǝla pakkiagir mala laki akwar, andǝ ankwaring, andǝ ankenye bolo, andǝ abuno-banli.)

Amǝ Galati 4:9

Sǝ ado mǝnana wu surǝna rǝ Ɓakuli, ko a na raka, Ɓakuli surǝna rǝ wun ngga, palang sǝ wu kǝ earce nyar nǝ ta wun, wu nǝ̀ duk aguro mala alú andǝ akukwar mala ɓanza man, mǝnana à panǝ kǝ rǝcandǝa raka?

Amǝ Afisu 1:10

Sǝ mǝnia ka nda kànì male: Ɓǝ̀ pwarì yi karǝna ka, Ɓakuli nǝ̀ dapi koya gir mǝnana a kuli andǝa mǝnana a nzali kat ka aɓata rǝcandǝa mala Kǝrǝsti.

Amǝ Afisu 2:15

Nǝ́ lú andǝ lo male a ɓembe ka, yi wal nggurcau andǝ anzongcau, andǝ akuncau mala amǝ Yahudi. Yiu nǝ dorǝpwala a nre ka amǝ Yahudi andǝ aɓwana mǝnana amǝ Yahudi na raka. Yiu nǝ aɓwana mala amǝnia yì akāmbe ɓari ka, ɓǝa duk aɓwana mǝ'mwashati mala bǝsa nzali.

Amǝ Kolosi 2:16

Ace mani ka, wu kǝa eari kǝɓwa ɓǝ̀ tsǝka wun nzongcau amur agir mǝnana wu nǝ̀ li ko wu nǝ̀ nu ka, ko amur cau mala pakki alamsan mala aɓea kunacau, ko mala came mala bǝsa zongŋo, ko mala Pwari Sabbat ɗang.

Amǝ Ibǝru 10:22

Ace mani ka, ɓǝ̀ sǝm sung tù aban Ɓakuli, nǝ guli kat a rǝì, nǝ ɓabum mwashat, sǝ nǝ aɗenyicau mǝnana à langŋǝnia aɓa múr-halǝkia mala cauɓikea ka. Ɓǝ̀ sǝm sung abani nǝ anggūrǝu mǝnana à langŋǝnia nǝ mur mǝɓoarnsari ka.

Amǝ Ibǝru 13:9

Ɓǝa kǝa ɓosǝki wun nǝ ambalang abǝri kanigir ɗang. Ndanǝ ɓoaro ɓǝ̀ rǝcandǝa mala ɓabum wun yiu nǝ ban ɓwamuru mala Ɓakuli, ɓǝ̀ kǝa yiu nǝ ban kpata anzongcau mala liki agirlina ɗang; aɓwana mǝnana à kǝ kpata amǝnia yì anzongcau ka, à kǝ kum kǝgir aɓalǝi ɗang.

Amǝ Ibǝru 2:5

Ɓanza mǝno kǝ yiu sǝm nakiyi ce ka, Ɓakuli nyi a ɓabu amǝturonjar ɗang.

Amǝ Ibǝru 6:2

Sǝ ɓǝ̀ sǝm ngga camarǝ ɓǝsǝlǝki kanigir amur batisǝma, andǝ tsǝkbu amur aɓwana, andǝ lo mala alú, andǝ amur kasǝ ɓashi mǝnana masǝlǝate pà kàm raka ɗang.

Amǝ Ibǝru 6:5

Ɗǝm ngga anzǝm mana à ongŋǝna ɓoro mala cau mala Ɓakuli andǝ arǝcandǝa mala nza mǝnana kǝ yiu ka,

Amǝ Ibǝru 7:12

Sǝ ɓǝà nggaɗi dobuno-pǝris ka, dumǝna pup gbal ama à nǝ̀ nggaɗi nggurcau nì.

Amǝ Ibǝru 7:16

Yesu ka duk pǝris, sǝ pà acemǝnana yì ka, lumsǝ kun gir mǝnana nggurcau mala Ɓakuli earkiyi ce amur ɓǝlban a tau mala Lawi ka ɗang. Yi duk pǝris nǝ rǝcandǝa mala yilǝmu mǝnana à pà nǝ̀ gandǝ kiɗiki raka.

Amǝ Ibǝru 9:1

Mǝno yì kurcau mǝdǝmbe, mǝnana nda anre Ɓakuli andǝ amǝ Isǝrayila ka, ndanǝ angguracau male mala peri, andǝ ban mǝfele male gbal kani a ɓanza.