Amǝ Ibǝru 8:6 - Maləmce Məfele mala Ɓakuli: Kurcau Məbəshe

⁶ Sǝ turo-pǝris mǝnana à pè Yesu ka, karmur turo-pǝris mǝ'e nǝ ɓoaro. Kǝla mǝno gbal ka, bǝsa kurcau mǝnana Yesu yinǝi nǝban Ɓakuli aban aɓwana male ka, kuti mǝ'e. Nda acemǝnana yì bǝsa kurcau ka, à kwakite amur apacau ace agir mǝnana à ɓoari mala kurcau mǝ'e ka.

Amǝ Ibǝru 8:6 ပူးပေါင်းရင်းမြစ်များ

Luka 22:20

Anzǝm girlina ka, twal ɓe kwap mala mùr ɓǝlanggun anap a bui, sǝ na ama, “Kwap mǝnia ka, nda bǝsa kurcau a nre Ɓakuli andǝ aɓwana male, mǝnana à kurrì nǝ nkilem mana à sukki ace wun ngga.

Amǝ Roma 9:4

Yia ka à ndaka amǝ'kau mala Isǝrayila; Ɓakuli tárìa ɓǝa duk amuna male; Ɓakuli lǝmndǝ gulo male kǝla Ɓakuli abania. Kurcau andǝia, sǝ pea wia Nggurcau male. Pea wia peri mala ɓa-ndàmǝgule andǝ apacau male.

Amǝ Afisu 2:12

Aɓa doe ɗiɗyal anggo ka, kǝgir kpapi wun wunǝ Kǝrǝsti ɗang. Wu nda ka abǝri mǝnana à pa aɓalǝ amǝ Isǝrayila, aɓwana mǝnana Ɓakuli tàrria ka ɗang, sǝ wu panǝ kāmbe aɓa kurcau mala Ɓakuli mana kwakite amur apàcau male aban aɓwana male ka ɗang. Wu dukiado ma'wun a ɓanza, wu panǝ Ɓakuli ɗang, sǝ wu panǝ tsǝkɓalǝu ɗang.

1 Timoti 2:5

Ɓakuli ka, nda mwashat ɓǝrɓǝr, sǝ Ɓwa mǝnana a nre ɓwapǝndǝa andǝ Ɓakuli ka, nda mwashat, yì Ɓwa kǝla Kǝrǝsti Yesu,

Titus 1:2

Mǝno yì paɓamuru andǝ sǝlǝe ka, nda mǝnana kǝ pea wia tsǝkɓalǝu ama à nǝ̀ kum yilǝmu mǝnana málá male pà kàm raka, yì yilǝmu mǝnana Ɓakuli mana kǝ na nyir raka, bangŋa a shareta ɓanza ama nǝ̀ pea wia ka.

Amǝ Ibǝru 12:24

Wu yina aban Yesu, yì ɓwa mǝnana nda mǝkutio a nre-rǝarǝu mala bǝsa kurcau a nre Ɓakuli andǝ aɓwana male ka. Wu yina aban yì nkila à watsǝki, mǝnana kǝ bangcau mǝɓoarne kuti mala nkila mala Habila ka.

Amǝ Ibǝru 7:22

Ace mǝnia yì kánna ka, Yesu dumǝna ɓwa mǝnana nǝ̀ cam a kusǝ mǝnia yì bǝsa kurcau, mǝnana ɓoari mǝ'e ka, ace mana ɓǝ̀ yi lumsǝo.

2 Bitǝrus 1:4

Sǝ ata cau mala gulo andǝ ɓoaro male ka, ɓwamur sǝm pà sǝm aɓoro amǝgulke kǝrkǝr andǝ amǝɓoarne mǝnana bangŋa ama nǝ̀ pà ka. Pak mǝnia ka ace mǝnana nǝ amǝnia yia aɓoro ka, ɓǝ̀ sǝm kum kāmbe aɓa pa male mala do Ɓakuli, sǝ ɓǝ̀ sǝm api kiɗikiban mala ɓanza mǝnana suno mǝɓane kǝ yiu nǝi ka.