Amǝ Ibǝru 8:1 - Maləmce Məfele mala Ɓakuli: Kurcau Məbəshe

¹ Mugula cau mǝnana sǝm nakiyi ka, nda mǝnana ama, sǝm ndanǝ mǝno yì Pǝris Mǝgule mǝnana nda aban do a bu mǝli mala bunomurǝm mala Ɓakuli mǝnana karban kat ka, a kuli.

Amǝ Ibǝru 8:1 ပူးပေါင်းရင်းမြစ်များ

Markus 16:19

Anzǝm mǝnana Mǝtalabangŋo Yesu nania cau ka, kara à twali à um nǝi a kuli, kya do a bu-mǝli mala Ɓakuli.

Amǝ Afisu 6:20

Àkǝ̀ ce mǝnia yì cau ka sǝ mǝ nda a ndàkurban ado, sǝa ma ǝn lidǝmbǝa nǝ hamnǝ cau, acemǝnana Ɓakuli nǝ́ turam kǝla mǝ'pwantu male. Wu pak hiwi acem ama mǝ camarǝ nakuni nǝ mǝsǝkang-kangŋa, kǝla mǝnana ɓoaro ɓǝ̀ ǝn ne ka.

Amǝ Kolosi 3:1

Acemǝnana à loasǝna wun nǝ bǝsa yilǝmu aɓa Kǝrǝsti ka, wu tsǝk ɓabum wun arǝ agir mǝnana a kuli, aban mǝnana Kǝrǝsti dukam abuno gulo a bu-mǝli mala Ɓakuli ka.

Amǝ Ibǝru 1:13

Ata amǝturonjar ka, yana Ɓakuli ne wi àkǝ̀ pwari ama, “Do a buam-mǝlì, she ɓǝ̀ ǝn nyesǝna aɓeo-amǝbura à pǝlǝna buno-tsǝk kusǝu a ɓakusǝo ka?”

Amǝ Ibǝru 1:3

Yì Muna mala Ɓakuli ka, nda tǎlaban mala ɓoarɓwa mala Ɓakuli, andǝ purban male yì Ɓakuli. Nǝ́ cau male mǝ'rǝcande sǝ bwal agirbunda kat abanɓwáná. Anzǝm mana yi langŋǝna acauɓikea ma'sǝm ngga, pǝlǝa do a kuli a bu-mǝli mala Ɓakuli mǝnana Karban kat ka.

Amǝ Ibǝru 10:12

Sǝ Kǝrǝsti ka, pa ɓamuri kǝla gir'nkila kusǝ mwashat ɓǝrɓǝr ace acauɓikea, pàɓoro mǝnana karǝna ace twalban cauɓikea, málá male pà kàm raka, pǝlǝa ɓùn tè do a bu-mǝli mala Ɓakuli.

Amǝ Ibǝru 12:2

Ɓǝ̀ sǝm soa mǝsǝ sǝm arǝ Yesu, yì ɓwa mǝnana kwakita paɓamuru ma'sǝm, sǝ nda mǝnana nǝ̀ yinǝ lumsǝo male ka. Ace bumpwasǝa mǝnana à tsǝki wi a dǝmbǝi ka, shakminǝi aɓa tanni mala gbaliban amur nggun-gangndi, burice kǝsǝkya mǝnana nǝ̀ kum ate ka, sǝ adyan ngga nda aban do a buno, aban gulo a bu-mǝli mala bunomurǝm mala Ɓakuli.

Amǝ Ibǝru 2:17

Ace mani ka, dumǝni wi ama she nǝ̀ nyesǝ ɓamuri kǝla amǝ'eambǝi a koya njargula, ace mǝnana ɓǝ̀ duk Pǝris Mǝgule mǝnana ndanǝ mǝsǝswatǝr aban aɓwana, à nǝ̀ earnǝi aɓa turo male aban Ɓakuli ka. Anggo ka sǝ́ nǝ̀ pa gir'nkila ace twalban cauɓikea mala aɓwana mala Ɓakuli.

Amǝ Ibǝru 3:1

Ace mani ka, wun amǝ'eamrǝarǝu mǝnana Ɓakuli tária ɓǝa duk amale, sǝ à kum tunǝban mǝ'mwashati ata aɓwana male ace ká kuli ka, ɓǝ̀ sǝm nyesǝ ɗenyicau ma'sǝm aban Yesu. Yì nda ɓwa mǝnana Ɓakuli tasǝi ɓǝ̀ yì duk Pǝris Mǝgule mala paɓamuru mǝnana sǝm bangŋǝna ama nda sǝm kpakiyi ate ka.

Amǝ Ibǝru 4:14

Sǝ acemǝnana sǝm ndanǝ nggea Pǝris Mǝgule mǝnana warina a kuli, yì Yesu Muna mala Ɓakuli ka, ɓǝ̀ sǝm bwal paɓamuru ma'sǝm kàngkàng, kǝla mǝnana sǝm ne nǝ kun sǝm ngga.

Sǝna 3:21

Ɓwa mǝnana limurǝm ngga mǝ nǝ yinǝi nǝ̀ yia do atam amur bunomurǝm mem, kǝla mǝnana ǝn limurǝm sǝ ǝn yi do ata Tárram amur bunomurǝm male ka.