Amǝ Ibǝru 7:6 - Maləmce Məfele mala Ɓakuli: Kurcau Məbəshe

⁶ Sǝ Melkizedek, mǝnana pà a tau mala Lawi raka, ak mwashat-aɓa-lum a bu Ibǝrayim. Sǝ pǝlǝa tsǝki Ibǝrayim bu, yì ɓwa mǝnana Ɓakuli ak dǝmbǝa pà acau male abani ka.

Amǝ Ibǝru 7:6 ပူးပေါင်းရင်းမြစ်များ

Amǝ Mishan 3:25

Wu nda ka amuna mala amǝno yia amǝ'ɓangna mala Ɓakuli ka, sǝ wu nda aɓa kurcau mala Ɓakuli mǝnana pakki aká wun ngga. Acemǝnana Ɓakuli banggi Ibǝrayim ama, “Nǝ́ bú mǝkeo sǝ mǝ nǝ tsǝki aɓwana a ɓanza kat buam.”

Amǝ Roma 4:13

Mǝnana Ɓakuli pacau aban Ibǝrayim andǝ amǝkè ama nǝ̀ tsǝkia wia bu sǝ ɓanza kat nǝ̀ duk malea ka, pa acemǝnana Ibǝrayim bwal Nggurcau mala Ɓakuli ka ɗang. Nda acemǝnana yì ka, earnǝ Ɓakuli, guli a rǝì ama nǝ̀ pak gir mǝnana bang ngga. Sǝ ace mǝno ka Ɓakuli é mǝ'cauɓoarna na.

Amǝ Roma 9:4

Yia ka à ndaka amǝ'kau mala Isǝrayila; Ɓakuli tárìa ɓǝa duk amuna male; Ɓakuli lǝmndǝ gulo male kǝla Ɓakuli abania. Kurcau andǝia, sǝ pea wia Nggurcau male. Pea wia peri mala ɓa-ndàmǝgule andǝ apacau male.

Amǝ Galati 3:16

Ɓakuli pacau male aban Ibǝrayim andǝ muni. Sǝni pepe, Malǝmce ne ma ama, “andǝ amuni” ɗang, mǝnana nǝ̀ lǝmndǝ ama à nda pas ka. Awo, bangŋa ama “andǝ muni”, mǝnana lǝmndǝ ama nda aban na cau amur ɓwa mwashat. Sǝ ɓwa mwashat mǝnia ka, nda Kǝrǝsti.

Amǝ Ibǝru 11:13

Amǝnia yì aɓwana kat ka, à wu aɓa paɓamuru malea, yale à kum agir mǝnana Ɓakuli na ama nǝ̀ pea wia ka ɗang. À sǝnia nǝ sǝna kuko, sǝ à gingsǝ yiu malea. À bangŋi bwāng ama à nda ka abǝri andǝ amǝgya-kutio aɓa ɓanza.

Amǝ Ibǝru 11:17

Nǝ́ paɓamuru sǝ Ibǝrayim pà ɓoro nǝ muni Ishaku kǝla gir'nkila, a pwari mǝno Ɓakuli karǝki ka. Yì Ibǝrayim ngga Ɓakuli angŋa dǝmbǝa nani wi ama nǝ̀ pe wi muna, sǝ kat andǝ amani ka eare pà ɓoro nǝ kǝ muni mǝno mwashat ɓǝrɓǝr ka.

Amǝ Ibǝru 7:1

Ɓwa mǝnia yì Melkizedek ka, murǝm mala nggeala Salem na, sǝ ɗǝm ngga, yì nda Pǝris mala Ɓakuli mana karban kat ka. Anzǝm mǝnana Ibǝrayim linamurǝm a lwa amur amurǝma, sǝ nda aban nyare ka, à yì je andǝi, pǝlǝa tsǝki Ibǝrayim bu.

Amǝ Ibǝru 7:7

Makgir pà kàm a rǝì ɗang ama ɓwa mǝnana nǝ gulo ka, nda nǝ̀ tsǝki ɓwa mǝkyauwe bu ka.