Amǝ Ibǝru 7:22 - Maləmce Məfele mala Ɓakuli: Kurcau Məbəshe

²² Ace mǝnia yì kánna ka, Yesu dumǝna ɓwa mǝnana nǝ̀ cam a kusǝ mǝnia yì bǝsa kurcau, mǝnana ɓoari mǝ'e ka, ace mana ɓǝ̀ yi lumsǝo.

Amǝ Ibǝru 7:22 ပူးပေါင်းရင်းမြစ်များ

Matiu 26:28

Mǝnia ka nda nkilem mala kurcau mǝbǝshe, mǝnana à sukki ace twal ban acauɓikea mala aɓwana pas ka.

Markus 14:24

Pǝlǝa nea wia ama, “Mǝnia ka nda nkilem mana à sukki ace aɓwana pas ka. Nda nkila mana tsǝkiyi bǝsa kurcau mǝnana Ɓakuli pangnǝ aɓwana male, aɓa turo ka.

Luka 22:20

Anzǝm girlina ka, twal ɓe kwap mala mùr ɓǝlanggun anap a bui, sǝ na ama, “Kwap mǝnia ka, nda bǝsa kurcau a nre Ɓakuli andǝ aɓwana male, mǝnana à kurrì nǝ nkilem mana à sukki ace wun ngga.

1 Amǝ Korinti 11:25

Anggo gbal, anzǝm mǝnana à shangna bǝredi ka, pǝlǝa twal kwap mala mùr ɓǝlanggun anap, sǝ bangŋa ama, “Mǝnia yì kwap ka nda bǝsa kurcau a nre Ɓakuli andǝ aɓwana male, mǝnana à earǝna nǝi nǝ nkilem ngga. Ko aya pwari wu nda aban nue ka, wu pè ace ɗenyi nǝ mim.”

Amǝ Ibǝru 12:24

Wu yina aban Yesu, yì ɓwa mǝnana nda mǝkutio a nre-rǝarǝu mala bǝsa kurcau a nre Ɓakuli andǝ aɓwana male ka. Wu yina aban yì nkila à watsǝki, mǝnana kǝ bangcau mǝɓoarne kuti mala nkila mala Habila ka.

Amǝ Ibǝru 13:20

Ɓǝ̀ Ɓakuli mala dorǝpwala, mǝnana loasǝ Mǝtala sǝm Yesu, a ɓembe ka, pà wun koya gir mǝɓoarne mǝnana ɓoaro ɓǝ̀ wu pang nǝi ace pak kani male ka. Ɓǝ̀ pakturo male aɓalǝ wun, nǝ rǝcandǝa mala Yesu Kǝrǝsti, ace pwasǝ bumi. Yesu ka nda nggea yalgir mǝgule mala anzur, mǝnana nǝ nkile sǝ Ɓakuli tita kurcau male mǝnana pè nǝ aɓwana male ka, yì kurcau mana pà nǝ̀ mal raka. Gulo kat ka male na mǝnana málá male pà kàm raka. Amin.

Amǝ Ibǝru 7:23

Apǝris mǝnana aɓata mǝno yì dobuno-pǝris mǝ'e ka, à yì duk pas, acemǝnana ko yan atea ka, lú tamsǝì arǝ lidǝmbǝa nǝ turo mala pǝris.

Amǝ Ibǝru 8:13

Tunǝo mǝnana Ɓakuli tunǝ mǝnia yì kurcau ama “Mǝbǝshe” ka, lǝmndǝ ama mǝdǝmbe ka, Ɓakuli tsǝngŋǝni pǝlǝna mǝ'e. Sǝ gir mǝnana nda rǝ e sǝ turo male pà kàm ɗǝm raka, te mala nǝ̀ ndǝrmi.