Amǝ Ibǝru 7:19 - Maləmce Məfele mala Ɓakuli: Kurcau Məbəshe

¹⁹ Nggurcau mǝnana Ɓakuli pa nǝ bu Musa ka, gandǝ tsǝk kǝgir ɓǝ̀ lumsǝo kǝla mǝnana Ɓakuli earkiyice ka ɗang. Sǝ adyan ngga, à yina nǝ́ bǝsa tsǝkɓalǝu mǝnana ɓoaribanì, nǝ̀ nun sǝm aban Ɓakuli tù ka.

Amǝ Ibǝru 7:19 ပူးပေါင်းရင်းမြစ်များ

Yohana 1:17

Ɓakuli pa sǝm Nggurcau nǝ bu Musa, sǝ nǝ bu Yesu Kǝrǝsti sǝ pa sǝm ɓwamuru andǝ mǝsǝcau.

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Amǝ Mishan 13:39

Ɓwa mǝnana paɓamuri abani ka, à pusǝni aɓata kùrban mala cauɓikea, mǝnana Nggurcau mala Musa pa nǝ̀ gandǝ pe raka.

Amǝ Roma 5:2

Ndá àkǝ̀ ce guliarǝu ma'sǝm arǝ Kǝrǝsti sǝ yinǝ sǝm aɓa ɓwamuru mala Ɓakuli mǝnana ado sǝm do a ɓalǝi ka. Nda gir mǝnana tsǝa sǝm nggǝ nggori nǝ tsǝkɓalǝu mǝnana sǝm ndanǝi mala kum kāmbe aɓa gulo mala Ɓakuli ka.

Amǝ Roma 7:7

Sǝ mana ado sǝm nǝ̀ na? Nggearǝ Nggurcau ka, cauɓikea na le? Awo! Pa anggo ɗang! Ɓǝ̀ pà ace Nggurcau raka, ɓǝ́ pà mǝ surǝ cauɓikea ɗang. Ɓǝ́ pa mǝ nǝ sǝlǝ ce cauɓikea mala sham gir mala ɓwa ɗang, mǝnana ɓǝ̀ Nggurcau bang ma ama, “Kǝa sham gir raka” ɗang.

Amǝ Roma 8:3

Gir mǝnana Nggurcau mala Musa gandǝ pe raka, ata cau mala gatti mala nggurǝ ɓwapǝndǝa mǝ'cauɓike ka, Ɓakuli yi pe. Yi tasǝ Muni ɓǝ̀ yiu aɓa nggūrǝu mǝnana nda kǝla nggurǝ sǝm aɓwapǝndǝa mǝ'cauɓike ka, ɓǝ̀ yi pa ɓamuri kǝla gir'nkila ace twal cauɓikea. Aɓa pe mǝnia anggo ka Ɓakuli yinǝ kasǝ-ɓashi amur cauɓikea, kiɗiki rǝcandǝa male aɓa mǝno yì nggūrǝu mala ɓwapǝndǝa ka.

Amǝ Galati 2:16

Kat andǝ amani ka, sǝm sǝlǝna ama, nǝ paɓamuru nǝmurǝì aban Yesu Kǝrǝsti, sǝ ɓwa nǝ̀ duk mǝ cauɓoarna aban Ɓakuli, pa ace kpata anggurcau ɗang. Nggearǝ sǝm gbal ka, sǝm pa ɓamur sǝm nǝ pa aban Yesu Kǝrǝsti ace mǝnana ɓǝ̀ sǝm duk pepe, sǝm sǝnǝa Ɓakuli, a ta cau mala guli arǝ Kǝrǝsti. Pa ace kpata nggurcau ɗang. Nda acemǝnana kpata nggurcau ka, pà nǝ̀ tsǝk ɓwa ɓǝ̀ duk pepe a ɓadǝm Ɓakuli ɗang.

Amǝ Galati 3:21

Sǝ ado ka, à nǝ̀ na ama Nggurcau Mala Musa andǝ kurcau mala Ɓakuli ka à ɓinǝ rǝarǝia le? Awo, ko bǝti! Ɓǝ̀ Nggurcau nǝ̀ gandǝ pa sǝm bǝsa yilǝmu ka, ɓǝ́ kpate ka nǝ̀ nyesǝ sǝm, ɓǝ̀ sǝm duk amǝ'cauɓoarna aban Ɓakuli.

Amǝ Galati 3:24

Mǝ nǝ ci a ɓe njar ani: Nggurcau nǝ̀ bwala sǝm gara aban ká aban Kǝrǝsti. Yal sǝm ba pwari mǝnana à nyesǝ nre sǝm yi ɓoar sǝnǝa Ɓakuli nǝ́ guli arǝ Kǝrǝsti ka.

Amǝ Afisu 3:12

Aɓa kpapi ma'sǝm sǝnǝa Kǝrǝsti andǝ paɓamuru ma'sǝm abani ka, sǝm nǝ̀ gandǝ yiu a ɓadǝm Ɓakuli nǝ mǝsǝkang-kangŋa andǝ guliarǝu.

Amǝ Kolosi 1:27

Ɓakuli earnace ɓǝa aɓwana male sǝlǝ ce gulo andǝ kume mana aɓa mǝnia yì cau-ɓa-sǝmbǝrǝa, mǝnana ndanǝi ace aɓwana mana amǝ Yahudi na raka. Sǝ mǝnia yì cau-ɓa-sǝmbǝrǝa ka nda mǝnana ama: Kǝrǝsti na aɓalǝ wun, sǝ ace mǝno ka wu ndanǝ tsǝkɓalǝu mala kum kāmbe aɓa gulo mala Ɓakuli.

1 Timoti 1:1

Mǝnia yì cautera ka, pur nǝ ban Bulǝs, mǝ'mishan mala Kǝrǝsti Yesu nǝ tasǝban mala Ɓakuli mǝ'amsǝ sǝm, andǝ mala Kǝrǝsti Yesu mǝnana nda tsǝkɓalǝu ma'sǝm ngga.

Amǝ Ibǝru 10:1

Nggurcau ka, nda yilǝmi agir mǝɓoarne mǝnana à nǝ̀ yiu ka; nda mǝsǝrǝ gir mǝɓafoe nǝ nggearǝì ɗang. Ace mani ka, nǝ agir-nkila mǝnana à kǝ ɓǝsǝlǝki pākia koya pǝlǝa ka, Nggurcau pà nǝ̀ gandǝ tsǝk aɓwana mǝnana à kǝ yiu a peri ka, ɓǝa kum lumsǝo kǝla mǝnana Ɓakuli nǝ̀ earcea ɓǝa lumsǝ ka ɗang.

Amǝ Ibǝru 11:40

acemǝnana Ɓakuli ka, ndanǝ gir mǝnana ɓoaribanì ka aɓa kane mala ace sǝm. Kane mala Ɓakuli ka nda mǝnana ama, yia ka à pà nǝ̀ kum lumsǝo kǝla mǝnana earkiyice ɓǝa pak ka ɗang she ɓǝ̀ sǝm ngga sǝm nda atea ka.

Amǝ Ibǝru 11:6

Ɓǝ̀ paɓamuru pà kàm raka, kǝɓwa pà nǝ̀ gandǝ pwasǝ bum Ɓakuli ɗang, acemǝnana ɓwa mana nǝ̀ yiu abani ka, she nǝ̀ ear ama yì ka, ndakam, sǝ nda mǝnana kǝ pa tangnakusǝ aɓwana mǝnana à kǝ alte ka.

Amǝ Ibǝru 3:6

Sǝ Kǝrǝsti, kǝla muna ka, dum nǝ mǝsǝcau amur aɓwana mala Ɓakuli. Sǝ sǝm ngga, sǝm ndaka amǝno yì aɓwana mala Ɓakuli, ɓǝ̀ sǝm bwal kàngkàng arǝ paɓamuru andǝ tsǝkɓalǝu ma'sǝm mǝnana sǝm nggǝ jali nǝi ka.

Amǝ Ibǝru 4:16

Ace mani ka, ɓǝ̀ sǝm sungŋo, nǝ mǝsǝkang-kangŋa, aban bunomurǝm mala Ɓakuli mǝ'ɓwamuru. Abanì sǝ sǝm nǝ̀ kum sǝn-mǝsǝswatǝr, andǝ ɓwamuru mǝnana nǝ̀ bwala sǝm nggam, a pwari mǝnana kat sǝm nda aɓa tǝle ka.

Amǝ Ibǝru 6:18

Ɓakuli pana pàcau andǝ kángir male yia kǝm. Amǝnia yì agir ɓari ka, à kǝ gandǝ nggaɗia ɗang, acemǝnana Ɓakuli ka, pà nǝ̀ gandǝ na nyir ɗang. Ace mani ka, sǝm mana sǝm ɓangŋǝna aban ká alta auwa abani ka, sǝm kumǝna ɓakɓabum mǝgule ace bwal kàngkàng arǝ tsǝkɓalǝu mǝnana à tsǝka sǝmi a dǝm sǝm ngga.

Amǝ Ibǝru 7:11

Ɓakuli ka pani amǝ Isǝrayila Nggurcau ama dobuno-pǝris ka nǝ̀ pur a tau mala Lawi. Sǝ aturo-pǝris mala mǝno yì tau mala Lawi ka, yinǝ aɓwana, à kum lumsǝo kǝla mǝnana Ɓakuli earkiyi ce ka ɗang. Nda gir mǝnana tsǝa sǝ Ɓakuli loasǝ ɓe pǝris, a njari mala Melkizedek, sǝ pà a njari mala Lawi andǝ Haruna raka.

Amǝ Ibǝru 7:20

Dobuno-pǝris mala Kǝrǝsti ka, Ɓakuli kwaki te nǝ kángir! Sǝ dobuno-pǝris mala acili aɓwana a tau mala Haruna ka, kana pa a rǝì ɗang.

Amǝ Ibǝru 7:25

Ace mani ka, nǝ̀ gandǝ amsǝ aɓwana mǝnana à yiu aban Ɓakuli nǝ bani ka, a koya njari, acemǝnana ko aya pwari ka ndakam nǝ yilǝmu ace zǝmbǝa acea.

Amǝ Ibǝru 8:6

Sǝ turo-pǝris mǝnana à pè Yesu ka, karmur turo-pǝris mǝ'e nǝ ɓoaro. Kǝla mǝno gbal ka, bǝsa kurcau mǝnana Yesu yinǝi nǝban Ɓakuli aban aɓwana male ka, kuti mǝ'e. Nda acemǝnana yì bǝsa kurcau ka, à kwakite amur apacau ace agir mǝnana à ɓoari mala kurcau mǝ'e ka.

Amǝ Ibǝru 9:9

Amǝnia yì agir kat ka à nda ban lǝmndǝa sǝm gir arǝ nza mǝnia dyan ngga. Ɓālǝi ka nda mǝnana ama aɓoro andǝ agir-nkila mǝnana apǝris pākiyi ka, à gandǝ panzǝ aɓwana mǝnana à kǝ yiu a peri ka, arǝ múr-halǝkya malea ɗang.

Jemis 4:8

Wu sung aban Ɓakuli tu sǝ yì gbal ka nǝ̀ sung aban wun tu. Wu ɗeki pakki agir mǝɓane, wun amǝ'cauɓikea! Wu gilǝki ɗenyicau ma'wun ɓǝ̀ dum nǝ ɓoarnsari, wun aɓwana mǝnana ɓabum wun gaki ka!