Amǝ Ibǝru 7:16 - Maləmce Məfele mala Ɓakuli: Kurcau Məbəshe

¹⁶ Yesu ka duk pǝris, sǝ pà acemǝnana yì ka, lumsǝ kun gir mǝnana nggurcau mala Ɓakuli earkiyi ce amur ɓǝlban a tau mala Lawi ka ɗang. Yi duk pǝris nǝ rǝcandǝa mala yilǝmu mǝnana à pà nǝ̀ gandǝ kiɗiki raka.

Amǝ Ibǝru 7:16 ပူးပေါင်းရင်းမြစ်များ

Amǝ Roma 7:14

Sǝm sǝlǝna ama Nggurcau ka, gir mala Bangŋo na, sǝ mim ngga mǝ nda ɓwa aɓa nggūrǝu, guro aɓata cauɓikea.

Amǝ Galati 4:3

Kani ama Yesu nǝ̀ yiu ka, anggo gbal sǝ sǝm pa. Sǝm nda kǝla amuna, aguro mala abangŋo mǝnana ado à bwal ɓanza mǝnia ka.

Amǝ Galati 4:9

Sǝ ado mǝnana wu surǝna rǝ Ɓakuli, ko a na raka, Ɓakuli surǝna rǝ wun ngga, palang sǝ wu kǝ earce nyar nǝ ta wun, wu nǝ̀ duk aguro mala alú andǝ akukwar mala ɓanza man, mǝnana à panǝ kǝ rǝcandǝa raka?

Amǝ Kolosi 2:14

Yi panzǝki ɓashi mǝnana à gilǝì amur sǝm ngga, yi kasǝki kat andǝ anzongcau mala nggurcau mǝnana à bwal sǝm nǝi ka; twalia umia kya gballia a nggun-gangndi.

Amǝ Kolosi 2:20

Wun ngga, wu wuna wunǝa Kǝrǝsti sǝ à panzǝna wun a bu rǝcandǝa mala abangŋo mala mǝnia yì ɓanza ka. Sǝ ace mana sǝ wu kǝ dukdo kǝla weama wu ndaka mala ɓanza ka? Man tsǝa sǝ wu kǝ kpata anzongcau mala amǝɓanza mǝnana ama:

Amǝ Ibǝru 10:1

Nggurcau ka, nda yilǝmi agir mǝɓoarne mǝnana à nǝ̀ yiu ka; nda mǝsǝrǝ gir mǝɓafoe nǝ nggearǝì ɗang. Ace mani ka, nǝ agir-nkila mǝnana à kǝ ɓǝsǝlǝki pākia koya pǝlǝa ka, Nggurcau pà nǝ̀ gandǝ tsǝk aɓwana mǝnana à kǝ yiu a peri ka, ɓǝa kum lumsǝo kǝla mǝnana Ɓakuli nǝ̀ earcea ɓǝa lumsǝ ka ɗang.

Amǝ Ibǝru 7:15

Gir mǝnana yi pusǝ ceì kam bwāng ngga nda yiu mala ɓe bǝsa pǝris, mǝnana nda kǝla Melkizedek ka.

Amǝ Ibǝru 7:17

Malǝmce bangŋa amuri ama: “We ka, a nda pǝris masǝlǝate pà kàm ɗang, aɓa njar mǝ'mwashati kǝla mǝnana Melkizedek ka pǝris na ka.”

Amǝ Ibǝru 7:21

Sǝ mala Yesu ka, duk pǝris nǝ kángir mǝnana Ɓakuli kánna aɓa cau male mǝnana ne wi ama: “Mǝtalabangŋo kánnǝna, sǝ pà nǝ̀ nyar nǝ te ɗǝm ɗang ama, ‘A nda pǝris mana do mo kǝla pǝris pà nǝ̀ mal raka.’ ”

Amǝ Ibǝru 7:28

Nggurcau mala Musa kǝ twal aɓwapǝndǝa aɓa gatti malea, ɓǝa duk apǝris mǝgule. Sǝa ma anzǝm mǝnana à pana Nggurcau mala Musa ka, Ɓakuli yi twal Muni nǝ́ kánna ɓǝ̀ yì duk Pǝris Mǝgule, mǝnana lumsǝna aɓalǝ agir kat mana Ɓakuli earkiyi ce ɓǝ̀ duk ka, málá male pà kàm ɗang.

Amǝ Ibǝru 7:3

Yì Melkizedek ka, Malǝmce lǝmndǝa ko yan nda tarrí ko ngge, ko a ya tau sǝ pùr ɗang. Sǝ à gilǝ kǝ gìr amur ɓǝlban andǝ masǝlǝata do yilǝmu male ɗang. Yì ka, nda kǝla Muna mala Ɓakuli, mǝnana do-pǝris male ka masǝlǝate pà kàm raka.

Amǝ Ibǝru 9:14

Sǝ gir mǝnana kuti mǝno kuko ka, nkila mala Kǝrǝsti nǝ̀ pè. Kǝrǝsti mǝnana cauɓikea pa a rǝì raka, pa ɓamuri kǝla gir'nkila aban Ɓakuli, aɓa rǝcandǝa mala Bangŋo mǝnana tè malkiyi raka. Nkila male nǝ̀ lak ɓabum sǝm aɓalǝ aturo mǝpǝndǝke mǝnana à nǝ̀ ká nǝ sǝm a lú ka. Sǝ anggo ka, sǝm nǝ̀ peri aban Ɓakuli mǝyilǝmuì.

Sǝna 1:18

Mǝ nda mǝnana nǝ yilǝmu ka. Ɗiɗyal ka ǝn wú, sǝ sǝni, mǝ ndya nǝ amǝsǝam ngga, masǝlǝate pà kàm ɗang. Akyî mala Lú andǝ Domurǝm mala Lú ka nda aɓa buam.