Amǝ Ibǝru 6:5 - Maləmce Məfele mala Ɓakuli: Kurcau Məbəshe

⁵ Ɗǝm ngga anzǝm mana à ongŋǝna ɓoro mala cau mala Ɓakuli andǝ arǝcandǝa mala nza mǝnana kǝ yiu ka,

Amǝ Ibǝru 6:5 ပူးပေါင်းရင်းမြစ်များ

Matiu 12:32

Ɓwa mǝnana na cau kyauwikiban amur Muna mala Ɓwa ka à nǝ̀ twali wi banì, sǝ ɓwa mǝnana na cau kyauwikiban amur Bangŋo Mǝfele ka à pà nǝ̀ twali wi banì ɗang, a ɓanza mǝnia andǝ ɓanza mǝnana nǝ̀ yiu ka.

Markus 6:20

Hirǝdus ka, kǝ ɓanggi Yohana; sǝ acemǝnana sǝlǝna ama Yohana ka ɓwa mǝɓoarne na, ɗǝm ngga ɓwa mala Ɓakuli na ka, kǝ yállí, eare ama kǝgir je ɗang. A koya pwari sǝ ɓǝ̀ Yohana bangcau andǝ Hirǝdus ka, ban kǝ ɓiki Hirǝdus kǝrkǝr. Sǝ kat andǝ amani ka, kǝ earce kwaki kiri arǝ Yohana.

Luka 8:13

Amǝnana amur tali ka, à ndaka aɓwana mǝnana à ok cau ka, à é nǝ bumpwasǝa, sǝ cau kum kutio a ɓabumia ɗang. Paɓamuru malea ka banì sau ɗang, pwari karǝkiban yiu ka kara à kpa.

Amǝ Afisu 6:17

Ɓǝ̀ amsǝban gir múr wun kǝla sukuru-bolo mǝnana wu nǝ̀ oasǝo ace yal ɓamur wun ngga, sǝ wu pak turo nǝ cau mala Ɓakuli, kǝla nggeabyau mǝnana Bangŋo mala Ɓakuli kǝ pa wun, wu nǝ̀ twal a bu wun ace munǝo ka.

Amǝ Ibǝru 11:3

Nda acemǝnana sǝm earnǝ Ɓakuli ka sǝ kpaka sǝm ama nǝ́ cau male sǝ ɓanza andǝ kuli à yì puro, sǝ ɗǝm ngga ama agir mǝnana ado sǝm nggǝ sǝnia ka, Ɓakuli pusǝia arǝ agir mǝnana à kǝ sǝnia raka.

Amǝ Ibǝru 2:5

Ɓanza mǝno kǝ yiu sǝm nakiyi ce ka, Ɓakuli nyi a ɓabu amǝturonjar ɗang.

Amǝ Ibǝru 4:12

Cau mala Ɓakuli ka, ndanǝ yilǝmu, sǝ ndanǝ rǝcandǝa. Cyauwe kuti koya ulang ya nggeabyau mǝnana kuni ɓari ka. Kǝ soaban, kǝ kutia ban gakya mala bangŋe ɓwa andǝ yilǝmi. Kǝ kutio aban kpakǝri mala mú andǝ girɓamu. Kǝ pusǝta mana nda mǝɓoarne andǝ mǝɓane arǝ ɗenyicau andǝ kani mala ɓabum ɓwa.

1 Bitǝrus 1:25

sǝ cau mala Mǝtalabangŋo ka, masǝlǝate pà kàm ɗang.” Sǝ mǝnia yì cau ka, nda Cau Amsǝban mǝnana à hamba wunì ka.

1 Bitǝrus 2:3

mǝnana ado “wu ongŋǝna ɓoaro mala Mǝtalabangŋo ka.”

2 Bitǝrus 2:20

Sǝ ɓǝa ɓwana apini aɓealɓikea mala ɓanza nǝ njargula surǝ Mǝtala sǝm andǝ Mǝ'amsǝ sǝm Yesu Kǝrǝsti, sǝ à nyar ɗǝm nǝ nzǝmo à yì marǝki rǝia sǝ à ɓunggio aɓalǝ aɓealɓikea mǝno ka, zuriki mǝnana à nda a ɓalǝi ado ka, ɓikina kutina mǝdǝmbe.