Amǝ Ibǝru 6:2 - Maləmce Məfele mala Ɓakuli: Kurcau Məbəshe

² Sǝ ɓǝ̀ sǝm ngga camarǝ ɓǝsǝlǝki kanigir amur batisǝma, andǝ tsǝkbu amur aɓwana, andǝ lo mala alú, andǝ amur kasǝ ɓashi mǝnana masǝlǝate pà kàm raka ɗang.

Amǝ Ibǝru 6:2 ပူးပေါင်းရင်းမြစ်များ

Matiu 28:19

Ace mǝno ka, wu kyane aban ɓwapǝndǝa arǝ anzali kat, wu yinǝia ɓǝa pǝlǝ amǝkpatam. Wu pakkia wia batisǝma aɓa lullǝ Ɓakuli Tarrû, andǝ mala Muni, andǝ mala Bangŋo Mǝfele.

Matiu 3:14

Sǝ Yohana ka ɓariki ama nǝ̀ ɓinǝi wi. Ne wi ama, “Mim ɓwan mǝ nǝ ká abano ace batisǝma ka a nyare a yiu a banam mǝ pakko batisǝma!”

Markus 16:16

Ɓwa mǝnana ak Cau Amsǝban, paɓamuri, sǝ à pakki wi batisǝma ka, nǝ̀ auwa, sǝ ɓwa mǝnana ɓinǝ ak Cau Amsǝban, paɓamuri raka, ɓashi nǝ̀ sulǝ amuri.

Markus 7:4

Ɓǝa nyari limo ka, à pà nǝ̀ li kǝgir ɗang, she ɓǝa lakina a rǝia nǝ mur ka. À kǝ kpata aɓea akuncau kam pas, kǝla pakkiagir mala laki akwar, andǝ ankwaring, andǝ ankenye bolo, andǝ abuno-banli.)

Markus 7:8

Wu fa ka anzongcau mala Ɓakuli wu sukkia, sǝ wu karǝ akuncau mala ɓwapǝndǝa wu bwalia kàngkàng.

Luka 11:38

Lang ɓwa Farisi sǝn Yesu tita li girlina sǝ lak bui kǝla mǝnana nggurcau malea bang raka, kara ndali kǝrkǝr nǝ mani.

Luka 12:50

Mǝ ndanǝ batisǝma mala tanni mǝnana à nǝ̀ pakkam ngga, ado ka ndaban pisǝam a ɓalǝam, she ɓǝa pangŋǝni ka.

Luka 14:14

Anggo sǝ a nǝ kum tsǝkbu mala Ɓakuli. Acemǝnana à pà nǝ̀ gandǝ mbweo raka, a nǝ ngga kum mbweban mo a pwari mǝnana amǝ'ɓealɓoarna nǝ̀ loapi ɓembe nǝi ka.

Luka 3:16

Pǝlǝa Yohana earia wia kat ama, “Ən nggǝ pakka wun batisǝma nǝ mur. Sǝ ɓeɓwa nakam kutiam nǝ gulo, nda nǝ̀ yiu ka. Anggur-nkura male ka, ǝn kārǝa mǝ nǝ panzǝia ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Yohana 1:33

Ɓǝ́ pà mǝ nǝ surǝì ɗang, ɓǝ̀ Ɓakuli mǝnana tasǝam ama ɓǝn yi pakki aɓwana batisǝma nǝ múr ka na nam raka. Nam ama, ‘Ɓwa mǝnana a sǝni Bangŋo mem sulǝo yi do amuri ka, nda ɓwa mǝnana nǝ̀ pakki aɓwana batisǝma nǝ Bangŋo Mǝfele ka.’

Yohana 5:29

sǝ à nǝ̀ puri ɓalǝ aɓembe. Aɓwana mǝnana à pak mǝɓoarne ka, à nǝ̀ lo à nǝ̀ kutia yilǝmu, sǝ aɓwana mǝnana à pak mǝɓane ka, à nǝ̀ lo sǝ à nǝ̀ kum ɓashi.

Amǝ Mishan 10:47

“Aɓwana mǝnia ka à kumǝna Bangŋo Mǝfele kǝla mana sǝm kum ngga, kǝɓwa nakam nǝ̀ gine ama ɓǝa kǝa pakkia wia batisǝma aɓa lullǝ Yesu raka le?”

Amǝ Mishan 13:3

Anzǝm gilmur andǝ hiwi ka, pǝlǝa à tsǝk abu amuria sǝ à tasǝia aban o a turo mishan.

Amǝ Mishan 16:15

Anzǝm mana à pangŋǝni batisǝma andǝ amǝ ɓala male ka, pǝlǝa tunǝ sǝm ɓǝ̀ sǝm yiu a ɓala male; na ama, “Ɓǝ̀ wu earnǝ mim ama mǝ nda mǝkwaɗi mǝɓafoe aban Mǝtalabangŋo ka, wu yiu, wu sulǝo a ɓala mem.” Cam arǝ ɓuaki arǝ sǝm gandǝa sǝm eare.

Amǝ Mishan 16:33

Àkǝ̀ mǝno yì bu du ka, mǝyal ndàkurban ɗenyi nǝia, lakki wia anpenye malea; sǝ yì andǝ koyana aɓa ɓala male ka, à pakkia wia batisǝma.

Amǝ Mishan 17:18

Aɓea amǝ sǝlǝe mala amǝ Epikiuriya andǝ amǝ Stoyik kutia makgir arǝ Bulǝs, acemǝnana Bulǝs nea wia Cau Amsǝban amur Yesu andǝ loapi ɓembe ka. Aɓea aɓwana aɓalǝia à ɗiban ama, “Mana gir ni na mǝ'loasǝban mǝnia kǝ earce ama nǝ̀ na le?” Sǝ aɓea aɓwana atea na ama, “Yì ka, sǝm nggǝ sǝni kǝla nda aban hamnǝ cau amur ankúl mala aɓea nzali.”

Amǝ Mishan 2:38

Pǝlǝa Bitǝrus earia wia ama, “Koyan aɓalǝ wun ngga, ɓǝ̀ pwanzali ɓǝ̀ vwaki bui arǝ cauɓikea. Ɓǝa pakki wi batisǝma aɓa lullǝ Yesu Kǝrǝsti, ace mǝnana ɓǝ̀ Ɓakuli twala wun ban acauɓikea ma'wun, sǝ wu nǝ̀ kum ɓoro mala Bangŋo Mǝfele.

Amǝ Mishan 2:41

Aɓwana mǝnana à akcau mala Ɓakuli ka, à pakkia wia batisǝma. Laki mala mǝnia yì aɓwana, à tsǝa amur lakki mala amǝkpata Yesu a pwari mǝno ka à nda á-tārú.

Amǝ Mishan 23:6

Lang Bulǝs yi sǝlǝ ama aɓea aɓwana ata amǝkurcau mǝno ka amǝ Saduki na sǝ acilia ka amǝ Farisi na ka, pǝlǝa loasǝ gi a kuli na ama, “Wun amǝ'eambǝam! Mǝ nda ɓwa Farisi, kǝla mǝnana akêm ngga amǝ Farisi na ka. À kǝ pakkam ɓashi yalung acemǝnana tsǝkɓalǝu mem ngga nda aɓa lo mala alú nǝ yilǝmu!”

Amǝ Mishan 24:15

Tsǝkɓalǝu mem arǝ Ɓakuli ka mǝ'mwashati na andǝ mǝnana aɓwana man ndanǝi arǝ Ɓakuli ka, ama nǝ̀ loasǝ amǝ cauɓoarna andǝ amǝ cauɓikea a ɓembe.

Amǝ Mishan 24:21

Kǝ cau mwashat mǝnana à nǝ̀ yiu nǝi a rǝam ngga nda mǝnana ama ǝn loasǝ giem aɓa ndaɓashi aban na ama: “Mǝ ndaban cam ɓashi a ɓadǝm wun yalung ace earnǝ cau mǝnana mǝ ndanǝi ama alú nǝ̀ lo a ɓembe nǝ yilǝmu ka!”

Amǝ Mishan 24:25

Sǝ lang Bulǝs kutia na cau amur ɓealɓoarna, andǝ bwalɓamuru, andǝ ɓashi mala Ɓakuli mǝnana nǝ̀ yiu ka, Felis ka nggea ɓangciu pakki wi, nda na ama, “Karǝna anggo, a nǝ gandǝ o ado. Mǝ nǝ nyare mǝ nǝ tunǝo ɗǝm ɓǝ̀ ǝn kumǝna dǝmbǝu ka.”

Amǝ Mishan 26:8

Palang sǝ dupa wun nǝ kwano, wun aɓwana mǝnia kani ka, mǝnana wu nǝ̀ earnǝi ama Ɓakuli nǝ̀ loasǝ alú ka?

Amǝ Mishan 4:2

Yia ka bumia lul kǝrkǝr, acemǝnana Bitǝrus andǝ Yohana na ban kani aɓwana gir ama, nǝ ban Yesu sǝ aɓwana nǝ̀ kum lo a ɓembe.

Amǝ Mishan 6:6

Amǝnia yia aɓwana ka, nda à yì tamsǝia a ɓadǝmbǝ amǝ'mishan, à pakkia wia hiwi, sǝ à tsǝkia wia bu ka.

Amǝ Roma 2:16

Sǝ mǝnia ka nda Cau Amsǝban mǝnana ǝn nggǝ hamnǝi ka, ama pwari na kǝ yiu ka, mana Ɓakuli nǝ̀ ɓashi aɓwana amur aɗenyicau ɓa-sǝmbǝrǝa malea nǝ bu Yesu Kǝrǝsti.

1 Amǝ Korinti 10:2

Kutio mǝno à kutio aɓa pǝrɓang andǝ nggeamur ka, nda kǝla batisǝma na à pakkia wia kat à duk amǝkpata Musa ka.

1 Amǝ Korinti 12:13

Sǝm kat ka, à pakka sǝm batisǝma nǝ Bangŋo mǝ'mwashati ɓǝ̀ sǝm duk nggūrǝu mwashat, amǝ Yahudi andǝ aɓwana mǝnana amǝ Yahudi na raka, aguro sǝ aɓwana mǝnana aguro na raka. Sǝ sǝm kat ka, à tsǝa sǝm nu aɓa Bangŋo mǝ'mwashati.

2 Amǝ Korinti 5:10

Acemǝnana sǝm kat ka, dumǝna púp sǝm nǝ̀ ngga came, sǝ do ma'sǝm nǝ̀ lǝmndǝ kwas, a ɓadǝm buno pak ɓashi mala Kǝrǝsti. Ko yan ata sǝm ngga nǝ̀ kum gir mana kārǝa arǝ gir mǝnana pè aɓa mǝnia yì nggūrǝu a ɓanza ka, ko mǝɓoarne ko mǝɓike.

Amǝ Filipi 3:21

Nǝ́ rǝcandǝa male mala gandǝ nyesǝ agir kat aɓata yalban male ka, nǝ̀ yia nggaɗi nggūrǝ sǝm mǝ ká lui ɓǝ̀ pâ kǝla nggūrǝi mǝɓoarɓwe.

Amǝ Kolosi 2:12

Wun ngga, à oasǝna wun a ɓembe wunǝa Kǝrǝsti nǝ batisǝma mǝnana à pakka wun ngga, sǝ aɓa batisǝma ɗǝm ngga à loasǝna wun aɓa bǝsa yilǝmu, nǝ guli ma'wun arǝ rǝcandǝa mala Ɓakuli mǝnana loasǝ Kǝrǝsti a ɓembe ka.

2 Timoti 2:18

À ɗekini njar mala mǝsǝcau, à kǝ na ama loapi ɓembe mala alú kutina. Nǝ ulang mǝnia yì kanigir ka, à tsǝngŋǝna aɓwana pas à ɗekina paɓamuru malea aban Ɓakuli.

Amǝ Ibǝru 11:35

Nǝ́ paɓamuru sǝ amamǝna ak alú malea à long nǝ yilǝmu. Aɓea ɓwana ka, à pakkia wia gir murmwana acemǝnana à ginǝ eare à nǝ̀ makgir paɓamuru malea ace ak ɓamuria ka. À tsǝk ɓabumia arǝ kum yilǝmu mǝnana ɓoaribanì anzǝm loapi ɓembe.

Amǝ Ibǝru 9:10

Mǝnia ka nda acemǝnana yì njar mǝ'e ka nda àkǝ̀ ce akunacau mala agir mana nggurcau eari aɓwana ɓǝ̀a li ko ɓǝ̀a nu andǝ amana earia wia raka, andǝ anzongcau ɗàngɗáng mala laki arǝu andǝ agir. Sǝ amǝno ka angguracau mala pakki agir mǝnana mǝsǝu kǝ sǝnia ka nda, ba pwari mǝnana Ɓakuli yi kwakita bǝsa njar ka.

2 Bitǝrus 3:7

Nǝ́ kǝ cau mǝ'mwashati ka, kuli andǝ ɓanza mana ado ndakam ngga, cia nǝ tsǝa ace kiɗikia nǝ bǝsa. À cia nǝ tsǝa ace pwari ɓashi mǝnana Ɓakuli nǝ̀ kiɗiki aɓwana mana à pànǝ ulang do male raka.