Amǝ Ibǝru 6:12 - Maləmce Məfele mala Ɓakuli: Kurcau Məbəshe

¹² Sǝm earce ama ɓǝ̀ wu duk amǝnkundǝr ɗang. Sǝm ama, wu sǝn arǝ aɓwana mǝnana ace paɓamuru andǝ munyi malea ka, à yì kum gir mǝnana Ɓakuli na ce nǝ̀ pà ka.

Amǝ Ibǝru 6:12 ပူးပေါင်းရင်းမြစ်များ

Matiu 22:32

‘Mǝ nda Ɓakuli mala Ibǝrayim, mala Ishaku, andǝ mala Yakupu.’ Ɓakuli ka mala alú na ɗang, mala aɓwana mana nǝ yilǝmu ka nda.”

Matiu 25:26

Mǝtala-ɓala male eari wi ama, “We mǝturo mǝɓealɓike, mǝnkundǝrì! A sǝlǝna she ama ǝn nggǝ cancane aban mǝnana ǝn ɓeal kam raka, sǝ ǝn nggǝ ramngya aban mǝnana ǝn kwak mǝsǝɓeale kam raka?

Luka 16:22

A masǝlǝate ka mǝtǝr man yi wú, amǝturonjar mala Ɓakuli yi twali à um nǝi aban Ibǝrayim. Mǝkume gbal ka wú pǝlǝa à tsǝkbani.

Luka 8:15

Sǝ amǝsǝɓeale mǝnana a nzali mǝɓoarne ka, à ndaka aɓwana mǝnana à ok cau sǝ à bwali nǝ ɓabum mǝɓoarne mǝɓafoe ka. À lidǝmbǝa aɓa gandǝrǝu, sǝ cau pusǝ ɓealǝu mǝɓoarne aɓalǝia.

Amǝ Roma 12:11

Ce wu duk amǝnkundǝr, amǝ'ɗwanyi rǝɓǝla arǝ turo ɗang, wu duk amǝ bumpina aɓa pakki Mǝtalabangŋo turo nǝ ɓabum wun kat.

Amǝ Roma 2:7

Aɓwana mǝnana à lidǝmbǝa nǝ pe mǝɓoarne sǝ à kǝ alta ɓoarɓwa, andǝ gulo, andǝ do api-lú nǝban Ɓakuli ka, Ɓakuli nǝ̀ pea wia yilǝmu mǝnana málá male pà kàm raka.

Amǝ Roma 4:12

Sǝ Ibǝrayim ɗǝm ngga, nda tar aɓwana mǝnana à kasǝia wia ɓatea, yia mǝnana kasǝ-ɓatau na à kasǝia wia nǝmurǝì ka ɗang, yia gbal ka à twalkusǝ ulang paɓamuru mala Ibǝrayim, mǝnana ndanǝi sǝ nǝ nzǝmo à yì kasǝi wi ɓate ka.

1 Amǝ Tasalonika 1:3

Aɓa hiwi ma'sǝm amur wun aban Ɓakuli ma'sǝm yì Tarrú ka, sǝm nggǝ ɗenyi nǝ pé ma'wun aɓa paɓamuru, andǝ earcearǝu ma'wun mǝnana tsǝa wu pakturo kǝrkǝr, andǝ came mala tsǝkɓalǝu ma'wun arǝ Mǝtala sǝm Yesu Kǝrǝsti.

2 Amǝ Tasalonika 1:4

Ace mani ka, sǝm nǝ́ ɓamur rǝ sǝm ngga, sǝm nggǝ jali nǝ wun aban a'ikǝlisiya mala Ɓakuli. Sǝm nggǝ jali ace came ma'wun kàngkàng andǝ paɓamuru ma'wun aɓalǝ apatanni mǝnana wu kǝ kumo, andǝ adomǝkwane mǝnana wu kǝ dumnǝ gandǝrǝu aɓalǝia ka.

Amǝ Ibǝru 1:14

Nggearǝ amǝturonjar kat ka, abangŋo na mǝnana à pakkiyi turo, à kǝ turia ɓǝa kǝ ɗenyi nǝ aɓwana mǝnana à nǝ̀ kum amsǝban ngga re?

Amǝ Ibǝru 10:36

Ɓoaro wu dum nǝ munyi, ace mǝnana ɓǝ̀ wu lumsǝna kun kànì mala Ɓakuli ka, wu nǝ̀ kum gir mǝnana na ama nǝ̀ pak ka.

Amǝ Ibǝru 11:33

Nǝ́ paɓamuru sǝ amǝnia yì aɓwana ka à li ka anzali-murǝm a lwa, à yal aɓwana aɓa mǝsǝcau, sǝ à kum agir mǝnana Ɓakuli pàcau acea abania ka. À girki kun a-im,

Amǝ Ibǝru 12:1

Ado ka sǝm ndya nǝ ɓwabunda mǝ lakke kǝrkǝr mǝnana à lǝmndǝ ama à guli arǝ Ɓakuli, à gumbǝli sǝm aɓalǝu, à kǝ sǝn sǝm ngga! Ace mani ka, ɓǝ̀ sǝm sukki agir kat mǝnana à kǝ eara sǝm raka, andǝ acauɓikea mǝnana à kwan a taɓǝlǝki sǝm na raka. Ɓǝ̀ sǝm ɓangmire nǝ gandǝrǝu, yì mire mǝnana Ɓakuli tsǝka sǝmi a dǝm sǝm ngga.

Amǝ Ibǝru 13:7

Wu ɗenyi nǝ aɓwana-mǝgule ma'wun mǝnana à kania wun cau mala Ɓakuli ka. Wu ɗenyi nǝ agir mǝɓoarne mǝnana à pur aɓa do malea ka, sǝ wu twal kusǝ kǝ paɓamuru malea.

Amǝ Ibǝru 5:11

Sǝm ndanǝ acau pas mǝnana sǝm nǝ̀ ne amur mǝnia ka, sǝ bǝlki ɓālǝi na kwan ngga, acemǝnana cau kǝ kaurǝ kpaka wun ɗang.

Amǝ Ibǝru 6:15

Sǝ acemǝnana Ibǝrayim pak munyi, kundǝ ka, yi kum gir mǝnana Ɓakuli ne wi ama nǝ̀ pe wi ka.

Jemis 1:3

acemǝnana ɓǝ̀ wu cam kàngkàng aɓa karǝkiban ngga, paɓamuru ma'wun nǝ̀ lidǝmbǝa nǝ rǝcandǝa.

2 Bitǝrus 1:10

Ace mani ka, wun amǝ'eamrǝarǝu, wu pà rǝcandǝa arǝ lǝmndǝi ama ɓafo na wu nda aɓalǝ aɓwana mǝnana Ɓakuli tunǝia, sǝ tarkia ka. Ɓǝ̀ wu lidǝmbǝa nǝ do aɓalǝ amǝno yì aɓealǝu ka, pà wu nǝ̀ kuti aɓa cauɓikea ɗang, sǝ paɓamuru ma'wun ngga nǝ̀ kum kusǝu came.

1 Yohana 2:25

Sǝ mǝnia ka, nda gir mǝnana Kǝrǝsti pàcau ace ka ama nǝ̀ pà sǝm yilǝmu mǝnana málá male pà kàm raka.

Sǝna 13:10

“Ɓwa mǝnana kat à kasǝi wi bwalban a guro ka, à nǝ̀ bwali nǝ̀ o a guro. Ɓwa mǝnana kat à kasǝi wi wal-lui nǝ nggeabyau ka, nǝ nggeabyau sǝ à nǝ̀ wali.” Mǝnia ka kwarkiru na ace aɓwana amǝ'mǝsǝcau nì mala Ɓakuli, ɓǝa cam kàngkàng sǝ ɓǝa dum nǝ paɓamuru abani aɓa koya tanni ka.