Amǝ Ibǝru 5:8 - Maləmce Məfele mala Ɓakuli: Kurcau Məbəshe

⁸ Ko kat andǝ amani ama Yesu ka, Muna mala Ɓakuli na ka, kani okiru aɓa tanni mǝnana yi kutio aɓalǝia ka.

Amǝ Ibǝru 5:8 ပူးပေါင်းရင်းမြစ်များ

Matiu 3:15

Sǝ Yesu pa eare ka ne wi ama, “Ɗeki ɓǝ̀ pa ana adyan. Anggo ka sǝ sǝm nǝ̀ lumsǝ agir kat mǝnana Ɓakuli earkicea ka.” Pǝlǝa Yohana eare pakki wi batisǝma.

Yohana 10:18

Kǝɓwa pà nǝ̀ twal yilǝmem a rǝam ɗang. Ən nggǝ pa yilǝmem nǝ eare mem. Mǝ ndanǝ rǝcandǝa mǝ nǝ pà yilǝmem, sǝ mǝ ndanǝ rǝcandǝa mǝnana mǝ nǝ é ɗǝm ngga. Mǝnia ka nda nzongcau mǝnana Tárram pam ama ɓǝ̀ ǝn pak ka.

Yohana 15:10

Ɓǝ̀ wu kpata anzongcau mem ngga, wu nǝ̀ do aɓa earcearǝu mem, kǝla mǝnana ǝn kpata anzongcau mala Tárram sǝ ǝn do aɓa earcearǝu male ka.

Yohana 4:34

Yesu nea wia ama: Girlina mem nda ɓǝn pak gir mǝnana Tárram mana turam ngga earkiyi ce, sǝ ɓǝn masǝlǝta turo male mǝnana pam ɓǝn pe ka.

Yohana 6:38

“Ən sulǝ nǝ kuli ace pak gir ɓamuram ɗang, ǝn yiu ace pak turo mala Tárram mǝnana tasǝam ngga.

Amǝ Filipi 2:8

Sǝ lang pusǝna rǝì kǝla ɓwapǝndǝa aɓa nggūrǝu ka, yi nongsǝ muri kǝ oki Ɓakuli kiru ba lú, nggearǝ lú mana amur nggun-gangndi ka!

Amǝ Ibǝru 1:2

Sǝ a masǝlǝata nza man ngga, yi na cau nǝ sǝm, nǝ mburkun Muni, mǝnana twali ɓǝ̀ yì duk mǝliɓala na amur girbunda kat, sǝ nǝ́ yi sǝ pusǝ kuli andǝ nzali ka.

Amǝ Ibǝru 1:5

Yana ɗe ata amǝturonjar mala Ɓakuli, mǝnana Ɓakuli ne wi àkǝ̀ pwari ama, “A nda Munem, yalung ngga, ǝn dumǝna Tarró” ka? Ko báng gbal amur ɓe kǝ mǝturonjar ama, “Mǝ nǝ duk Tarrí, sǝ yì ka, nǝ̀ duk Munem” ngga?

Amǝ Ibǝru 1:8

Sǝa ma amur Muni ka, bangŋa ama, “Domurǝm mo we Ɓakuli ka, masǝlǝate pà kàm ɗang, sǝ garamurǝm mala domurǝm mo ka, nda do amur mǝsǝcau.

Amǝ Ibǝru 3:6

Sǝ Kǝrǝsti, kǝla muna ka, dum nǝ mǝsǝcau amur aɓwana mala Ɓakuli. Sǝ sǝm ngga, sǝm ndaka amǝno yì aɓwana mala Ɓakuli, ɓǝ̀ sǝm bwal kàngkàng arǝ paɓamuru andǝ tsǝkɓalǝu ma'sǝm mǝnana sǝm nggǝ jali nǝi ka.