Amǝ Ibǝru 5:7 - Maləmce Məfele mala Ɓakuli: Kurcau Məbəshe

⁷ Arǝ abaku mǝnana Yesu na akani a ɓanza ka, pakki ahiwi andǝ azǝmba, loasǝ gi ɓua kǝrkǝr nǝ mǝrǝm, aban ká aban ɓwa mǝnana nǝ̀ gandǝ amsǝi a bu lú ka. Ɓakuli pǝlǝa ok ahiwi male, ace pagulo male aban Ɓakuli.

Amǝ Ibǝru 5:7 ပူးပေါင်းရင်းမြစ်များ

Matiu 27:46

Lang ndarǝ gbashi bu-pwari tārú mǝno ka, Yesu loasǝ gi kpǝm na ama, “Eli, Eli, lama sabatani?” Ɓālǝi ama, “Ɓakuli mem, Ɓakuli mem, palang sǝ a pǝlǝam nzǝmo?”

Matiu 27:50

Yesu nyar ɗǝm loasǝ gi ɓua nǝ rǝcandǝa, pǝlǝa yilǝmi puri rǝì.

Markus 15:34

Nǝ bu-pwari tārú mala pwarikpǝra ka, Yesu mǝn kuni bang ama, “Eloi, Eloi, lama sabatani?” Ɓālǝi ama, “Ɓakuli mem, Ɓakuli mem, palang sǝ a turam nzǝmo?”

Markus 15:37

Yesu mak'zwalo bang-bang, pǝlǝa yilǝmi puro.

Luka 23:46

Pǝlǝa Yesu loasǝ gi bang-bang ama, “Dâ! A ɓabuo sǝ ǝn nggǝ pa bangŋo mem!” Lang bangŋǝna anggo ka, kara yilǝmi puro.

Yohana 1:14

Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

Yohana 11:35

Yesu sukki mǝrǝm.

Yohana 11:42

Ən sǝlǝna nǝma ko aya pwari ka a kǝ oem, sǝ ado ka ǝn na mǝnia yì cau ka ace aɓwana man kani ka, ace mǝnana ɓǝa ear ama a nǝ̀ turam.”

Yohana 17:1

Anzǝm mǝnana Yesu malǝna naki acau mǝnia ka, pǝlǝa loasǝ mǝsǝì a kuli, sǝ pak hiwi ama: Dâ, adyan ngga bu-pwarî yina. Gusǝlǝ Munio ace mǝnana ɓǝ̀ Munio po gulo mo ka.

Amǝ Roma 8:3

Gir mǝnana Nggurcau mala Musa gandǝ pe raka, ata cau mala gatti mala nggurǝ ɓwapǝndǝa mǝ'cauɓike ka, Ɓakuli yi pe. Yi tasǝ Muni ɓǝ̀ yiu aɓa nggūrǝu mǝnana nda kǝla nggurǝ sǝm aɓwapǝndǝa mǝ'cauɓike ka, ɓǝ̀ yi pa ɓamuri kǝla gir'nkila ace twal cauɓikea. Aɓa pe mǝnia anggo ka Ɓakuli yinǝ kasǝ-ɓashi amur cauɓikea, kiɗiki rǝcandǝa male aɓa mǝno yì nggūrǝu mala ɓwapǝndǝa ka.

Amǝ Galati 4:4

Sǝa ma, lang pwari ni yi karǝna ka, Ɓakuli tur Muni, mǝnana mɓwama nǝ̀ ɓǝli, a ɓata nggurcau mala Musa ka.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

Amǝ Ibǝru 10:10

Sǝ aɓa pě mala mǝno yì kànì mala Ɓakuli ka, sǝm dumǝna amale nǝ pá mǝnana Yesu Kǝrǝsti pà ɓoro nǝ nggūrǝì kusǝ mwashat ɓǝrɓǝr ace koyan ngga.

Amǝ Ibǝru 10:5

Nda gir mǝnana tsǝa sǝ Kǝrǝsti, lang yina a ɓanza ka, banggi Ɓakuli ama: “Agir-nkila andǝ aɓoro ka, a éarceà ɗang, sǝa ma a pa nam nggūrǝu.

Amǝ Ibǝru 11:7

Paɓamuru mala Nuhu aban Ɓakuli na ci sǝ kpata nunkiru mala Ɓakuli amur agir mǝnana à kǝ yiu a dǝmbǝa, gandǝ sǝnia raka. Lo nǝ ɓangciu mala pagulo aban Ɓakuli, gballì nggea waru ace amsǝ amǝ ɓala male. Nǝ mǝnia ka, yinǝ kasǝ-ɓashi amur ɓanza, pǝlǝa Ɓakuli é mǝ'cauɓoarna na, akban mǝnana à kǝ kumi nǝ paɓamuru ka.

Amǝ Ibǝru 12:28

Sǝ acemǝnana à pana sǝm domurǝm mǝnana pà nǝ̀ dǝurǝ raka, ɓǝ̀ sǝm pak yàwá, sǝ ɓǝ̀ sǝm peri aban Ɓakuli nǝ ulang peri mǝnana gir-á na abani ka, nǝ pagulo andǝ ɓangciu;

Amǝ Ibǝru 13:20

Ɓǝ̀ Ɓakuli mala dorǝpwala, mǝnana loasǝ Mǝtala sǝm Yesu, a ɓembe ka, pà wun koya gir mǝɓoarne mǝnana ɓoaro ɓǝ̀ wu pang nǝi ace pak kani male ka. Ɓǝ̀ pakturo male aɓalǝ wun, nǝ rǝcandǝa mala Yesu Kǝrǝsti, ace pwasǝ bumi. Yesu ka nda nggea yalgir mǝgule mala anzur, mǝnana nǝ nkile sǝ Ɓakuli tita kurcau male mǝnana pè nǝ aɓwana male ka, yì kurcau mana pà nǝ̀ mal raka. Gulo kat ka male na mǝnana málá male pà kàm raka. Amin.

Amǝ Ibǝru 2:14

Sǝ acemǝnana amuna mala Ɓakuli ka, à pea nǝ nkila andǝ nyama ka, Yesu gbal ka duk nkila andǝ nyama, do kǝla yia aɓwapǝndǝa. Nǝ́ lú male sǝ gandǝ kiɗiki rǝcandǝa mala mǝɓealɓikea mǝnana bwal rǝcandǝa mala lú ka.

1 Yohana 4:3

Sǝ ɓwa mǝnana kat earnǝ Yesu raka, ɓwe pànǝ Bangŋo mǝnana pur nǝban Ɓakuli ka ɗang. Bangŋo mǝnana mǝnia yì ɓwa ndanǝi ka, pur nǝban ɓimǝbura mala Kǝrǝsti, mǝnana wu okce ama nǝ̀ yiu a ɓanza, sǝ yale yina ado nda a ɓanza ka.

2 Yohana 1:7

Ən bang mǝnia ka acemǝnana amǝ swarkiban pas mana à ear ama Yesu Kǝrǝsti yiu aɓa nggūrǝu raka, à kutina a ɓanza. Ɓwa kǝla ulang amǝno ka, mǝswarkiban na sǝ ɓimǝbura mala Kǝrǝsti na.