Amǝ Ibǝru 5:2 - Maləmce Məfele mala Ɓakuli: Kurcau Məbəshe

² Sǝ yì ka, nǝ̀ gandǝ bwali amǝ'ɗwanyi sǝlǝe andǝ aɓwana à ɓwarki ka, ɓukɓuk, acemǝnana yì nǝ nggearǝì ka, ndanǝ rǝwukya.

Amǝ Ibǝru 5:2 ပူးပေါင်းရင်းမြစ်များ

Luka 22:32

Sǝ mim ngga ǝn pangŋa hiwi aceo we Shiman, ace mǝnana paɓamuru mo ɓǝ̀ kǝa kpa ɗang. Sǝ ɓǝa longŋa ka, ɓak ɓabum amǝ'eambǝo.”

2 Amǝ Korinti 11:30

Ɓǝ̀ mǝ nǝ nggori ka, ɓoaro mǝ nggori nǝ agir mǝnana à lǝmndǝ rǝwukya mem ngga.

2 Amǝ Korinti 12:5

Mǝ nǝ nggori nǝ mǝnia yì ɓwa ka, pa mǝ nǝ nggori nǝ ɓamuram ɗang. Mǝ nǝ nggori nǝ rǝwukya mem.

Amǝ Galati 4:13

Wu sǝlǝ ama, a nggea dǝmbe mǝno ǝn hamnǝ Cau Amsǝban aban wun ngga, mǝ ndanǝ rǝkwana a rǝam.

Amǝ Afisu 4:18

Ɓabumia ka lumsǝ nǝ pǝndǝa; à pa aɓa yilǝmu mǝnana Ɓakuli kǝ pa ka ɗang, ace ɗwanyi sǝlǝe andǝ murcandǝa malea.

1 Timoti 1:13

kat andǝ amani ama ɗiɗyal ka, ǝn zalǝki nǝ kunam, ǝn pe aɓwana male tanni, sǝ ǝn lǝmndǝì wi ɓeal ɓǝsǝkiban ngga. Sǝ Ɓakuli ka sǝn mǝsǝswatǝr mem, acemǝnana ǝn pe aɓa ɗwanyi sǝlǝe andǝ ɗwanyi paɓamuru abanì.

Amǝ Ibǝru 12:13

“Wu tsǝk njar ma'wun ɓǝ̀ sarǝ pǝrapǝra,” ace mǝnana agbakǝre ɓǝa kǝa kpa ɗang, ɓǝa kum sonzǝban.

Amǝ Ibǝru 2:17

Ace mani ka, dumǝni wi ama she nǝ̀ nyesǝ ɓamuri kǝla amǝ'eambǝi a koya njargula, ace mǝnana ɓǝ̀ duk Pǝris Mǝgule mǝnana ndanǝ mǝsǝswatǝr aban aɓwana, à nǝ̀ earnǝi aɓa turo male aban Ɓakuli ka. Anggo ka sǝ́ nǝ̀ pa gir'nkila ace twalban cauɓikea mala aɓwana mala Ɓakuli.

Amǝ Ibǝru 2:18

Sǝ acemǝnana yì nǝ nggearǝì ka, kutina aɓa tanni andǝ karǝkiban ngga, nǝ̀ gandǝ bwali aɓwana mǝnana à kutio aɓa karǝkiban ngga.

Amǝ Ibǝru 4:15

Mǝnia yì Pǝris Mǝgule sǝm ndanǝi ka, sǝlǝna nǝ́ arǝwukia ma'sǝm, acemǝnana yì nǝ nggearǝì ka, kutina aɓalǝ àkǝ̀ mǝnia yì akárǝkiban mǝnana à kǝ kum sǝm ngga, a koya njari, kat andǝ amani ka, ko pak cauɓikea ɗang.

Amǝ Ibǝru 7:28

Nggurcau mala Musa kǝ twal aɓwapǝndǝa aɓa gatti malea, ɓǝa duk apǝris mǝgule. Sǝa ma anzǝm mǝnana à pana Nggurcau mala Musa ka, Ɓakuli yi twal Muni nǝ́ kánna ɓǝ̀ yì duk Pǝris Mǝgule, mǝnana lumsǝna aɓalǝ agir kat mana Ɓakuli earkiyi ce ɓǝ̀ duk ka, málá male pà kàm ɗang.

Amǝ Ibǝru 9:7

Sǝ ɓaria ɓālǝi, yì Ban Nggea Mǝfele kat ka, kǝ Pǝris Mǝgule na nǝmurǝì kutikiyi kam ngga. Sǝ mǝno yì kutio mala Pǝris Mǝgule ka, nda kusǝ mwashat ɓǝrɓǝr aɓa pǝlǝa mwashat. Ɗǝm ngga, she nǝ̀ ká nǝ nkila a bui nǝ̀ ngga pā aban Ɓakuli ace acauɓikea male sǝ ace acauɓikea mala acili aɓwana, mǝnana à pak aɓa ɗwanyi sǝlǝe ka.

Jemis 5:19

Wun amǝ'eambǝam, ɓǝ̀ kǝ ɓwa aɓalǝ wun ɓwarki tanjar mala Ɓakuli, wu nyesǝi a tanjar.

1 Bitǝrus 2:25

Ɗiɗyal ka, wu nda kǝla anzur mǝnana à ɓwarki tanjar ka. Sǝ ado ka, wu nyarǝna aban Yál wun andǝ Mǝtsǝkkir ayilǝmi wun.