Amǝ Ibǝru 5:12 - Maləmce Məfele mala Ɓakuli: Kurcau Məbəshe

¹² Wu sauwuna aɓa kpata Yesu, ɓǝ́ ado ka, ɓoaro wu dumǝna amǝkani aɓea ɓwana gir. Sǝ ndo wu ndarǝ kundǝarǝ ɓe ɓwa ɓǝ̀ kǝ̀ kania wun amunacau mǝkeke aɓa cau mala Ɓakuli. Wu nda kǝla abangna-muna; mùr-kiura na wu earkiyi ce ka, wu gandǝ li girlina mǝcande ɗang.

Amǝ Ibǝru 5:12 ပူးပေါင်းရင်းမြစ်များ

Matiu 17:17

Yesu pǝlǝa na ama, “Wun aɓwana mala nza mala kìɗìkì andǝ amǝ'ɗwanyi paɓamuru aban Ɓakuli! Nǝ̀ ngga ká a ya pwari sǝ mǝ nǝ do ata wun sǝ wu nǝ̀ kànì pak ɓe kǝgir? Nǝ̀ ngga ká a ya pwari sǝ mǝ nggǝ twal gandǝrǝu nǝ ɗwanyi earnǝ cau ma'wun a rǝam? Wu yinǝ mune abanam.”

Markus 9:19

Yesu nea wia ama, “Wun amǝ ɗwanyi earnǝ Ɓakuli! Banem nǝ̀ sau lang ata wun sǝ wu nǝ̀ kani earnǝ cau? Banem nǝ̀ sau lang aban twal gandǝa nǝ wun? Wu yinǝam nǝ mune!”

Amǝ Mishan 7:38

Yì Musa ka, nda ata amǝ Isǝrayila aban rambǝa a njarnza; ndakam akano ata aká sǝm a tarǝia andǝ mǝturonjar mala Ɓakuli mǝnana na cau nǝi a Nkono Saina, sǝ ak acau mǝpà yilǝmuì, ace yinǝia aban sǝm.

Amǝ Roma 3:2

E, duk ɓwa Yahudi ka agir mǝɓoarne nakam kpem a ɓalǝi! A tite ka Ɓakuli pea amǝ Yahudi acau male a buia.

1 Amǝ Korinti 14:19

Sǝa ama aban rambǝa mala ikǝlisiya ka, kǝpǝna mǝ na cau tongno mǝnana aɓwana nǝ̀ bwalte, à nǝ̀ kani kǝgir kam ngga, amur mǝnana mǝ nǝ nakia acau á-lum nǝ akún-takuli ka.

1 Amǝ Korinti 14:20

Wun amǝ'eamrǝarǝu, wu kǝa pǝlǝ amuntulo aɓa ɗenyicau ma'wun amur surǝ amǝnia yì agir ka ɗang. Wu duk amuntulo arǝ ɓealɓikea, sǝ wu gul aɓa ɗenyicau ma'wun.

Amǝ Galati 4:3

Kani ama Yesu nǝ̀ yiu ka, anggo gbal sǝ sǝm pa. Sǝm nda kǝla amuna, aguro mala abangŋo mǝnana ado à bwal ɓanza mǝnia ka.

Amǝ Filipi 3:1

A masǝlǝate ka, wun amǝ'eambǝam, ɓǝ̀ ban ɓoara wun ama, wu nda ka mala Mǝtalabangŋo. Ɓǝsǝlǝ gilǝ agir mǝnana ǝn gilǝa wunia a dǝmbǝa ka, kwan rǝam ɗang. Nda ace yal paɓamuru ma'wun.

Amǝ Kolosi 3:16

Ɓǝ̀ cau mala Kǝrǝsti, nǝ ɓoaro male kat ka, ɓǝ̀ lumsǝ ɗenyicau ma'wun. Wu kǝ kania rǝ wun gir sǝ wu kwarkir rǝarǝ wun, nǝ sǝlǝe mǝnana kat Kǝrǝsti pa sǝm ngga. Wu kǝ tuka anggyal ɓa Malǝmce mala Anggyal, andǝa mǝnana à cia nǝ tsǝa ka, andǝ anggyal ɓabangŋo, aban Ɓakuli nǝ ɓabum mana lumsǝ nǝ pak yàwá ka.

Amǝ Ibǝru 10:32

Wu ɗenyi nǝ anonggeo mǝnana a pwaryan wu tita kum tǎlaban a ɓabum wun ngga. Wu tanni kǝrkǝr, sǝ wu eare tanni mak wun ɗang.

Amǝ Ibǝru 5:11

Sǝm ndanǝ acau pas mǝnana sǝm nǝ̀ ne amur mǝnia ka, sǝ bǝlki ɓālǝi na kwan ngga, acemǝnana cau kǝ kaurǝ kpaka wun ɗang.

Amǝ Ibǝru 5:13

Ɓwa mǝnana ueo amur nu kiura ka, bangna-muna na, pànǝ ɓe kǝ sǝlǝe amur cau mala gir mǝnana nda a njari andǝ mǝnana pà a njari raka ɗang.

Amǝ Ibǝru 6:1

Ace mani ka, ɓǝ̀ sǝm ɗeki akanigir mala tita eaulǝki acau amur Kǝrǝsti. Ɓǝ̀ sǝm tùr a dǝmbǝa, ɓǝ̀ sǝm lumsǝ aɓa bwaltagir. Ɓǝ̀ sǝm ngga nyar ɗǝm aban kwakita kusǝɓǎ amur pwanzali andǝ vwaki bu arǝ aturo mǝnana à nǝ̀ kánǝban a lú, andǝ paɓamuru aban Ɓakuli ɗang.

1 Bitǝrus 2:2

Wu pa kǝla abangna-muna, rǝ wun ɓǝ̀ kǝ ɓǝla arǝ nu kiura mǝɓoarnsari mala cau mala Ɓakuli, ace mǝnana ɓǝ̀ wu gulo a ɓalǝi, ɓǝ̀ kyan nǝ wun a amsǝban,

1 Bitǝrus 4:11

Ɓǝ̀ we ka, sǝlǝ nacau na à po ka, ne kǝla Ɓakuli na nakiyi cau nǝ kuno ka. Ɓǝ̀ mo yi ɓoro ka ndà pea aɓwana gbasha ka, pè nǝ rǝcandǝa andǝ rǝɓǝla mǝnana Ɓakuli po ka. Anggo ka, gir mǝnana kat a pe ka, nǝ̀ yinǝi Ɓakuli gulo nǝban Yesu Kǝrǝsti. Gulo andǝ rǝcandǝa kat ka amale na, málá male pà kàm ɗang! Amin.