Amǝ Ibǝru 5:11 - Maləmce Məfele mala Ɓakuli: Kurcau Məbəshe

¹¹ Sǝm ndanǝ acau pas mǝnana sǝm nǝ̀ ne amur mǝnia ka, sǝ bǝlki ɓālǝi na kwan ngga, acemǝnana cau kǝ kaurǝ kpaka wun ɗang.

Amǝ Ibǝru 5:11 ပူးပေါင်းရင်းမြစ်များ

Matiu 13:15

Ɓabum aɓwana mǝnia ka jimgbǝrina; à kǝ gandǝ okban nǝ akiria ɗang, sǝ yia ka à girkina amǝsǝia. Ɓǝ̀ ana raka mǝsǝia nǝ̀ sǝnban, à nǝ̀ okban nǝ akiria, à nǝ̀ bwalta ɓacau nǝ ɓabumia, sǝ à nǝ̀ pǝlǝa, à nǝ̀ nyare abanam, sǝ mǝ nǝ sonzǝia.”

Markus 8:21

Pǝlǝa ɗia ama, “Ado ka wu surǝ gir mǝnana ǝn banggi cau amuri ka re?”

Luka 24:25

Pǝlǝa Yesu nea wia ama, “Wu gǝmi fat, sǝ ɓamur wun dǝmbǝri arǝ bwalta acau mǝnana kat amǝ'ɓangna mala Ɓakuli na ka!

Yohana 16:12

Mǝ ndanǝ agir kam pas mǝnana ǝn earce na wun ngga, sǝ pà wu nǝ̀ gandǝ ea ado ɗang.

Yohana 6:6

Yesu na mǝnia yì cau ka nǝ̀ mwam Filip; aɓa mǝsǝcau ka surǝna rǝ gir mǝnana nǝ̀ pak ka.

Amǝ Mishan 28:27

acemǝnana ɓabum mǝnia yì aɓwana ka à candǝkina, sǝ yia ka à girkina akiria sǝ à kùmsǝkina amǝsǝia. Ɓǝ̀ a na raka, amǝsǝia nǝ̀ sǝn ban, akiria nǝ̀ ok ban, ɓabumia nǝ̀ kum sǝlǝe, sǝ à nǝ̀ nyare a banam, sǝ mǝ nǝ nyesǝia a bancame mǝɓoarne malea.”

Amǝ Ibǝru 5:10

Sǝ Ɓakuli tunǝi, tàrì ɓǝ̀ duk Pǝris Mǝgule, kǝla mala Melkizedek ka.

Amǝ Ibǝru 5:12

Wu sauwuna aɓa kpata Yesu, ɓǝ́ ado ka, ɓoaro wu dumǝna amǝkani aɓea ɓwana gir. Sǝ ndo wu ndarǝ kundǝarǝ ɓe ɓwa ɓǝ̀ kǝ̀ kania wun amunacau mǝkeke aɓa cau mala Ɓakuli. Wu nda kǝla abangna-muna; mùr-kiura na wu earkiyi ce ka, wu gandǝ li girlina mǝcande ɗang.

2 Bitǝrus 3:16

Kǝ na cau amur amǝnia yì agir ka aɓalǝ acautera male kat. Aɓea cau male ka, surǝe kwan kǝrkǝr, sǝ aɓwana mǝnana à ɗwanyi sǝlǝe sǝ à kǝ came amur cau mǝ'mwashati raka, à kǝ pūrǝ acautera male nǝ mgbasho, kǝla mǝnana à kǝ pak nǝ cili Amalǝmce ka. Mǝnia ka, nda gir mǝnana nǝ̀ nunmbia wia nggea kiɗikea mǝgule ka.