Amǝ Ibǝru 4:9 - Maləmce Məfele mala Ɓakuli: Kurcau Məbəshe

⁹ Ace mani ka, usǝlǝo na kam piu ace aɓwana mala Ɓakuli, kǝla usǝlǝo mala Ɓakuli a tongno-nong-ɓaria nongŋo.

Amǝ Ibǝru 4:9 ပူးပေါင်းရင်းမြစ်များ

Matiu 1:21

Yì ka, nǝ̀ ɓǝl muna-ɓwabura, sǝ a wu nǝ tsǝki wi lullǝu ama Yesu, acemǝnana nǝ̀ yia amsǝ aɓwana male aɓalǝ acauɓikea malea ka.”

Titus 2:14

Yì nda ɓwa mǝnana yi pa yilǝmi ace amsǝ sǝm aɓa ko ya ulang cauɓikea le ka, sǝ ɓǝ̀ lak sǝm, ace mǝnana ɓǝ̀ tsǝk sǝm ɓǝ̀ sǝm pǝlǝa àkǝ̀ male, aɓwana mǝnana à ndanǝ rǝɓǝla ace pakki aturo mǝɓoarne ka.

Amǝ Ibǝru 11:25

Nǝ́ eare male sǝ kutio a tanni ata aɓwana mala Ɓakuli, amur mǝnana nǝ̀ kum banɓoarnado aɓa pǝlpǝl mala cauɓikea, mǝnana banì pà nǝ̀ sau raka.

Amǝ Ibǝru 3:11

Nda sǝ ǝn kángir aɓa bumlulla mem ama, ‘À pà nǝ̀ kutio aɓa usǝlǝo mem ɗang.’ ”

Amǝ Ibǝru 4:1

Sǝ acemǝnana pàcau mala kutio aɓa usǝlǝo mala Ɓakuli na kam piu ka, ɓǝ̀ sǝm parkir sǝm, ɓǝ̀ kǝa do ama à nǝ̀ kum kǝɓwa ata wun mǝnana nǝ̀ ɗwanyi kutio ka ɗang.

Amǝ Ibǝru 4:10

Acemǝnana ɓwa mǝnana kat kutina aɓa usǝlǝo mala Ɓakuli ka, usǝlǝni aturo male, kǝla mana Ɓakuli ka, usǝlǝ arǝ male yì aturo ka.

Amǝ Ibǝru 4:3

Sǝ sǝm mǝnana sǝm pà ɓamur sǝm ngga, sǝm nda sǝm nǝ̀ kutio aɓa usǝlǝo mǝno ka. Sǝ malea yì aɓwana mǝnana à pà ɓamuria raka, Ɓakuli na ama, “Pǝlǝa ǝn kánna aɓa bumlulla mem, ‘À pà nǝ̀ kutio aɓa usǝlǝo mem ɗang.’ ” Bang mǝnia ka, kat andǝ amani ama malǝna aturo male ɗiɗyal a shareta ɓanza ka.

Amǝ Ibǝru 4:8

Ɓǝa bangŋa ama Jesǝwa pania wia mǝnia yì usǝlǝo ka, Ɓakuli pa nǝ̀ nyare nǝ̀ na ce ɓe kǝ pwari usǝlǝo ɗǝm mǝnana nǝ̀ yiu ka ɗang.

1 Bitǝrus 2:10

“Ɗiɗyal ka, wu nda ka kǝ aɓwana ɗang, sǝ adyan ngga, wu dumǝna aɓwana mala Ɓakuli. Ɗiɗyal ka, à sǝn mǝsǝswatǝr ma'wun ɗang, sǝ adyan ngga, à sǝnǝna mǝsǝswatǝr ma'wun.”

Sǝna 14:13

Pǝlǝa ǝn ok ɓe giu pur nǝ kuli na ama, “Gilǝ cau mǝnia ka: “ ‘Twal ado mǝno ka, tsǝkbu mala Ɓakuli na amur aɓwana mǝnana à wu aɓa dotarǝu malea andǝ Mǝtalabangŋo ka!’ ” Bangŋo mala Ɓakuli kǝ na ama, “E, mǝsǝtacau, à nǝ̀ kum usǝlǝo aɓalǝ aturo malea, acemǝnana aturo mǝɓoarne malea mǝnana à pea ka, à kǝ ongsǝo atea.”

Sǝna 21:4

Nǝ̀ esǝki mǝrǝm kat a mǝsǝia, sǝ lú, andǝ bumkiɗikea, andǝ ɓua andǝ kwanban ngga, à pà nǝ̀ pàk kàm ɗǝm ɗang. Amǝnia yì agir mǝnana ɗiɗyal ka, à umna ɗǝɗak.