Amǝ Ibǝru 4:12 - Maləmce Məfele mala Ɓakuli: Kurcau Məbəshe

¹² Cau mala Ɓakuli ka, ndanǝ yilǝmu, sǝ ndanǝ rǝcandǝa. Cyauwe kuti koya ulang ya nggeabyau mǝnana kuni ɓari ka. Kǝ soaban, kǝ kutia ban gakya mala bangŋe ɓwa andǝ yilǝmi. Kǝ kutio aban kpakǝri mala mú andǝ girɓamu. Kǝ pusǝta mana nda mǝɓoarne andǝ mǝɓane arǝ ɗenyicau andǝ kani mala ɓabum ɓwa.

Amǝ Ibǝru 4:12 ပူးပေါင်းရင်းမြစ်များ

Luka 8:11

Mǝnia ka ndà ɓa man yì kanicau: Mǝsǝɓeale ka nda cau mala Ɓakuli.

Yohana 12:48

Aɓwana mǝnana kat à ginǝam sǝ à ginǝ ak cau mem ngga, à ndanǝ mǝɓashi mǝnana nǝ̀ ɓashia wia ka. Acau mǝnana ǝn nea ka, à nǝ̀ mea a ɓashi a masǝlǝata apwari!

Yohana 6:51

Mǝ nda girlina mala yilǝmu mǝnana sulǝ nǝ kuli ka. Ɓwa mǝnana kat li mǝnia yì girlina ka nǝ̀ dumnǝ yilǝmu mǝnana málá male pà kàm raka. Sǝ mǝnia yì girlina ka nyam nggūrǝam na, mǝnana mǝ nǝ pa ace mǝnana ɓǝ̀ ɓanza kum yilǝmu ka.”

Amǝ Mishan 2:37

Lang amǝnia yia aɓwana ok anggo ka, cau tǝmia a ɓabumia kǝrkǝr, sǝ à ne Bitǝrus andǝ acilia amǝ'mishan ama, “Amǝ'eam sǝm, mana ɓoaro ɓǝ̀ sǝm pa?”

Amǝ Mishan 4:31

Lang à nǝ̀ mal pak hiwi ani ka, kara ban mǝnana à ram nggam ngga dǝurǝkio. Sǝ yia kat ka, à lumsǝ nǝ Bangŋo Mǝfele, sǝ à hamnǝ cau mala Ɓakuli nǝ ɓabumcandǝa.

Amǝ Mishan 5:33

Lang amǝkurcau kat ongŋǝna mǝno yì cau ka, bumia lul kǝrkǝr, sǝ à lo ama, à nǝ̀ wal-luia.

Amǝ Mishan 7:38

Yì Musa ka, nda ata amǝ Isǝrayila aban rambǝa a njarnza; ndakam akano ata aká sǝm a tarǝia andǝ mǝturonjar mala Ɓakuli mǝnana na cau nǝi a Nkono Saina, sǝ ak acau mǝpà yilǝmuì, ace yinǝia aban sǝm.

Amǝ Roma 1:16

Mim ngga kǝsǝkya kǝ pakkam arǝ Cau Amsǝban mala Kǝrǝsti ɗang, acemǝnana mǝnia ka rǝcandǝa mala Ɓakuli na ace amsǝ aɓwana mana à paɓamuria ka, tite nǝ ɓwa Yahudi, sǝ ɓwa mǝnana ɓwa Yahudi na raka.

1 Amǝ Korinti 1:24

Sǝ aban aɓwana mǝnana Ɓakuli tunǝia ka, kǝm amǝ Yahudi andǝ aɓwana mǝnana amǝ Yahudi na raka, mǝnia yì cau yilǝmu ka Kǝrǝsti na, yì mǝnana nda rǝcandǝa andǝ sǝlǝe mala Ɓakuli ka.

2 Amǝ Korinti 2:17

Sǝm pa kǝla acilia aɓwana, mǝnana à twal cau mala Ɓakuli gir nggaliki na ka ɗang. Sǝm, aɓa tárǝu ma'sǝm sǝnǝa Kǝrǝsti ka, sǝm nggǝ hamnǝ cau nǝ ɓabum sǝm mwashat a ɓadǝm Ɓakuli, kǝla aɓwana mǝnana Ɓakuli nǝ̀ turia ka.

2 Amǝ Korinti 4:2

Sǝm nyingŋǝna bu sǝm arǝ agir kǝsǝkya mǝnana à kǝ pea aɓa sǝmbǝrǝa ka, sǝ sǝm ginǝce ɓealǝu mala swarkiban. Pà sǝm nǝ̀ na cau mala Ɓakuli nǝ nyir ɗang. Sǝm nǝ̀ dukdo mǝsǝcau aɓa tǎlaban a ɓadǝm Ɓakuli, sǝ sǝm nǝ̀ ɓariki aban lǝmndǝ ɓamur rǝ sǝm a njar mǝɓoarne aban aɓwana kat mǝnana à kǝ gandǝ gakita mǝɓoarne andǝ mǝɓane aɓa ɗenyicau malea ka.

Amǝ Afisu 5:13

Sǝ ɓǝ̀ tǎlaban yi tana amuria ka, aɗenyicau malea mǝɓane ka, à nǝ̀ pusǝ rǝia a banfana.

Amǝ Afisu 5:26

Kǝrǝsti pa yilǝmi ace mǝnana ɓǝ̀ tar aɓwana male, yì ikǝlisiya, ɓǝa duk a mala Ɓakuli, nǝ̀ nggǝ lea nǝ mur lakban mala cau mala Ɓakuli.

Amǝ Afisu 6:17

Ɓǝ̀ amsǝban gir múr wun kǝla sukuru-bolo mǝnana wu nǝ̀ oasǝo ace yal ɓamur wun ngga, sǝ wu pak turo nǝ cau mala Ɓakuli, kǝla nggeabyau mǝnana Bangŋo mala Ɓakuli kǝ pa wun, wu nǝ̀ twal a bu wun ace munǝo ka.

1 Amǝ Tasalonika 2:13

Sǝ ɗǝm ngga sǝm nggǝ pakki Ɓakuli yàwá tutu. Acemǝnana, lang sǝm yinǝ́nà wun nǝ́ cau mala Ɓakuli ka, wu twali kǝla cau mala ɓwapǝndǝa na ɗang. Wu oe, sǝ wu é cau mala Ɓakuli na, mǝ'mǝsǝcau nì mǝnana ndaban pak turo a ɓabum wun, wun aɓwana mǝnana kat wu pa ɓamur wun abani ka.

1 Amǝ Tasalonika 5:23

Adyan ngga, Ɓakuli mana pākiyi dorǝpwala ka, nǝ ɓamuri ɓǝ̀ tàr wun, ɓǝ̀ wu duk amale arǝ anjari pupup. Ɓǝ̀ yál bangŋo ma'wun, andǝ yilǝmi wun, andǝ nggūrǝ wun kat ɓǝa do aɓa ɗwanyi cau a rǝǔ a pwari mǝnana Mǝtala sǝm Yesu Kǝrǝsti nǝ̀ nyar nǝi ka.

Amǝ Ibǝru 13:7

Wu ɗenyi nǝ aɓwana-mǝgule ma'wun mǝnana à kania wun cau mala Ɓakuli ka. Wu ɗenyi nǝ agir mǝɓoarne mǝnana à pur aɓa do malea ka, sǝ wu twal kusǝ kǝ paɓamuru malea.

Amǝ Ibǝru 6:5

Ɗǝm ngga anzǝm mana à ongŋǝna ɓoro mala cau mala Ɓakuli andǝ arǝcandǝa mala nza mǝnana kǝ yiu ka,

Jemis 1:18

Aɓa kane male sǝ yi ɓǝl sǝm nǝ cau mǝ'mǝsǝcau nì; tàr sǝm ata dǝmbe aɓalǝ aɓwana mǝnana pusǝia kat ka.

1 Bitǝrus 1:23

Wun ngga, à ɓǝsǝlǝna ɓǝl wun a bǝshe, sǝ mǝnia yì bǝsa ɓǝlban ngga, pur aɓa mǝsǝɓeale mǝnana kǝ kìɗìkì ka ɗang, pur aɓa mǝsǝɓeale mala cau mǝyilǝmuì mala Ɓakuli, yì cau male mana te malkiyi raka.

Sǝna 1:16

Bwal anlero tongno-nong-ɓari a bui-mǝli, sǝ nggeabyau mǝnana nǝ akuni mǝceauwe ɓari ka, pur a ɓakuni. Ɓamǝsǝi kǝ tànzama kǝla ta mala pwari aɓa zǝkia male.

Sǝna 19:15

A ɓakuni ka, nggeabyau mǝceauwe kǝ puro mǝnana nǝ̀ gandǝna aɓwana nǝi arǝ anzali, mǝnana à mgbikiru ka. “Nǝ̀ yal muria nǝ gara-bolo.” Aɓiamǝbura ka nǝ̀ parkia aɓa tūli ɓa nggea tali kamnggi mùr-anap. Nǝ̀ pak mǝnia ka ace lǝmndǝ bumlulla mǝcande mala Ɓakuli mana Karban kat ka amur amǝ'ɓealɓikea.

Sǝna 19:21

Amǝ'lwa malea ka, à twaltea kat nǝ nggeabyau mǝceauwe mǝnana kǝ pur a kun ɓwa mǝnana anzǝm pǝr kwakiyi ka. Sǝ adǝkǝlaki yi sulǝo amur aluia, à li gir mǝnana kárǝìa ka.

Sǝna 2:16

Pwanzali, nying bo arǝ acauɓikea mo. Ɓǝ̀ ana raka, mǝ nǝ yipo nǝ yasǝlǝban, sǝ mǝ nǝ ká nǝ́ munǝo arǝ aɓwana mǝno nǝ́ nggeabyau mǝnana a kunam ngga.

Sǝna 2:23

Mǝ nǝ twalta amǝkpate nǝ lú. Anggo sǝ a'ikǝlisiya kat nǝ̀ sǝlǝ ama Mǝ nda mǝnana ǝn nggǝ sǝn ɓabum andǝ ɗenyicau mala koyana le ka. Mǝ nǝ pe koyana ata wun ngga tangnakusǝu mala gir mǝnana pak ka.

Sǝna 20:4

Pǝlǝa ǝn sǝn abuno-murǝm sǝ aɓwana mǝnana à do amuria ka, à pania rǝcandǝa mala pak ɓashi. Sǝ ǝn sǝn ayilǝmi aɓwana mǝnana à kasǝ ɓamuria ace nakun malea amur Yesu andǝ bang cau mala Ɓakuli ka. Yia ka, à peri aban nyamɓikea ko ɓǝ̀nzál male ɗang, sǝ à ak nyoulǝa male a kundǝmbǝia ko arǝ abuia ɗang. Yia kat, à lo nǝ yilǝmu ɗǝm, sǝ à duk amurǝma ata Kǝrǝsti arǝ apǝlǝa á-mwashat.